കാരക്കാട്ടെ സ്വകാര്യ റിസോര്ടില് നടന്ന ലഹരി പാര്ട്ടിയില് പങ്കെടുത്ത ഇരുപതോളം പേര് കസ്റ്റഡിയില്
തിരുവനന്തപുരം പൂവാറിലെ കാരക്കാട്ടെ സ്വകാര്യ റിസോര്ട്ടില് നടന്ന ലഹരി പാര്ടിയില് പങ്കെടുത്ത ഇരുപതോളം പേര് കസ്റ്റഡിയില്.എക്സൈസ് എന്ഫോഴ്സ്മെന്റ് നടത്തിയ പരിശോധനയില് സ്ത്രീയും കൊലക്കേസ് പ്രതിയും അടക്കമുള്ളവരാണ് പിടിയിലായത്. ഇവരില് നിന്നും ഹഷീഷ് ഓയില്, എംഡിഎംഎ, മറ്റു ലഹരി വസ്തുക്കള് എന്നിവയും പിടിച്ചെടുത്തതായി എക്സൈസ് അറിയിച്ചു.
'നിര്വാണ' എന്ന കൂട്ടായ്മയാണ് പാര്ടി സംഘടിപ്പിച്ചത്. ശനിയാഴ്ച രാവിലെ ആറുമണിക്ക് തുടങ്ങിയ ലഹരി പാര്ടി ഞായറാഴ്ച ഉച്ചവരെ നീണ്ടു. സ്ത്രീകള് അടക്കം നിരവധി പേര് ലഹരി പാര്ടിയില് പങ്കെടുക്കുന്നുണ്ടെന്ന വിവരമറിഞ്ഞ് എക്സൈസ് ഉദ്യോഗസ്ഥര് എത്തുമ്ബോഴും പാര്ട്ടി നടക്കുകയായിരുന്നു.
ടൂറിസ്റ്റുകളെന്ന വ്യാജേനയാണ് എക്സൈസ് റെയ്ഡ് നടന്ന റിസോര്ട്ടിലെത്തിയത്. റിസോര്ട്ട് ഒരു ദ്വീപിലായതിനാല് ബോട്ടിലായിരുന്നു വന്നത്. മുന്പും ഇവിടെ പാര്ടി നടന്നിട്ടുണ്ടായിരുന്നു. ഇതു സംബന്ധിച്ചു നിരവധി പരാതികള് എക്സൈസിനു ലഭിച്ചിരുന്നു. ഇതിന്റെ അടിസ്ഥാനത്തില് എക്സൈസ് റിസോര്ടിനെ നിരീക്ഷിച്ചു വരികയായിരുന്നു. അതിനിടെ ശനിയും ഞായറും പാര്ട്ടി നടക്കുന്നുണ്ടെന്ന് ബെന്ഗ്ലൂറുവില് നിന്ന് എക്സൈസ് എന്ഫോഴ്സ്മെന്റിന് കിട്ടിയ രഹസ്യവിവരത്തിന്റെ അടിസ്ഥാനത്തിലായിരുന്നു ഞായറാഴ്ച ഉച്ചയ്ക്ക് പരിശോധന നടത്തിയത്.
ആരെല്ലാം ഏതെല്ലാം രീതിയില് പങ്കാളിത്തം വഹിച്ചുവെന്നത് പരിശോധിക്കും. ഇതിനായി സിസിടിവി ദൃശ്യങ്ങള് കണ്ടെടുത്തിട്ടുണ്ടെന്ന് റെയ്ഡില് പങ്കെടുത്ത എക്സൈസ് ഉദ്യോഗസ്ഥന് പറഞ്ഞു.
ആര്യനാട് സ്വദേശി അക്ഷയ് മോഹന്, കണ്ണാന്തുറ സ്വദേശി പീറ്റര് ഷാന് തുടങ്ങിയവരാണ് പാര്ടി സംഘടിപ്പിച്ചതെന്ന് കണ്ടെത്തിയിട്ടുണ്ടെന്നും എക്സൈസ് അറിയിച്ചു. വാട്സ് ആപ് കൂട്ടായ്മയുടെ ആഭിമുഖ്യത്തിലായിരുന്നു പാര്ടി. സംസ്ഥാനത്ത് നിന്ന് പുറത്തുള്ളവരും പാര്ടിയില് പങ്കെടുത്തിരുന്നുവെന്നും എക്സൈസ് അറിയിച്ചു.
നിര്വാണ മ്യൂസിക് ഫെസ്റ്റ് എന്ന പേരിലായിരുന്നു ഇവര് ഡിജെ പാര്ടി സംഘടിപ്പിച്ചത്. ആളൊന്നിന് 1000 രൂപയായിരുന്നു ഫീസായി ഈടാക്കിയിരുന്നതെന്നാണ് അറിയാന് കഴിഞ്ഞതെന്ന് എക്സൈസ് ഉദ്യോഗസ്ഥര് പറഞ്ഞു.
റിസോര്ടില് മദ്യം വിളമ്ബാനുള്ള ലൈസന്സ് ഇല്ലെന്നും, ബോട്ട് മാര്ഗം മാത്രമേ റിസോര്ടില് എത്താനാവൂ എന്നുമിരിക്കെ ബോട്ട് സൗകര്യം ഉള്പെടെ ഒരുക്കി നല്കിയ റിസോര്ട്ട് അധികൃതരുടെ ഉദ്ദേശശുദ്ധിയും സംശയ നിഴലിലാണ്. മുന്പും കഞ്ചാവ് കേസുകളില് പ്രതിയായിരുന്നു അക്ഷയ് മോഹന്. കസ്റ്റഡിയിലെടുത്ത പലരും ലഹരി മയക്കത്തില് ആയതിനാല് ചോദ്യം ചെയ്യലിന് തടസമുണ്ട്.
https://www.facebook.com/Malayalivartha
