അമേരിക്കയിൽ കറുത്ത വർഗക്കാരനോടുള്ള പൊലീസിന്റെ ക്രൂരമായ നടപടിയെ തുടർന്ന് കൊൽക്കത്തയിലെ അമേരിക്കൻ സെന്ററിനു മുന്നിൽ പ്രതിഷേധ പ്രകടനം നടത്തിയ പ്രസ്ഥാനമാണല്ലോ താങ്കൾ നേതൃത്വം നൽകുന്ന ഡിവൈഎഫ്ഐ; ആറ്റിങ്ങലിൽ എട്ടു വയസ്സുള്ള പെൺകുട്ടിയോട് പിങ്ക് പൊലീസ് കാട്ടിയ ക്രൂരമായ നടപടിയിൽ പ്രതിഷേധിച്ച് ഏത് സെന്ററിനു മുന്നിലാണ് താങ്കളുടെ പ്രസ്ഥാനം പ്രകടനം സംഘടിപ്പിക്കുന്നത്?എ എ റഹിമിനോട് ചോദ്യവുമായി ശ്രീജിത്ത് പണിക്കർ
പ്രിയസഖാവ് എ എ റഹിമിനോട് ഒരു ചെറിയ ചോദ്യവുമായി ശ്രീജിത്ത് പണിക്കർ. അദ്ദേഹത്തിന്റെ ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;ശ്രീജിത്ത് പണിക്കരുടെ കുറിപ്പ്.;പ്രിയസഖാവ് എ എ റഹിമിനോട് ഒരു ചെറിയ ചോദ്യം.
അമേരിക്കയിൽ കറുത്ത വർഗക്കാരനോടുള്ള പൊലീസിന്റെ ക്രൂരമായ നടപടിയെ തുടർന്ന് കൊൽക്കത്തയിലെ അമേരിക്കൻ സെന്ററിനു മുന്നിൽ പ്രതിഷേധ പ്രകടനം നടത്തിയ പ്രസ്ഥാനമാണല്ലോ താങ്കൾ നേതൃത്വം നൽകുന്ന ഡിവൈഎഫ്ഐ.
ആറ്റിങ്ങലിൽ എട്ടു വയസ്സുള്ള പെൺകുട്ടിയോട് പിങ്ക് പൊലീസ് കാട്ടിയ ക്രൂരമായ നടപടിയെ കേരളാ ഹൈക്കോടതി രൂക്ഷമായി വിമർശിച്ചത് താങ്കൾ ശ്രദ്ധിച്ചുകാണുമല്ലോ. കേരളാ പൊലീസിന്റെ ഈ നടപടിയിൽ പ്രതിഷേധിച്ച് ഏത് സെന്ററിനു മുന്നിലാണ് താങ്കളുടെ പ്രസ്ഥാനം പ്രകടനം സംഘടിപ്പിക്കുന്നത്? #BlackLivesMatter പോലെ #GirlLivesMatter എന്നതും പ്രധാനമാണെന്ന് ഓർമ്മിപ്പിക്കുന്നുവെന്ന് പറഞ്ഞാണ് അദ്ദേഹം കുറിപ്പ് അവസാനിപ്പിച്ചത്.
അതേസമയം മൊബൈല് ഫോണ് മോഷ്ടിച്ചെന്ന പേരില് പിങ്ക് പൊലീസ് എട്ടുവയസ്സുകാരിയെയും അച്ഛനെയും പരസ്യ വിചാരണ നടത്തിയ സംഭവം വളരെയധികം വിവാദമായിരുന്നു. അങ്ങനെ ചെയ്ത പിങ്ക് പോലീസ് ഉദ്യോഗസ്ഥകൾക്ക് നേരെ നടപടിക്കും ശ്രമം നടത്തിയിരുന്നു. ഇപ്പോൾ ഇതാ പരസ്യമായി ക്ഷമ ചോദിച്ച് രംഗത്ത് വന്നിരിക്കുകയാണ് പൊലീസ് ഉദ്യോഗസ്ഥ.
പെണ്കുട്ടിയോടും കുടുംബത്തോടും ക്ഷമ ചോദിക്കുന്നുവെന്ന് പൊലീസ് ഉദ്യോഗസ്ഥ രജിത ഹൈക്കോടതിയിൽ വ്യക്തമാക്കി. മൂന്നു കുട്ടികളുണ്ടെന്നും കുടുംബത്തിന്റെ സംരക്ഷണച്ചുമതല തനിക്കാണെന്നും ഉദ്യോഗസ്ഥ ഹൈക്കോടതിയിൽ പറഞ്ഞു.
ക്ഷമാപണം സ്വാഗതാര്ഹമെന്ന് അറിയിച്ച കോടതി ക്ഷമ സ്വീകരിക്കണോയെന്ന് കുട്ടിക്കും രക്ഷിതാക്കള്ക്കും തീരുമാനിക്കാമെന്നും പറഞ്ഞു. ഹർജി പരിഗണിച്ച ഹൈക്കോടതി രൂക്ഷവിമര്ശനമാണ് ഡിജിപിക്ക് നേരെ ഉയർത്തിയിരിരുന്നു.
https://www.facebook.com/Malayalivartha
