ഗുരുവായൂരപ്പന് കാണിക്കയായി ലഭിച്ച 'ഥാര്' സ്വന്തമാക്കാന് ഭക്തര്ക്ക് അവസരം: പരസ്യലേലത്തിനൊരുങ്ങി ദേവസ്വം ഭരണസമിതി
കഴിഞ്ഞ കുറച്ചു ദിവസങ്ങളായി സോഷ്യൽമീഡിയയിൽ വൈറലായിക്കൊണ്ടിരിക്കുന്നത്. ഗുരുവായൂരുപ്പിന് കാണിക്കയായി ലഭിച്ച 'ഥാര്' ഭക്തര്ക്ക് സ്വന്തമാക്കാന് അവസരം. വാഹനം പരസ്യലേലത്തിന് വയ്ക്കാന് ദേവസ്വം ഭരണസമിതി തീരുമാനിച്ചു.
ഡിസംബര്18 ശനിയാഴ്ച ഉച്ചക്ക് ശേഷം 3 മണിക്കാണ് പരസ്യ ലേലം നടത്തുക. കഴിഞ്ഞ ദിവസമാണ് ഗുരുവായൂരപ്പന് കാണിക്കയായി മഹീന്ദ്രയുടെ ന്യൂ ജനറേഷന് എസ്യുവി ഥാര് ലഭിച്ചത്.
ഏറ്റവും പുതിയ മഹീന്ദ്ര ന്യൂ ഥാര് ഫോര് വീല് ഡ്രൈവ് മഹീന്ദ്രാ ആന്റ് മഹീന്ദ്രാ ലിമിറ്റഡാണ് നാലാം തിയതി നടയ്ക്കല് സമര്പ്പിച്ചത്. റെഡ് കളര് ഡീസല് ഓപ്ഷന് ലിമിറ്റഡ് എഡിഷനാണ് സമര്പ്പിക്കപ്പെട്ടത്. വിപണിയില് 13 മുതല് 18 ലക്ഷം വരെ വിലയുള്ളതാണ് വാഹനം.
ഗുരുവായൂര് കിഴക്കേ നടയില് നടന്ന ചടങ്ങില് ദേവസ്വം ചെയര്മാന് അഡ്വ കെബി മോഹന്ദാസിന് വാഹനത്തിന്റെ താക്കോല് മഹീന്ദ്രാ ആന്റ് മഹീന്ദ്രാ ലിമിറ്റഡിന്റെ ചീഫ് ഓഫ് ഗ്ലോബല് പ്രോഡക്ട് ഡവലപ്മെന്റ് ആര് വേലുസ്വാമി കൈമാറുകയായിരുന്നു.
ഊരുവിലക്ക് ദേവസ്വം അഡ്മിനിസ്ട്രേറ്റര് കെപി വിനയന്, മഹീന്ദ്ര ആന്റ് മഹീന്ദ്ര ലിമിറ്റഡ് വൈസ് ചെയര്മാന് ജോസ് സാംസണ്, കേരള കസ്റ്റമര് കെയര് ഹെഡ് കണ്ടപ്പാ പറ്റിത്, ഏരിയ സെയില്സ് മാനേജര് ജഗന്കുമാര് ഡിഎച്ച്, ക്ഷേത്രം ഡിഎ പി മനോജ് കുമാര്, ക്ഷേത്രം മാനേജര് എകെ രാധാകൃഷ്ണന്, അസിസ്റ്റന്റ് മാനേജര് രാമകൃഷ്ണന് എന്നിവര് ചടങ്ങില് സന്നിഹിതരായി.
https://www.facebook.com/Malayalivartha
