ആലപ്പുഴയില് പക്ഷിപ്പനി സ്ഥിരീകരിച്ച സാഹചര്യത്തില് പ്രതിരോധ നടപടികള് ഉര്ജ്ജിതമാക്കി.....റാപ്പിഡ് റെസ്പോണ്സ് ടീമുകളുടെ സേവനം ഉറപ്പാക്കിയാണ് മൃഗസംരക്ഷണ വകുപ്പ് പക്ഷികളെ മറവുചെയ്യുക, രോഗം സ്ഥിരീകരിച്ച മേഖലകളില് ആര്ആര്ടികളെ നിയോഗിച്ച് ജനങ്ങള്ക്ക് പ്രതിരോധ മരുന്നുകള് വിതരണം ചെയ്യും
ആലപ്പുഴയില് പക്ഷിപ്പനി സ്ഥിരീകരിച്ച സാഹചര്യത്തില് പ്രതിരോധ നടപടികള് ഉര്ജ്ജിതമാക്കി.....റാപ്പിഡ് റെസ്പോണ്സ് ടീമുകളുടെ സേവനം ഉറപ്പാക്കിയാണ് മൃഗസംരക്ഷണ വകുപ്പ് പക്ഷികളെ മറവുചെയ്യുക, രോഗം സ്ഥിരീകരിച്ച മേഖലകളില് ആര്ആര്ടികളെ നിയോഗിച്ച് ജനങ്ങള്ക്ക് പ്രതിരോധ മരുന്നുകള് വിതരണം ചെയ്യും.
രോഗബാധ സ്ഥിരീകരിച്ച മേഖലകളില് താറാവ്, കോഴി, കാട, വളര്ത്തുപക്ഷികള് ഇവയുടെ മുട്ട, ഇറച്ചി, കാഷ്ടം (വളം) എന്നിവയുടെ ഉപയോഗവും വിപണനവും നിരോധിച്ച് ജില്ലാ കളക്ടര് ഉത്തരവിട്ടു.
ചമ്പക്കുളം, നെടുമുടി, മുട്ടാര്, വീയപുരം, കരുവാറ്റ, തൃക്കുന്നപ്പുഴ, തകഴി, പുറക്കാട്, അമ്പലപ്പുഴ തെക്ക്, അമ്പലപ്പുഴ വടക്ക്, എടത്വ പഞ്ചായത്തുകളിലും ഹരിപ്പാട് നഗരസഭാ മേഖലയിലുമാണ് ഈ നിയന്ത്രണം ബാധകമാകുക. തകഴി പഞ്ചായത്ത് 10ാം വാര്ഡില് ഒരു കിലോമീറ്റര് ചുറ്റളവിലുള്ള പ്രദേശത്തെ പക്ഷികളെ കൊന്ന് സുരക്ഷിതമായി മറവു ചെയ്യുന്നതിനുള്ള നടപടികള് അടിയന്തരമായി പൂര്ത്തീകരിക്കാനും യോഗത്തില് തീരുമാനമായി.
ഈ പ്രവര്ത്തനങ്ങള്ക്ക് പിന്തുണ നല്കുന്നതിനും പ്രദേശത്ത് നിരീക്ഷണം നടത്തുന്നതിനും പോലീസിന് നിര്ദേശം നല്കി. ഈ വാര്ഡില് പക്ഷിപ്പനി സ്ഥിരീകരിച്ച പ്രദേശത്തെ കണ്ടെയ്ന്മെന്റ് സോണായി പ്രഖ്യാപിച്ചു. ഇവിടേയ്ക്കും ഇവിടെ നിന്ന് പുറത്തേക്കും ആളുകളുടെയും വാഹനങ്ങളുടെയും സഞ്ചാരം നിരോധിച്ചിട്ടുണ്ട്. റാപ്പിഡ് റെസ്പോണ്സ് ടീമുകളുടെ സേവനം ഉറപ്പാക്കിയാണ് മൃഗസംരക്ഷണ വകുപ്പ് പക്ഷികളെ മറവുചെയ്യുക.
രോഗം സ്ഥിരീകരിച്ച മേഖലകളില് ആര്ആര്ടികളെ നിയോഗിച്ച് ജനങ്ങള്ക്ക് പ്രതിരോധ മരുന്നുകള് വിതരണം ചെയ്യും.
"
https://www.facebook.com/Malayalivartha
