പ്രവര്ത്തനം എങ്ങനെ? സേനാമേധാവി ഉള്പ്പടെ 13 പേരുടെ മരണത്തിനിടയാക്കിയ ഹെലികോപ്റ്റര് അപകടത്തിന്റെ യഥാര്ത്ഥ കാരണം ബ്ലാക്ക് ബോക്സില് ഉണ്ടെന്ന് സൂചന; ഹെലികോപ്റ്ററിന്റെ ഓരോ ചലനങ്ങളും തിരിച്ചറിയാന് ശേഷിയുള്ള ഓറഞ്ച് ബോക്സിലാണ് ഇനി പ്രതീക്ഷ
ഓരോ വിമാന അപകടത്തിന്റേയും വലിയ തുമ്പാണ് ഹെലികോപ്റ്ററിന്റെ ഫ്ലൈറ്റ് ഡാറ്റാ റെക്കോര്ഡര് അഥവാ ബ്ലാക്ക് ബോക്സ്. കൂനൂരില് ഇന്ത്യയുടെ സംയുക്ത സേനാമേധാവി ഉള്പ്പടെ 13 പേരുടെ മരണത്തിനിടയാക്കിയ ഹെലികോപ്റ്റര് അപകടത്തിലും ഈ ബ്ലാക്ക് ബോക്സ് തുമ്പാകും.
ബ്ലാക്ക് ബോക്സ് എന്നാണ് പേരെങ്കിലും ഇതിന്റെ നിറം ഫഌറസെന്റ് ഓറഞ്ചാണ്. എന്തുകൊണ്ടാണ് ഓറഞ്ച് നിറമുള്ള ഉപകരണത്തെ ബ്ലാക്ക് ബോക്സ് എന്നു വിളിക്കുന്നതിനെപ്പറ്റി വ്യക്തമായ ഉത്തരങ്ങളൊന്നും ലഭ്യമല്ല. രണ്ടാം ലോകമഹായുദ്ധ സമയത്ത് പട്ടാളക്കാര് അവരുടെ നാവിഗേഷന് ഉപകരണങ്ങള് സൂക്ഷിച്ചിരുന്നത് കറുത്ത പെട്ടിക്കുള്ളിലായിരുന്നുവെന്നും ഇതിനെ തുടര്ന്നാണ് ഈ പേരു വന്നതെന്നുമാണ് ഏറ്റവും കൂടുതല് പ്രചാരമുള്ള വിശദീകരണം.
വിമാനങ്ങളില് ഘടിപ്പിക്കുന്ന ഇലക്ട്രോണിക് റെക്കോഡിങ് ഉപകരണമാണ് ബ്ലാക്ക് ബോക്സ്. ഹെലികോപ്റ്ററോ വിമാനമോ അപകടത്തില്പെട്ടാല് അതിനെപ്പറ്റിയുള്ള അന്വേഷണങ്ങള്ക്ക് സഹായകരമാകുന്നത് ബ്ലാക്ക് ബോക്സുകളില് നിന്ന് ലഭിക്കുന്ന വിവരങ്ങളാണ്. കോക്ക്പിറ്റ് ശബ്ദത്തില് നിന്ന് ലഭിക്കുന്ന സൂചനകള് സംരക്ഷിക്കാനും അത് വിശകലനം ചെയ്ത് അപകടത്തിനിരയാക്കിയ സാഹചര്യങ്ങളെക്കുറിച്ച് പഠിക്കാനും ഇത് സഹായിക്കുന്നു. ഭാവിയില് സമാനമായ അപകടങ്ങള് തടയാനും ഇത് ഉപകരിക്കും.
കോക്ക്പിറ്റ് സംഭാഷണങ്ങളും ഒരു വിമാനത്തിന്റെ, അല്ലെങ്കില് ഹെലികോപ്റ്ററിന്റെ പ്രവര്ത്തനവും ഇതില് വ്യക്തമായും കൃത്യമായും രേഖപ്പെടുത്തും. ഇതുവഴി പറക്കലിനിടെയുള്ള വിമാനത്തിന്റെ പ്രവര്ത്തനത്തെ കുറിച്ചുള്ള വിശദാംശങ്ങളും അത് തകരുന്നതിന് മുമ്പ് പൈലറ്റിന്റെയും കോപൈലറ്റിന്റെയും അവസാന സംഭാഷണങ്ങളും കൃത്യമായി അറിയാന് അപകടത്തെപ്പറ്റി അന്വേഷിക്കുന്നവരെ ബ്ലാക് ബോക്സ് സഹായിക്കുന്നു.
ഏകദേശം നാലര കിലോഗ്രാമാണ് ബ്ലാക് ബോക്സിന്റെ ഭാരം. നാല് പ്രധാന ഭാഗങ്ങളാണ് ഇതില് അടങ്ങിയിരിക്കുന്നത്. അപകടത്തില് കേടുപാട് സംഭവിച്ചാല് അത് പരിഹരിക്കാനും റെക്കോര്ഡ് ചെയ്യപ്പെട്ട ശബ്ദങ്ങളുടെ പ്ലേബാക്ക് സുഗമമാക്കാനും രൂപകല്പ്പന ചെയ്ത ചേസ്സിസ്, ഒരു അണ്ടര്വാട്ടര് ലൊക്കേറ്റര് ബീക്കണ്, സ്റ്റെയിന്ലെസ് സ്റ്റീല് അല്ലെങ്കില് ടൈറ്റാനിയം കൊണ്ട് നിര്മ്മിച്ച 'ക്രാഷ് സര്വൈവബിള് മെമ്മറി യൂണിറ്റ്' എന്നിവയാണ് പ്രധാന ഭാഗങ്ങള്. ഏറ്റവും പ്രധാനപ്പെട്ട ഭാഗമായ, ഒരു നാണയത്തേക്കാള് വലിപ്പം കുറഞ്ഞ റെക്കോര്ഡിങ് ചിപ്പുകള് ക്രാഷ് സര്വൈവബിള് മെമ്മറി യൂണിറ്റിന് ഉള്ളിലായി സ്ഥിതിചെയ്യുന്നു.
ബ്ലാക്ക് ബോക്സില് രണ്ട് തരം ഫ്ലൈറ്റ് റെക്കോഡിങ് ഡിവൈസുകളാണ് ഉള്ളത്. ആദ്യത്തേത് ഫ്ലൈറ്റ് ഡാറ്റ റെക്കോഡറാണ്. വിമാനത്തിന്റെ ഓരോ പ്രവര്ത്തനങ്ങളെയും ചലനങ്ങളെയും സെക്കന്റ് അടിസ്ഥാനത്തില് രേഖപ്പെടുത്തുന്ന ഒരു ഉപകരണമാണിത്. വിമാനത്തിന്റെ വേഗം, പറക്കുന്ന ഉയരം, വെര്ട്ടിക്കല് ആക്സിലറേഷന്, ഇന്ധന ഉപയോഗത്തിന്റെ വിവരങ്ങള് എന്നിവയാണ് ഫ്ലൈറ്റ് ഡാറ്റ റെക്കോര്ഡര് രേഖപ്പെടുത്തുന്നത്. ഏകദേശം 25 മണിക്കൂറോളം ഡാറ്റ റെക്കോര്ഡ് ചെയ്യാനുള്ള സംഭരണശേഷിയാണ് ഒരു ഫ്ലൈറ്റ് ഡാറ്റ റെക്കോര്ഡറിനുള്ളത്.
രണ്ടാമത്തേത് കോക്ക്പിറ്റ് വോയിസ് റെക്കോര്ഡര് ആണ്. കോക്ക്പിറ്റിലെ പൈലറ്റുമാരുമായുള്ള സംഭാഷണങ്ങള് അടക്കം ഓരോ ശബ്ദങ്ങളും റെക്കോര്ഡ് ചെയ്യുന്ന ഉപകരണമാണ് കോക്ക്പിറ്റ് വോയിസ് റെക്കോര്ഡര്. എഞ്ചിന്റെ ശബ്ദം മുതല് സ്വിച്ചുകളുടെ ശബ്ദംവരെ ഇതില് റെക്കോര്ഡ് ചെയ്യപ്പെടും.
ഫ്ലൈറ്റ് ഡാറ്റ റെക്കോഡറും കോക്ക്പിറ്റ് വോയിസ് റെക്കോര്ഡറും താരതമ്യം ചെയ്ത് പരിശോധിക്കുമ്പോള് തന്നെ വിമാനവുമായി ബന്ധപ്പെട്ട ഒട്ടുമിക്ക വിവരങ്ങളെല്ലാം ലഭ്യമാകും. അപകടത്തില്പ്പെട്ട വിമാനത്തിന് ഉണ്ടായിരുന്ന തകരാറുകളും മനസിലാക്കാന് ഇതിലൂടെ സാധിക്കും.
"
https://www.facebook.com/Malayalivartha