നാട്ടകത്ത് ഗവ.കോളേജ് മൈതാനത്ത് നെറ്റ്ബോള് പ്രാക്ടീസിനിടെ വിദ്യാര്ത്ഥി കുഴഞ്ഞു വീണു, ഉടന് അധ്യാപകരും സുഹൃത്തുക്കളും ചേര്ന്ന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല
നാട്ടകത്ത് ഗവ.കോളേജ് മൈതാനത്ത് നെറ്റ്ബോള് പ്രാക്ടീസിനിടെ വിദ്യാര്ത്ഥി കുഴഞ്ഞു വീണു, ഉടന് അധ്യാപകരും സുഹൃത്തുക്കളും ചേര്ന്ന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
പനച്ചിക്കാട് ചാന്നാനിക്കാട് കണ്ണംകുളം കവലയ്ക്ക് സമീപത്തായി ഇടയാടിപ്പറമ്പില് പ്രസാദിന്റ മകന് അരവിന്ദ് പി.ആര് (കണ്ണന് - 19 ) ആണ് മരിച്ചത്. ഇന്നലെ വൈകുന്നേരം ആറ് മണിയോടെ നാട്ടകം ഗവ.കോളജ് മൈതാനത്തായിരുന്നു സംഭവം നടന്നത്.
കോളജ് മൈതാനത്ത് നെറ്റ്ബോള് പ്രാക്ടീസ് നടത്തുന്നതിനുള്ള വാം അപ്പ് ചെയ്യുന്നതിനിടെ ദേഹാസ്വാസ്ഥ്യം മൂലം അരവിന്ദ് കുഴഞ്ഞ് വീഴുകയായിരുന്നു.ഉടന് തന്നെ അധ്യാപകരും,സുഹൃത്തുക്കളും ചേര്ന്ന് ജില്ലാ ജനറല് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
നാട്ടകം കോളേജിലെ രണ്ടാം വര്ഷം ബി.എസ്.സി ഇന്ഡസ്ട്രിയല് കെമസ്ട്രി വിദ്യാര്ത്ഥിയാണ് അരവിന്ദ്.
"
https://www.facebook.com/Malayalivartha
