ജസ്റ്റിസ് ഹേമ കമ്മീഷനുവേണ്ടി സര്ക്കാര് 3 വര്ഷം കൊണ്ട് ചെലവിട്ടത് കോടികള്.... ജസ്റ്റിസ് ഹേമ പത്ത് തവണയായി 10322254 രൂപ കൈപ്പറ്റിയതായും രേഖകളില്.... കോടികണക്കിന് രൂപ ചെലവഴിച്ച് ഒരു കമ്മീഷനെ നിയമിച്ച ശേഷം സര്ക്കാര് പറയുന്നു, അത് കമ്മീഷനല്ല. കമ്മിറ്റിയാണെന്ന്, എങ്കില് എന്തിന് വേണ്ടിയാണ് കോടികള് മുടക്കി ഇങ്ങനെയൊരു കമ്മിറ്റിയെ നിയമിച്ചത്?
ജസ്റ്റിസ് ഹേമ കമ്മീഷനുവേണ്ടി സര്ക്കാര് 3 വര്ഷം കൊണ്ട് ചെലവിട്ടത് ഒരു കോടിയിലധികം രൂപയാണ്. 2017 മുതല് 2020 വരെയുള്ള കമ്മീഷന്റെ ചെലവ് 10655000 രൂപയാണ്. വിവരാവകാശ രേഖയിലാണ് ഇക്കാര്യം വ്യക്തമാക്കുന്നത്. ജസ്റ്റിസ് ഹേമ പത്ത് തവണയായി 10322254 രൂപ കൈപ്പറ്റിയതായും രേഖകളില് പറയുന്നു.
കോടികണക്കിന് രൂപ ചെലവഴിച്ച് ഒരു കമ്മീഷനെ നിയമിച്ച ശേഷം സര്ക്കാര് പറയുന്നു, അത് കമ്മീഷനല്ല. കമ്മിറ്റിയാണെന്ന്. കമീഷന് പോലെയല്ലത്രേ കമ്മിറ്റി. ഒരു പ്രത്യേക ആവശ്യത്തിന് നിയമത്തിന്റെ പിന്ബലത്തോടെ നിയമിക്കുന്നതാണ് കമ്മീഷന്. കമ്മിറ്റികള് അങ്ങനെയല്ല. കമ്മിറ്റികളുടെ തീരുമാനം നടപ്പിലാക്കാന് സര്ക്കാര് ബാധ്യസ്ഥവുമല്ല. ഇത് പറയുന്നത് സര്ക്കാര് സംവിധാനത്തിന്റെ ഭാഗമായി പ്രവര്ത്തിക്കുന്ന വനിതാ കമ്മീഷന്റെ അധ്യക്ഷയാണ്.
എങ്കില് എന്തിന് വേണ്ടിയാണ് കോടികള് മുടക്കി ഇങ്ങനെയൊരു കമ്മിറ്റിയെ നിയമിച്ചത്? അതിന് ഉത്തരം തരേണ്ട മന്ത്രി എ.കെ.ബാലന് ഇപ്പോള് മന്ത്രിയല്ല. മന്ത്രിയുമായി സംസാരിക്കട്ടെ എന്നാണ് വനിതാ കമ്മീഷന് അധ്യക്ഷ പറഞ്ഞത്.
സിനിമാ രംഗത്തെ സ്ത്രീകളുടെ പ്രശ്നങ്ങളെ കുറിച്ച് പഠിക്കാനാണ് സര്ക്കാര് ഹേമ കമ്മീഷനെ നിയോഗിച്ചത്. കമ്മീഷന് റിപ്പോര്ട്ട് സമര്പ്പിച്ചെങ്കിലും റിപ്പോര്ട്ടിലെ ഒരു ശുപാര്ശ പോലും സര്ക്കാര് ഇതുവരെ നടപ്പിലാക്കിയിട്ടില്ല. ഹേമ കമ്മീഷന് റിപ്പോര്ട്ട് നടപ്പിലാക്കാത്തതിനുള്ള കാരണം സംബന്ധിച്ച ചോദ്യത്തിന് റിപ്പോര്ട്ട് നടപ്പിലാക്കുന്ന വിഷയം വിശദമായി പരിശോധിച്ച് വരികയാണെന്നാണ് സര്ക്കാര് നല്കിയ മറുപടി.
നടി ആക്രമിക്കപ്പെട്ട സംഭവത്തില് വിമണ് ഇന് സിനിമാ കളക്ടീവുമായി നടത്തിയ കൂടികാഴ്ചയ്ക്ക് ശേഷം വനിതാ കമ്മീഷന് അധ്യക്ഷ പി. സതിദേവി നടത്തിയ പ്രതികരണത്തിലാണ് ഇതെല്ലാമുള്ളത്. ഹേമ കമ്മീഷന് റിപ്പോര്ട്ട് പരസ്യമാക്കേണ്ട സാഹചര്യമില്ലെന്ന് വനിതാ കമ്മീഷന് അധ്യക്ഷ പറഞ്ഞു.
സിനിമാമേഖലയിലേക്ക് പുതിയ പെണ്കുട്ടികള് കടന്നുവരുമ്പോള് ആത്മവിശ്വാസം നല്കുന്ന അന്തരീക്ഷം ഉണ്ടാകേണ്ടതുണ്ട്. നിര്മാണ കമ്പനികള് അത് ഉറപ്പാക്കേണ്ടതുണ്ട്. ഹേമ കമ്മീഷന് റിപ്പോര്ട്ടുമായി ബന്ധപ്പെട്ട് ഞാന് സിനിമാ-സാംസ്കാരിക വകുപ്പ് കൈകാര്യം ചെയ്യുന്ന മന്ത്രിയുമായി സംസാരിച്ചിരുന്നു. എന്ക്വയറി കമ്മീഷന് ആക്ട് പ്രകാരം രൂപീകരിച്ച കമ്മിറ്റിയല്ല ഹേമ കമ്മീഷന്.
അതുകൊണ്ടു തന്നെ ആ റിപ്പോര്ട്ട് നിയമസഭയില് അവതരിപ്പിക്കേണ്ട സാഹചര്യം സര്ക്കാരിനില്ല എന്നാണ് മന്ത്രി പറഞ്ഞത്. തീര്ച്ചയായും സിനിമാമേഖലയില് നിയന്ത്രണവും നിരീക്ഷണവും അനിവാര്യമാണ്. നിയമനിര്മാണം വേണം. ഇന്റേണല് കംപ്ലൈയിന്റ് കമ്മിറ്റി എല്ലാ നിര്മാണ കമ്പനികളും നിര്ബന്ധമായും രൂപീകരിച്ചിരിക്കണം. സിനിമാമേഖലയിലെ സ്ത്രീകള്ക്കുനേരേ നടക്കുന്ന ചൂഷണങ്ങളും മറ്റു പ്രശ്നങ്ങള് പരിഹരിക്കാനുള്ള നിര്ദ്ദേശങ്ങള് ഞങ്ങള് സര്ക്കാരിന് സമര്പ്പിക്കും. സര്ക്കാര് അതിനുള്ള എല്ലാ പിന്തുണയും നല്കുമെന്നാണ് ഞങ്ങള് പ്രതീക്ഷിക്കുന്നത്- സതിദേവി പറഞ്ഞു.
നടി ആക്രമിക്കപ്പെട്ട സംഭവത്തിനുശേഷം സിനിമാ മേഖലയിലെ വനിതാ കൂട്ടായ്മയായ ഡബ്ല്യു.സി.സി മുഖ്യമന്ത്രിയെ നേരില് കണ്ട് നിവേദനം നല്കിയതിന് പിന്നാലെയാണ് സിനിമാ മേഖലയിലെ സ്ത്രീകളുടെ തൊഴില് സാഹചര്യം പഠിക്കുന്നതിന് സര്ക്കാര് കമ്മീഷനെ രൂപീകരിച്ചത്. ജസ്റ്റിസ് ഹേമയ്ക്ക് പുറമെ വത്സലകുമാരി, നടി ശാരദ എന്നിവരെ അംഗങ്ങളാക്കി രൂപീകരിച്ച കമ്മീഷന് 2019 ല് സര്ക്കാരിന് റിപ്പോര്ട്ട് കൈമാറി.
സിനിമാ മേഖലയിലെ അറുപതോളം സ്ത്രീകളുടെ മൊഴി കമ്മീഷന് രേഖപ്പെടുത്തുകയും ചെയ്തിരുന്നു. എന്നാല് കോടികള് ചെലവാക്കിയ കമ്മീഷന് റിപ്പോര്ട്ടില് തുടര്നടപടികള് സ്വീകരിക്കാന് സര്ക്കാര് തയ്യാറാവാത്തതിനെതിരേ ഡബ്ല്യു.സി.സി ഉള്പ്പടെ പ്രതിഷേധം ശക്തമാക്കുകയാണ്.
സിനിമാ മേഖലയിലെ പ്രശ്നങ്ങള് അരവര് തന്നെ പരിഹരിക്കട്ടെ എന്ന ചിന്തയാണ് സര്ക്കാരിനുള്ളത്. വിവാദങ്ങള് ഉണ്ടാകുമ്പോള് സര്ക്കാര് രംഗത്തിറങ്ങുകയും ചില സാന്ത്വന മാര്ഗ്ഗങ്ങള് സ്വീകരിക്കുകയും ചെയ്യും.
വിരമിക്കുന്ന ജഡ്ജിമാര്ക്ക് സര്ക്കാര് നല്കുന്ന ഇന്സെന്റീവുകളാണ് ഇത്തരം കമ്മീഷനുകള്. തങ്ങള്ക്ക് കിട്ടാവുന്നതെല്ലാം അവര് ചോദിച്ച് വാങ്ങണം. അതില് തെറ്റുപറയാനാവില്ല. അതാണ് കീഴ് വഴക്കം. അന്വേഷണ കമ്മീഷനുകളില് സര്ക്കാര് നിയമിക്കുന്നത് അവര്ക്ക് താത്പര്യമുള്ളവരെ മാത്രമാണ്. ഇത്തരത്തില് നിയമിക്കപ്പെടുന്നവര് സര്ക്കാരിന്റെ മനോവിചാരം അനുസരിച്ച് റിപ്പോര്ട്ട് തയ്യാറാക്കി നല്കും. അത് നടപ്പാക്കിയില്ലെങ്കില് അവര്ക്ക് പരാതിയും കാണില്ല.
ദിലീപിനെതിരെ നിലകൊള്ളുന്നു എന്ന പ്രതീതിയുണ്ടാക്കിയ ശേഷം ദിലീപിനെ സഹായിക്കുന്ന പ്രവര്ത്തനങ്ങളാണ് സര്ക്കാര് നടത്തുന്നത്. ഇല്ലെങ്കില് പ്രൈമറി എവിഡന്സ് സര്ക്കാരിന് ഇതുവരെയും കണ്ടെത്താന് കഴിയാത്തത് എന്തുകൊണ്ടാണ്? സിനിമയിലെ സ്ത്രീകളോട് സര്ക്കാരിന് എന്തെങ്കിലും താത്പ പര്യം ഉണ്ടായിരുന്നെങ്കില് ഹേമ കമ്മിറ്റി റിപ്പോര്ട്ട് ക്യത്യമായി നടപ്പിലാക്കുമായിരുന്നു.
"
https://www.facebook.com/Malayalivartha
