മനോരമ ചാനലിന്റെ കഴിഞ്ഞ വർഷത്തെ ന്യൂസ് മേക്കർ പുരസ്‌കാരം കെ സുധാകരന് ലഭിച്ചിരിക്കുകയാണ്. ഇപ്പോൾ ഇതാ അദ്ദേഹത്തെ കുറിച്ച് കുറിപ്പ് പങ്കു വച്ചിരിക്കുന്നു രാഹുൽ മാങ്കൂട്ടത്തിൽ. അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ; കുമ്പക്കുടി സുധാകരൻ, വാർത്താ താരം മാത്രമല്ല, കോൺഗ്രസ്സുകാരുടെ മുഴുവൻ താരമാണ്.

മാധ്യമ പരിലാളനകൾ ഏൽക്കാതെ കടന്നു വന്നുവെന്ന് മാത്രമല്ല, തരം കിട്ടുമ്പോഴെല്ലാം മാർക്സിസ്റ്റുകാർക്കൊപ്പം അദ്ദേഹത്തെ വേട്ടയാടിയ മാധ്യമങ്ങളെയും കൂസാത്ത ജൈത്രയാത്രയാണ് അദ്ദേഹത്തിന്റെത്. മാധ്യമങ്ങൾ എന്ത് വിധിക്കുന്നുവെന്ന് ചിന്തിക്കാത്ത കെ എസ്സിനെ നെ ഈ ന്യൂസ്മേക്കർ ബഹുമതിയും ഏറെയൊന്നും സ്പർശിക്കാൻ സാധ്യതയില്ല. ഈ ബഹുമതിയും മാനേജ്മെന്റ് ചോയ്സിനെക്കാൾ പൊതുജനങ്ങളുടെ ചോയ്സാണ്.

പ്രവർത്തകരെ ചേർത്തു പിടിക്കുമ്പോൾ പരിമിതികൾ വെയ്ക്കാത്ത നേതാവിനെ പ്രവർത്തകരും പരിധിയില്ലാതെ വാരിപ്പുണരുന്നതിന്റെ മറ്റൊരു ഉദാഹരണം..... തിരഞ്ഞെടുപ്പ് പരാജയത്തിൽ മനം നൊന്ത പ്രവർത്തകർക്ക് കെഎസ് നല്കിയത് പോരാടാനും , വിജയിക്കാനുമുള്ള ആത്മവിശ്വാസത്തിന്റെ പ്രതിഫലനമാണ്.

സഖാക്കളുടെ കാലിൽ തൊട്ടാവാടി കൊള്ളുമ്പോൾ തൊട്ട്, നാട്ടിലെ ഏത് പ്രതിസന്ധിയിലും "സുധാകരനിസം " ആരോപിക്കുന്ന സഖാക്കളുടെ 'സുധാകര ഫോബിയയുടെ' കാലത്ത് അദ്ദേഹം "വാർത്താ താരമല്ല " " പ്രവർത്തക താരമാണ്. "