സംസ്ഥാനത്ത് ആശങ്ക.... സെക്രട്ടറിയേറ്റില് കോവിഡ് വ്യാപനം... സെക്രട്ടറിയേറ്റ് സെന്ട്രല് ലൈബ്രറി അടച്ചു, മുഖ്യമന്ത്രിയുടെ ഓഫിസിലും വനം, ദേവസ്വം മന്ത്രിമാരുടെ ഓഫിസിലും രോഗം പടര്ന്നു, മുഖ്യമന്ത്രിയുടെ ഓഫീസില് നിയന്ത്രണം ഏര്പ്പെടുത്തി, കെഎസ്ആര്ടിസി ജീവനക്കാര്ക്കിടയിലും കോവിഡ് വ്യാപനം രൂക്ഷമാകുന്നു...
18 JANUARY 2022 11:00 AM IST
മലയാളി വാര്ത്ത
വനം, ദേവസ്വം, ആരോഗ്യമന്ത്രിമാരുടെ ഓഫീസിലെ ജീവനക്കാര്ക്കും കോവിഡ് സ്ഥിരീകരിച്ചിട്ടുണ്ട്. രോഗ വ്യാപനത്തെ തുടര്ന്ന് സെക്രട്ടറിയേറ്റ് സെന്ട്രല് ലൈബ്രറി അടച്ചു. സാമ്പത്തികവര്ഷം അവസാനമായതിനാല് പദ്ധതി നടത്തിപ്പ് താളംതെറ്റുമെന്ന് ഇതോടെ ആശങ്ക ഉയര്ന്നിട്ടുണ്ട്.
കൂടാതെ കെഎസ്ആര്ടിസി ജീവനക്കാര്ക്കിടയിലും കോവിഡ് വ്യാപനം രൂക്ഷമാകുന്നു. തിരുവനന്തപുരം ഡിപ്പോയില് എണ്പതിലധികം ജീവനക്കാര്ക്കാണ് കോവിഡ് ബാധ സ്ഥിരീകരിച്ചിരിക്കുന്നത്. കെഎസ്ആര്ടിസി ചീഫ് ഓഫീസിലെ ചില ജീവനക്കാര്ക്കും രോഗം ബാധിച്ചിട്ടുണ്ട്. പമ്പ സര്വീസ് കഴിഞ്ഞെത്തിയ ജീവനക്കാരിലാണ് കോവിഡ് ബാധ കൂടുതലായി കണ്ടെത്തിയിരിക്കുന്നത്.
ആറ്റിങ്ങല് യൂണിറ്റില് പത്ത് ഡ്രൈവര്മാര്ക്കും ഏഴ് കണ്ടക്ടര്മാര്ക്കും രോഗം ബാധിച്ചതായി സ്ഥിരീകരിച്ചിട്ടുണ്ട്. ജീവനക്കാര്ക്കിടയില് രോഗ ബാധ വര്ധിക്കുന്നത് സര്വീസുകളെ ബാധിക്കുമെന്ന് അധികൃതര് പറയുന്നു.
അതേസമയം സംസ്ഥാനത്ത് കോവിഡ് വ്യാപനം രൂക്ഷമാണ്. കഴിഞ്ഞ ഏഴ് ദിവസങ്ങളിലായി ഏറ്റവും ഉയര്ന്ന ടിപിആര് നിരക്കാണ് രേഖപ്പെടുത്തുന്നത്. ഇന്നലെ 33.07 ശതമാനമായിരുന്നു. തിരുവനന്തപുരത്താണ് ഏറ്റവും ഉയര്ന്ന നിരക്ക് 44.2 ശതമാനം.
ഇന്നലെ 22,946 പേര്ക്കാണ് പുതുതായി രോഗ ബാധ സ്ഥിരീകരിച്ചത്. കോവിഡ് ബാധിച്ച് സംസ്ഥാനത്ത് ഇന്നലെ മാത്രം 18 പേര് മരിച്ചു. ആകെ 50,832 പേര് മരിച്ചിട്ടുണ്ട്. 1,21,458 പേര് ഇപ്പോള് ചികിത്സയിലുണ്ട്. ഈ മാസം എട്ടിന് 31,098 പേര് മാത്രമായിരുന്നു ചികിത്സയിലുണ്ടായിരുന്നത്. ടിപിആര് 9.89 ശതമാനവും. ഇതാണ് പത്ത് ദിവസത്തിനു ശേഷം 33.07 ശതമാനമായി വര്ധിച്ചിരിക്കുന്നത്. കഴിഞ്ഞ ഒരാഴ്ചയ്ക്കിടയില് 21 ശതമാനം ടിപിആര് വര്ധി ച്ചെന്നാണ് കണക്കുകള്.
കഴിഞ്ഞ ആഴ്ചയുമായി താരതമ്യം ചെയ്യുമ്പോള് റിപ്പോര്ട്ട് ചെയ്യപ്പെടുന്ന പുതിയ കോവിഡ് കേസുകളില് ഏകദേശം 60,161 വര്ധനവാണ് ഉണ്ടായിരിക്കു ന്നത്. പുതിയ കേസുകളുടെ വളര്ച്ചാ നിരക്കില് 182 ശതമാനം വര്ധനവാണ് ഉണ്ടായിട്ടുള്ളത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
