തൃ​പ്പൂ​ണി​ത്തു​റ ശ്രീ ​പൂ​ര്‍​ണ​ത്ര​യീ​ശ ക്ഷേ​ത്ര​ത്തി​ലെ ബ്രാ​ഹ്മ​ണ​രു​ടെ കാ​ല്‍​ക​ഴു​കി​ച്ചൂ​ട്ട് വ​ഴി​പാ​ട്​ സം​ബ​ന്ധി​ച്ച വി​വാ​ദ​ത്തി​ന്‍റെ പ​ശ്ചാ​ത്ത​ല​ത്തി​ല്‍ ഹൈ​കോ​ട​തി സ്വ​മേ​ധ​യ ​കേ​സെ​ടു​ത്തു. ക്ഷേ​ത്ര​ത്തി​ലെ നി​വേ​ദ്യം ത​യാ​റാ​ക്കു​ന്ന തി​ട​പ്പ​ള്ളി​ക്ക​ക​ത്ത്​ ന​ട​ക്കു​ന്ന വ​ഴി​പാ​ട്​ സം​ബ​ന്ധി​ച്ച മാ​ധ്യ​മ വാ​ര്‍​ത്ത​ക​ളു​ടെ അ​ടി​സ്ഥാ​ന​ത്തി​ലാ​ണ്​ ജ​സ്റ്റി​സ് അ​നി​ല്‍. കെ. ​ന​രേ​ന്ദ്ര​ന്‍, ജ​സ്റ്റി​സ് പി.​ജി അ​ജി​ത് കു​മാ​ര്‍ എ​ന്നി​വ​ര​ട​ങ്ങു​ന്ന ഡി​വി​ഷ​ന്‍ ബെ​ഞ്ച്​ സ്വ​മേ​ധ​യ ഹ​ര​ജി പ​രി​ഗ​ണി​ച്ച​ത്.

പു​റ​ത്തു​കാ​ണാ​ത്ത വി​ധ​ത്തി​ല്‍ പ​ന്ത്ര​ണ്ട് ബ്രാ​ഹ്മ​ണ​രെ ഇ​രു​ത്തി​യാ​ണ്​ കാ​ല്‍​ക​ഴു​കി​ച്ചൂ​ട്ട് വ​ഴി​പാ​ട് ന​ട​ത്തു​ന്ന​ത്. പാ​പ​പ​രി​ഹാ​ര​ത്തി​നാ​യി ന​ട​ത്തു​ന്ന ഈ ​വ​ഴി​പാ​ടി​ന് 20,000 രൂ​പ​യാ​ണ് ഈ​ടാ​ക്കു​ന്ന​ത്. അ​ടു​ത്തി​ടെ കൊ​ടു​ങ്ങ​ല്ലൂ​ര്‍ എ​ട​വി​ല​ങ്ങ് ശി​വ​കൃ​ഷ്‌​ണ​പു​രം മ​ഹാ​ദേ​വ​ര്‍ ക്ഷേ​ത്ര​ത്തി​ല്‍ പു​ന​രു​ദ്ധാ​ര​ണ ച​ട​ങ്ങു​ക​ളു​ടെ ഭാ​ഗ​മാ​യി ന​ട​ത്താ​ന്‍ നി​ശ്ച​യി​ച്ചി​രു​ന്ന ഇ​തേ ച​ട​ങ്ങ് വി​വാ​ദ​മാ​യ​തോ​ടെ കൊ​ച്ചി​ന്‍ ദേ​വ​സ്വം ബോ​ര്‍​ഡ് ഉ​പേ​ക്ഷി​ച്ചി​രു​ന്നു. ഇ​തി​നു പി​ന്നാ​ലെ​യാ​ണ് കൊ​ച്ചി​ന്‍ ദേ​വ​സ്വം ബോ​ര്‍​ഡി​ന്​ കീ​ഴി​ലു​ള്ള പൂ​ര്‍​ണ​ത്ര​യീ​ശ ക്ഷേ​ത്ര​ത്തി​ല്‍ ഈ ​ആ​ചാ​രം വ​ഴി​പാ​ടാ​യി ന​ട​ത്തു​ന്ന വി​വ​രം പു​റ​ത്തു വ​ന്ന​ത്. സം​സ്ഥാ​ന ദേ​വ​സ്വം സെ​ക്ര​ട്ട​റി, കൊ​ച്ചി​ന്‍ ദേ​വ​സ്വം ബോ​ര്‍​ഡ് സെ​ക്ര​ട്ട​റി, തൃ​പ്പൂ​ണി​ത്തു​റ ദേ​വ​സ്വം ഓ​ഫി​സ​ര്‍ എ​ന്നി​വ​രെ എ​തി​ര്‍​ക​ക്ഷി​ക​ളാ​ക്കി​യാ​ണ്​ ഹ​ര​ജി.