കാറപകടത്തില്‍ ഗുരുതരമായി പരുക്കേറ്റ് ചികിത്സയില്‍ കഴിയുന്ന നടനും സംവിധായകനുമായ സിദ്ധാര്‍ഥ് ഭരതന്റെ ആരോഗ്യനിലയില്‍ പുരോഗതി. എറണാകുളം മെഡിക്കല്‍ ട്രസ്റ്റ് ഹോസ്പിറ്റലില്‍ കഴിയുന്ന സിദ്ധാര്‍ഥിന്റെ ആര്യോഗ്യനിലയില്‍ നേരിയ പുരോഗതിയുണ്ടെന്നും തലച്ചോറിലെ രക്തസ്രാവം നിലച്ചെന്നും താരത്തിന്റെ ചികിത്സയ്ക്ക് നേതൃത്വം നല്‍കുന്ന ന്യൂറോ സര്‍ജനായ സുധീഷ് കരുണാകരന്‍ പറഞ്ഞു. സിദ്ധാര്‍ഥിനെ ഇന്നലെ സ്‌കാനിങ്ങിന് വിധേയമാക്കിയിരുന്നു. എന്നാല്‍ ഇനിയും പറയാറായിട്ടില്ലെന്നും ഡോക്ടര്‍മാര്‍ പറഞ്ഞു.സിദ്ധാര്‍ഥിന്റെ ശരീരം മരുന്നുകളോട് പ്രതികരിക്കുന്നുണ്ട്. വെന്റിലേറ്ററിന്റെ സഹായമില്ലാതെ ശ്വസിക്കുന്നുണ്ടെന്നും ഡോക്ടര്‍മാര്‍ പറഞ്ഞു.
വെള്ളിയാഴ്ച പുലര്‍ച്ചെ 1.45ന് വൈറ്റിലതൃപ്പൂണിത്തുറ റോഡില്‍ ചമ്പക്കരയ്ക്കു സമീപം തൈക്കൂടത്തായിരുന്നു അപകടം. കൊച്ചിയില്‍ നിന്നു താമസ സ്ഥലമായ തൃപ്പൂണിത്തുറ പേട്ടയിലെ ഫ്‌ലാറ്റിലേക്ക് തനിയെ കാറോടിച്ചു പോകുമ്പോഴായിരുന്നു അപകടം നടന്നത്. വൈറ്റിലയില്‍ നിന്ന് ഒന്നേകാല്‍ കിലോമീറ്റര്‍ അകലെ നിയന്ത്രണം വിട്ട കാര്‍ വലതുവശത്തേക്കു പാഞ്ഞ് മതിലില്‍ ഇടിച്ചു കയറുകയായിരുന്നു.മെട്രോ റയിലിനായി ഒഴിപ്പിച്ച കെട്ടിടത്തിന്റെ മതിലിലാണ് കാര്‍ ഇടിച്ചത്. ഇടിയുടെ ആഘാതത്തില്‍ മതില്‍ തകര്‍ന്നു. ശബ്ദം കേട്ട് എത്തിയ സമീപ വാസികളും അതുവഴി വന്ന വാഹനങ്ങളിലുള്ളവരും ചേര്‍ന്നാണു രക്ഷാപ്രവര്‍ത്തനം നടത്തിയത്. തകര്‍ന്ന കാര്‍ കുത്തിപ്പൊളിച്ചാണ് സിദ്ധാര്‍ഥിനെ പുറത്തെടുത്തത്. തുടര്‍ന്ന് പൊലീസ് ജീപ്പില്‍ ആശുപത്രിയിലേക്കു കൊണ്ടുപോകുകയായിരുന്നു.
നടന്‍മാരായ മമ്മൂട്ടി, ദിലീപ്, നടി കാവ്യാമാധവന്‍, സംവിധായകരായ കമല്‍, സത്യന്‍ അന്തിക്കാട് തുടങ്ങിയ വന്‍ താര നിര ആശുപത്രിയിലെത്തി സിദ്ധാര്‍ഥിനെ സന്ദര്‍ശിച്ചിരുന്നു.മുഖ്യമന്ത്രി ഉമ്മന്‍ചാണ്ടി, മന്ത്രി രമേശ് ചെന്നിത്തല തുടങ്ങിയവര്‍ ആശുപത്രിയില്‍ ബന്ധപ്പെട്ട് സിദ്ധാര്‍ഥിന്റെ ആരോഗ്യനിലയെക്കുറിച്ച് അന്വേഷിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha