ഇറാനെ ഇന്ന് രാത്രിയോടെ അവസാനിപ്പിക്കുമെന്ന് ഭീഷണി മുഴക്കി ട്രംപ്
ഇറാനെ ഇന്ന് രാത്രിയോടെ അവസാനിപ്പിക്കുമെന്ന അമേരിക്കന് പ്രസിഡന്റ് ഡൊണാള്ഡ് ട്രംപിന്റെ ഭീഷണിയില് ലോകം ആശങ്കയില്. തിരിച്ചുവരാന് കഴിയാത്ത വിധം ഇന്ന് രാത്രി ഇറാന് നശിക്കുമെന്നാണ് ട്രംപ് ട്രൂത്ത് സോഷ്യലില് കുറിച്ചത്. ലോകചരിത്രത്തിലെ ഏറ്റവും പ്രധാനപ്പെട്ട നിമിഷങ്ങളില് ഒന്നാണ് ഇന്ന് രാത്രി സംഭവിക്കാന് പോകുന്നതെന്നും ട്രംപ് വ്യക്തമാക്കി.
ഇറാനില് ഇന്ന് രാത്രി അമേരിക്ക കടുത്ത ആക്രമണങ്ങള് നടത്തിയേക്കുമെന്നാണ് റിപ്പോര്ട്ടുകള്. ഇതോടെ അമേരിക്ക ഇറാനില് ആണവായുധം പ്രയോഗിക്കുമെന്ന ആശങ്കയും സമൂഹ മാദ്ധ്യമങ്ങളില് നിറഞ്ഞു. ഇറാന് തങ്ങളുടെ നിലപാട് മാറ്റിയില്ലെങ്കില് ഇതുവരെ പ്രയോഗിക്കാത്ത ആയുധങ്ങള് പ്രസിഡന്റ് പുറത്തെടുക്കുമെന്ന് ഹംഗറിയില് മാദ്ധ്യമ പ്രവര്ത്തകരോട് വൈസ് പ്രസിഡന്റ് ജെ.ഡി. വാന്സ് പറഞ്ഞിരുന്നു. ഇതും ട്രംപിന്റെ ഭീഷണിയും ചേര്ത്ത് വച്ചാണ് ആണവാക്രമണ സാദ്ധ്യതയെക്കുറിച്ച് ചര്ച്ച സജീവമായത്. എന്നാല് ഇത്തരം പ്രചാരണത്തില് അടിസ്ഥാനമില്ലെന്നാണ് വൈറ്റ് ഹൗസിന്റെ പ്രതികരണം. വൈസ് പ്രസിഡന്റിന്റെ വാക്കുകളില് അത്തരമൊരു സൂചനയും ഇല്ലെന്ന് വ്യക്തമാക്കിയ അധികൃതര് പ്രചാരണത്തെ പരിഹസിക്കുകയും ചെയ്തു.
ഹോര്മുസ് കടലിടുക്ക് തുറക്കാന് താന് നല്കിയ അന്ത്യശാസനം കാറ്റില്പ്പറത്തിയ ഇറാനെതിരെ ട്രംപ് നേരത്തെ രൂക്ഷമായി പ്രതികരിച്ചിരുന്നു. ഇതിന് പിന്നാലെ ഇറാനില് കനത്ത വ്യോമാക്രമണവും നടത്തിയിരുന്നു.
https://www.facebook.com/Malayalivartha
