ഇറാനിലെ ഇന്ത്യന് പൗരന്മാര്ക്ക് ജാഗ്രതാ നിര്ദ്ദേശം നല്കി കേന്ദ്ര വിദേശകാര്യ മന്ത്രാലയം
അടുത്ത 48 മണിക്കൂര് നേരം നിലവിലുള്ള സ്ഥലങ്ങളില് തന്നെ തുടരണമെന്നാണ് ഇറാനിലെ ഇന്ത്യന് എംബസിയുടെ നിര്ദ്ദേശം. ഇറാനെ ഇന്ന് രാത്രി അവസാനിപ്പിക്കുമെന്ന യു.എസ് പ്രസിഡന്റ് ഡൊണാള്ഡ് ട്രംപിന്റെ ഭീഷണിയുടെ പശ്ചാത്തലത്തിലാണ് ഇറാനിലെ ഇന്ത്യന് പൗരന്മാര്ക്ക് ജാഗ്രതാ നിര്ദ്ദേശം കേന്ദ്ര വിദേശകാര്യ മന്ത്രാലയം നല്കിയത്. ഹോര്മുസ് കടലിടുക്ക് തുറക്കാനും സമാധാന കരാര് ഒപ്പിടാനും ട്രംപ് നല്കിയ സമയപരിധി അവസാനിക്കാന് മണിക്കൂറുകള് മാത്രം ശേഷിക്കെയാണ് വിദേശകാര്യ മന്ത്രാലയത്തിന്റെ നിര്ദ്ദേശം.
നിലവില് ഇറാനിലുള്ള ഇന്ത്യന് പൗരന്മാര് അവിടത്തന്നെ തുടരണമെന്നും സുരക്ഷിതമായ ഇടങ്ങളില് അഭയം തേടാനും സഞ്ചാരം ഒഴിവാക്കാനും കേന്ദ്രം നിര്ദ്ദേശം നല്കി. ഇന്ത്യന് എംബസിയുമായി ബന്ധപ്പെട്ട ശേഷം മാത്രമേ യാത്രകള് നടത്താവൂ, അടുത്ത 48 മണിക്കൂര് നേരം നിലവിലുള്ള സ്ഥലങ്ങളില് തന്നെ തുടരണമെന്നാണ് ഇറാനിലെ ഇന്ത്യന് എംബസിയുടെ നിര്ദ്ദേശം. ആളുകള് വീടിനുള്ളില് തുടരുകയും വൈദ്യുത, സൈനിക സ്ഥാപനങ്ങള്, ബഹുനില കെട്ടിടങ്ങളുടെ മുകള്നിലകള് എന്നിവ ഒഴിവാക്കണമെന്നും എംബസി നിര്ദ്ദേശിച്ചു.
https://www.facebook.com/Malayalivartha
