ഒരു ജീവന് നഷ്ടമാകുക എന്നത് ദുഃഖകരമാണ്; ജനങ്ങളുടെ ആത്മവിശ്വാസം തകര്ക്കുന്നതാണ് ഇത്തരം കൊലപാതകങ്ങൾ; കണ്ണൂരിലെ രാഷ്ട്രീയ കൊലപാതകത്തില് പ്രതികരണവുമായി ഗവര്ണര് ആരിഫ് മുഹമ്മദ് ഖാന്
കണ്ണൂരിലെ രാഷ്ട്രീയ കൊലപാതകത്തില് പ്രതികരണവുമായി ഗവര്ണര് ആരിഫ് മുഹമ്മദ് ഖാന്. തലശ്ശേരിയിലെ ഹരിദാസിന്റെ കൊലപാതകം ദുഃഖകരമാണെന്ന് ഗവര്ണര് പറഞ്ഞു. രാഷ്ട്രീയ കൊലപാതകങ്ങളെ അദ്ദേഹം അപലപിച്ചു. ജനങ്ങളുടെ ആത്മവിശ്വാസം തകര്ക്കുന്നതാണ് ഇത്തരം കൊലപാതകങ്ങളെന്ന് ഗവര്ണര് അഭിപ്രായപ്പെട്ടു.
ഒരു ജീവന് നഷ്ടമാകുക എന്നത് ദുഃഖകരമാണ്. സംസ്ഥാനത്തെ സുരക്ഷാ സംവിധാനങ്ങള് ഉണര്ന്ന് പ്രവര്ത്തിച്ച് ഇത്തരം സംഭവങ്ങള് ഭാവിയില് ആവര്ത്തിക്കില്ലെന്ന് ഉറപ്പ് വരുത്തി ജനങ്ങളുടെ ആത്മവിശ്വാസം തിരിച്ചുപിടിക്കണമെന്ന് ഗവര്ണര് അഭിപ്രായപ്പെട്ടു. എത്രയും വേഗം തന്നെ നടപടിയെടുക്കണമെന്നും അദ്ദേഹം ആവശ്യപ്പെട്ടു. കാര്യങ്ങള് വിശദമായി പഠിച്ചതിന് ശേഷം ഇക്കാര്യത്തില് കൂടുതല് പ്രതികരണം നടത്താമെന്ന് ഗവര്ണര് മാധ്യമങ്ങളോട് പറഞ്ഞു.
അതേസമയം കണ്ണൂരില് കൊല്ലപ്പെട്ട ഹരിദാസിന്റെ സംസ്കാരം വീട്ടുവളപ്പില് നടന്നു. ഹരിദാസിന്റെ കൊലപാതകത്തില് ഏഴുപേരെ കസ്റ്റഡിയിലെടുത്തതായി കമ്മീഷണര് അറിയിച്ചു.
https://www.facebook.com/Malayalivartha
