ദിലീപിന്റെ അഭിഭാഷകനായ അഡ്വ.ബി.രാമന്പിള്ളയുടെ മൊഴിയെടുക്കാനൊരുങ്ങി ക്രൈംബ്രാഞ്ച്...... തെറ്റായി രജിസ്റ്റര് ചെയ്ത കേസില് തന്റെ മൊഴി രേഖപ്പെടുത്തേണ്ടതുണ്ടെന്ന് ആവശ്യപ്പെടുന്നത് നിയമവാഴ്ചയോടുള്ള വെല്ലുവിളിയാണെന്ന് അഡ്വ. ബി. രാമന് പിള്ള... ക്രൈംബ്രാഞ്ച് നടപടിക്കെതിരെ ഹൈക്കോടതിയിലെ അഭിഭാഷകര് പ്രതിഷേധവുമായി രംഗത്ത്
ദിലീപിന്റെ അഭിഭാഷകനായ അഡ്വ.ബി.രാമന്പിള്ളയുടെ മൊഴിയെടുക്കാന് ക്രൈം ബ്രാഞ്ച് നീക്കം. നടിയെ ആക്രമിച്ച കേസിലെ സാക്ഷികളെ സ്വാധീനിക്കാന് ശ്രമിച്ച കേസിലാണ് രാമന്പിള്ളയുടെ മൊഴിയെടുക്കുന്നത്.
സാക്ഷിയായ ജിന്സണ് എന്നയാളുടെ പരാതിയുടെ അടിസ്ഥാനത്തില് തൃശൂര് പീച്ചി പോലീസ് രജിസ്റ്റര് ചെയ്ത കേസിലാണ് നോട്ടീസ് . ഇത് സംബന്ധിച്ച് അന്വേഷണസംഘം രാമന്പിള്ളയ്ക്ക് കത്ത് നല്കി. എന്നാല് തെറ്റായി രജിസ്റ്റര് ചെയ്ത കേസില് തന്റെ മൊഴി രേഖപ്പെടുത്തേണ്ടതുണ്ടെന്ന് ആവശ്യപ്പെടുന്നത് നിയമവാഴ്ചയോടുള്ള വെല്ലുവിളിയാണെന്ന് കാട്ടി രാമന്പിള്ള ക്രൈംബ്രാഞ്ചിന് മറുപടിയും നല്കി. കള്ളക്കേസില് മൊഴി നല്കാനാകില്ലെന്ന് ബി.രാമന്പിള്ള ക്രൈം ബ്രാഞ്ചിന് രേഖാമൂലം മറുപടി നല്കി.
ഫെബ്രുവരി 16 ന് രാമന്പിള്ളയുടെ ഓഫീസിലോ വീട്ടിലോ എത്തി മൊഴി രേഖപ്പെടുത്താന് അനുവദിക്കണമെന്നായിരുന്നു നോട്ടീസിലെ ആവശ്യം . ഇതിന് ഫെബ്രുവരി 18നാണ് അദ്ദേഹം മറുപടി നല്കിയത്. നടിയെ ആക്രമിച്ച കേസില് മൊഴിമാറ്റി പറയാന് ശ്രമം ഉണ്ടായി എന്നാരോപിച്ച് കാസര്കോട് ബേക്കല് പോലീസും കേസ് രജിസ്റ്റര് ചെയ്തിരുന്നു.
രണ്ടു കേസുകളും യുവനടിയെ ആക്രമിച്ച കേസുമായി ബന്ധപ്പെട്ടതാണ്. ഇതില് പ്രതിയ്ക്കായി ഹാജരാകുന്ന അഭിഭാഷകനാണ് താനെന്നും അതിനാല് സാക്ഷികളെ സ്വാധീനിക്കാന് ശ്രമിച്ചു എന്ന കേസില് സാക്ഷിയായി ഉള്പ്പെടുത്താനാകില്ലാത്തതിനാല് മൊഴിയെടുക്കണമെന്നതില് നിന്ന് പിന്മാറണമെന്നും രാമന്പിള്ളയുടെ മറുപടിയില് പറയുന്നു..
പ്രതിക്കായി ഹാജരാകുന്ന അഭിഭാഷകന്റെ മൊഴിയെടുക്കാനുള്ള ശ്രമം ഇന്ത്യന് തെളിവ് നിയമത്തിന്റെ ലംഘനമാണെന്നും തന്റെ മൊഴിയെടുക്കണമെന്ന ആവശ്യം അഡ്വ. ആക്ട് പ്രകാരവും അനുവദിക്കാനാകില്ല. എന്നിരുന്നാലും നിര്ബന്ധമുണ്ടെങ്കില് നിശ്ചിതസമയം നിശ്ചയിച്ച് എത്തിയാല് ആകാം എന്നും മറുപടിയില് പറയുന്നു.
അതേസമയം ക്രൈംബ്രാഞ്ച് നടപടിക്കെതിരെ ഹൈക്കോടതിയിലെ അഭിഭാഷകര് രംഗത്തെത്തി. നടപടിയെ നിയമപരമായി നേരിടാനാണ് അഭിഭാഷകരുടെ തീരുമാനം.
ഹൈക്കോടതി അഭിഭാഷക അസോസിയേഷന് എക്സിക്യൂട്ടീവ് കമ്മിറ്റി ക്രൈംബ്രാഞ്ച് തീരുമാനത്തില് ശക്തമായ പ്രതിഷേധം രേഖപ്പെടുത്തി. ഈ നടപടിക്കെതിരെ ഹൈക്കോടതിയില് അഭിഭാഷകരുടെ പ്രതിഷേധമുണ്ടാകുമെന്ന് അസോസിയേഷന് .
"
https://www.facebook.com/Malayalivartha
