തിരുവനന്തപുരം വെമ്പായത്ത് നാല് വയസ്സുകാരന്‍ കുളത്തില്‍ വീണ് മരിച്ചു..... തേക്കട കുളക്കോട് മുനീറയുടെ മകന്‍ ലാലിന്‍ മുഹമ്മദ്(4) ആണ് മരിച്ചത്. അടുത്തുള്ള വീട്ടില്‍ പാല്‍ വാങ്ങാന്‍ പോകുന്നതിനിടെയായിരുന്നു അപകടം.

കുളക്കോട് അംഗണവാടിയ്ക്ക് സമീപമായിരുന്നു അപകടം നടന്നത്. വൈകുന്നേരം സമീപത്തെ വീട്ടില്‍ നിന്ന് പാല്‍വാങ്ങാന്‍ മുനീറ ലാലിനെ പറഞ്ഞുവിടുകയായിരുന്നു. എന്നാല്‍ ഏറെ സമയം കഴിഞ്ഞിട്ടും കുട്ടി മടങ്ങിവന്നില്ല.

തുടര്‍ന്ന് ലാലിന്റെ മൂത്തസഹോദരന്‍ ലല്ലു അന്വേഷിച്ചുപോയി. റോഡിനു സമീപത്തെ കുളത്തിന്റെ കരയില്‍ പാല്‍ ഇരിക്കുന്നത് ലല്ലുവിന്റെ ശ്രദ്ധയില്‍പ്പെട്ടതിനെ തുടര്‍ന്ന് നോക്കിയപ്പോള്‍ കുട്ടി കുളത്തില്‍ കിടക്കുന്നതാണ് കണ്ടത്. ഉടന്‍ തന്നെ ലല്ലു മുനീറയെയും സമീപവാസികളും എത്തി ലാലിനെ കരയില്‍ കയറ്റി.

തുടര്‍ന്ന് കന്യാകുളങ്ങര ആശുപത്രിയില്‍ എത്തിച്ച് പ്രഥമ ശുശ്രൂഷ നല്‍കിയ ശേഷം മെഡിക്കല്‍ കോളേജ് ആശപത്രിയിലേക്ക് മാറ്റിയിരുന്നു. എന്നാല്‍ ആശുപത്രിയിലെത്തിയെങ്കിലും കുട്ടി മരിച്ചു.