ഇന്ന് കേരളത്തിന്റെ മുഖ്യമന്ത്രി നിയമസഭയിൽ ഉയർന്ന ചോദ്യത്തിന്റെ ഉത്തരമായി, പോലീസിനു കിട്ടിയ പുരസ്കാരങ്ങൾ പറയുന്നത് കേട്ടു. കിറ്റക്സ് സാബുവിന്റെ ബംഗാളിലെയും ബീഹാറിലെയും പണിക്കാർ നെഞ്ചത്ത് കയറി നിന്ന പോലീസിനാണ് പുരസ്കാരം കിട്ടിയതെന്ന വിമർശനവുമായി രാഹുൽ മാങ്കൂട്ടത്തിൽ.അദേഹംഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപമിങ്ങനെ;

ഇന്ന് കേരളത്തിന്റെ മുഖ്യമന്ത്രി നിയമസഭയിൽ ഉയർന്ന ചോദ്യത്തിന്റെ ഉത്തരമായി, പോലീസിനു കിട്ടിയ പുരസ്കാരങ്ങൾ പറയുന്നത് കേട്ടു. ഉത്തമൻ മെമോറിയൽ പുരസ്കാരം, വിശാലാക്ഷി സ്മാരക അവാർഡ്, ചെറുപുഷ്പം ആർട്ട്സ് & സ്പോർട്ട്സ് ക്ലബ് ട്രോഫി, വടക്കേടത്ത് പടിഞ്ഞാറ്റതിൽ കുടുംബ ട്രസ്റ്റ് പുരസ്കാരം മോഡൽ അംഗീകാരങ്ങളുടെ പെരുമഴക്കാലം....

ഏത് പോലീസിനാണ് ഈ അവാർഡ് എന്ന് അറിയുമോ? കിറ്റക്സ് സാബുവിന്റെ ബംഗാളിലെയും ബീഹാറിലെയും പണിക്കാർ നെഞ്ചത്ത് കയറി നിന്ന പോലിസ്. കോടതി പിഴയടിപ്പിച്ച പിങ്ക് പോലീസ് ഉൾപ്പെടെയുള്ള പോലീസ്. കോട്ടയത്തൊരു ഗുണ്ട ഒരു ചെറുപ്പക്കാരനെ കൊന്നിട്ട് ശരീരം സ്റ്റേഷനിൽ കൊണ്ടു വന്നിട്ടിപ്പോൾ ജോലി എളുപ്പമാക്കിയതിന് നന്ദി പറഞ്ഞ പോലീസ്.

കഴിഞ്ഞ മൂന്ന് മാസത്തിനിടയിൽ എട്ട് രാഷ്ട്രീയ കൊലപാതകം ഉണ്ടായിട്ടും അപലിപിച്ചതല്ലാതെ ഒന്നിനും കൊള്ളാത്ത പോലീസ്. കേരളത്തിന്റെ പൊതുസമൂഹത്തിന് ഒരു ചോദ്യമുണ്ട് മുഖ്യമന്ത്രിയോട്, ഈ ചിത്രത്തിൽ കാണുംപോലെ തുരുമ്പ് എടുത്ത് പോകുന്ന, തലച്ചോറും, ഹൃദയവുമില്ലാത്ത ഈ ചിറ്റി റോബോട്ടിനെ പോലെ ഒരു പാഴ് യന്ത്രമല്ലാത്ത കൊള്ളാവുന്ന ആരെങ്കിലും ആഭ്യന്തര വകുപ്പിലുണ്ടോ? N.B തൊപ്പി വെച്ചതാണ് റോബോട്ട്.