അഴിമതിക്കാരല്ലാത്ത സിവില്‍ സര്‍വീസ് ഉദ്യോഗസ്ഥര്‍ സമരമുഖത്തേക്ക്. കേരള സര്‍ക്കാര്‍ അഴിമതിയില്‍ കുളിക്കുകയാണെന്നും നിഷ്പക്ഷമായി പ്രവര്‍ത്തിക്കുന്ന ഉദ്യോഗസ്ഥര്‍ക്കെതിരെ തുടര്‍ച്ചയായി നടപടികള്‍ സ്വീകരിക്കുകയാണെന്ന് പരാതിപ്പെട്ട് കേരളത്തിലെ സിവില്‍ സര്‍വീസ് ഉദ്യോഗസ്ഥര്‍ കേന്ദ്ര സര്‍ക്കാരിനെ സമീപിക്കാനൊരുങ്ങുന്നു. അജിതാബീഗം, നിശാന്തിനി, അനുപമ, രാജു നാരായണസ്വാമി തുടങ്ങിയ പീഡിതരായ ഉദ്യോഗസ്ഥര്‍ക്ക് പിന്നാലെ ജേക്കബ് തോമസും പീഡിതനായി. ബാര്‍ക്കോഴ കേസില്‍ അന്വേഷണം നടത്തിയതിനെ തുടര്‍ന്ന് വിജിലന്‍സില്‍ നിന്നും പുറത്തായ ജേക്കബ് തോമസ് ഫയര്‍ഫോഴ്‌സ് മേധാവി സ്ഥാനത്ത് നിന്നും പുറത്തായി. വന്‍കിട ഫ്‌ലാറ്റുകള്‍ക്കെതിരെ സുരക്ഷയുടെ പേരില്‍ നടപടി സ്വീകരിച്ചതാണ് ജേക്കബ് തോമസിന് വിനയായത്. ഋഷിരാജ് സിംഗിനെതിരെ വൈകാതെ നടപടിയുണ്ടാകും. മന്ത്രിമാര്‍ക്ക് ചുറ്റും ഉപഗ്രഹങ്ങളുമായി നടക്കുന്ന പോലീസുകാരെ തിരിച്ചു വിളിച്ചതാണ് കാരണം.
സത്യസന്ധന്‍ എന്ന് സ്വയം നടിച്ചു നടക്കുന്ന മന്ത്രി രമേശ് ചെന്നിത്തലയാണ് ജേക്കബ് തോമസിനെ തെറിപ്പിച്ചത്. ചെന്നിത്തലക്കും ഉമ്മന്‍ചാണ്ടിക്കും തത്പരരായ ചില ഫ്‌ലാറ്റ്ഉടമകള്‍ ജേക്കബ് തോമസിനെതിരെ പരാതിയുമായി രംഗത്തെത്തിയിരുന്നു. ചില മന്ത്രിമാര്‍ ജേക്കബ് തോമസിനെ മന്ത്രിസഭായോഗത്തിലും ചീത്ത വിളിച്ചു.
വിഎസ് അച്യുതാനന്ദന്‍ മടങ്ങി വന്നത് മാത്രമാണ് കേരളത്തിന്റെ ഏക സമാധാനം. അദ്ദേഹം നയിച്ചാല്‍ ഇടതുമുന്നണി അടുത്ത നിയമസഭാ തെരഞ്ഞെടുപ്പില്‍ തിരിച്ചു വരും. അങ്ങനെയല്ല സംഭവിക്കുന്നതെങ്കില്‍ പലതും കാത്തിരുന്ന് കാണേണ്ടിവരും.
സിവില്‍ സര്‍വീസ് ഉദ്യോഗസ്ഥരെ സ്ഥലം മാറ്റുന്നതില്‍ കേന്ദ്ര സര്‍ക്കാരിന് ഇടപെടാനാവില്ലെങ്കിലും കേരളത്തെ നോക്കി മീശ പിരിക്കാന്‍ കേന്ദ്രത്തിന് കഴിയും. പാറ്റൂര്‍ ഭൂമി ഇടപാട് കേസ് അന്വേഷിച്ചതും ജേക്കബ് തോമസാണ്. സര്‍ക്കാരിന് അനഭിമതനാക്കുന്നവരെ നിയമിക്കുന്ന കസേരയാണ്. കേരള പോലീസ് കണ്‍സ്ട്രക്ഷന്‍ കോര്‍പ്പറേഷ് നേരത്തെ ജയില്‍മേധാവി സ്ഥാനത്ത് നിന്നും തെറിച്ച അലക്‌സാണ്ടര്‍ ജേക്കബിനെ നിയമിച്ചതും ഇതേ കസേരയിലാണ്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha