സംസ്ഥാനത്ത് ഇനി നായ വളര്ത്താന് ലൈസന്സ്; ഉത്തരവ് ഉടന്
സംസ്ഥാനത്ത് നായയെ വളര്ത്താന് ഇനി ലൈസന്സ് വേണ്ടിവരും. ഇതു സംബന്ധിച്ച ഉത്തരവ് സര്ക്കാര് ഉടന് പുറപ്പെടുവിക്കുമെന്നു മന്ത്രി എം.കെ. മുനീര് അറിയിച്ചു. ഉടമസ്ഥരില് നായ പരിപാലനം സംബന്ധിച്ച കൂടുതല് ഉത്തരവാദിത്തങ്ങള് നിക്ഷിപ്തമാകുന്നതോടെ തെരുവുനായ ശല്യം ഒരു പരിധിവരെ കുറയ്ക്കാന് കഴിയുമെന്ന വിശ്വാസത്തിലാണിത്.
ഒക്ടോബര് ഒന്നിന് തെരുവുനായ ശല്യം നിയന്ത്രണവിധേയമാക്കുന്നതിനുള്ള ബോധവല്ക്കരണം ആരംഭിക്കാന് തദ്ദേശഭരണ സ്ഥാപനങ്ങള്ക്കു നിര്ദേശം നല്കി. തെരുവുനായ വന്ധ്യംകരണ പരിപാടി 22 മുതല് 29 വരെ തദ്ദേശഭരണ സ്ഥാപനങ്ങളും മൃഗസംരക്ഷണ വകുപ്പും സംയുക്തമായി നടപ്പാക്കും. വളര്ത്തുനായ്ക്കള് ഉള്പ്പെടെയുള്ളവയെ ഈ കാലയളവില് വന്ധ്യംകരണം നടത്തും.
തദ്ദേശ സ്ഥാപനങ്ങള്ക്കായിരിക്കും നായ്ക്കളെ പിടിച്ച് ആശുപത്രിയില് എത്തിക്കാനും കുത്തിവയ്പിനു ശേഷം അതതു സ്ഥലങ്ങളില് തിരിച്ചെത്തിക്കാനും ഉള്ള ചുമതല. വന്ധ്യംകരിച്ച നായ്ക്കളെ തിരിച്ചറിയാന് ചെവിയില് അടയാളമിടും. ഒരു പട്ടിക്ക് 250 രൂപ എന്ന തോതില് ചെലവഴിക്കാം. വെറ്ററിനറി സര്ജന്റെ സാക്ഷ്യപത്രം ഹാജരാക്കുന്ന ഉടമസ്ഥര്ക്ക് 250 രൂപ പ്രോത്സാഹനമായി നല്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
