കോടതി വിധി വന്നതോടെ പോലീസ് ഉഷാര്; പിന്സീറ്റില് ഹെല്മറ്റ് ഇല്ലാതെ യാത്ര ചെയ്തവര്ക്ക് വ്യാപകമായി ഇന്നലെ പിഴയിട്ടു
ഏമാന്മാര്ക്ക് താത്പര്യം പൊതുജനത്തെ പിഴിയാന്. ഇരുചക്ര വാഹനങ്ങളുടെ പിന്സീറ്റിലും ഹെല്മെറ്റ് നിര്ബന്ധമാക്കിയ ഹൈക്കോടതിയുടെ ഇടക്കാല ഉത്തരവോടെ പരിശോധനയും പിഴ ഈടാക്കലുമെല്ലാം സജീവമായി. കോടതി ഉത്തരവ് വന്ന് തൊട്ടടുത്ത ദിവസം തന്നെ പൊലീസ് ഹെല്മറ്റ് വേട്ട തുടങ്ങിയതോടെ ബൈക് യാത്രക്കാര് വെട്ടിലായി. എറണാകുളത്ത് സജീവമായി പരിശോധന നടന്നു. മൊബൈല് കോടതിയും പിഴ ഈടാക്കല് തുടങ്ങിയിട്ടുണ്ട്. ഇതോടെ എത്രയും വേഗം പുറകിലുള്ളവര്ക്കും ഹെല്മറ്റ് വാങ്ങേണ്ട അവസ്ഥയിലായി ഇരുചക്രവാഹന ഉടമകള്.
എറണാകുളം നഗരത്തില് ഹെല്മെറ്റ് ധരിക്കാതെ ഇരുചക്രവാഹനങ്ങളുടെ പിന്സീറ്റില് യാത്ര ചെയ്ത 20 പേര്ക്ക് മൊബൈല് കോടതി പിഴശിക്ഷ നല്കി. സ്ത്രീകളും കുട്ടികളുമടക്കം ഇരുപതു പേര്ക്കാണ് മൊബൈല് കോടതി ജഡ്ജി സോമന്. പി. മാങ്കൂട്ടത്തില് പിഴ വിധിച്ചത്. ഇന്നലെ രാവിലെ എറണാകുളം ഫോര്ഷോര് റോഡിലും പരിസരങ്ങളിലുമായി നടത്തിയ പരിശോധനയില് ഹെല്മെറ്റ് ധരിക്കാത്തവരില് നിന്ന് നൂറു രൂപ വീതം പിഴയീടാക്കി.
ഇരുചക്ര വാഹനങ്ങളിലെ പിന്സീറ്റ് യാത്രക്കാര്ക്ക് ഹെല്മെറ്റ് വേണ്ടെന്ന സര്ക്കാരിന്റെ വിജ്ഞാപനം കഴിഞ്ഞ ദിവസം ഹൈക്കോടതി സ്റ്റേ ചെയ്തിരുന്നു. കേന്ദ്ര മോട്ടോര് വാഹന നിയമത്തില് പിന്സീറ്റുയാത്രക്കാര് ഹെല്മെറ്റ് ധരിക്കണമെന്നു പറയുമ്പോള് അതിനു വിരുദ്ധമായി വ്യവസ്ഥ കൊണ്ടുവരുന്നത് നിലനില്ക്കില്ലെന്നു ചൂണ്ടിക്കാട്ടിയായിരുന്നു സ്റ്റേ ഉത്തരവ്. പിന്സീറ്റ് യാത്രക്കാര്ക്ക് ഇളവ് നല്കി കൊണ്ടുള്ള സംസ്ഥാന സര്ക്കാര് കൊണ്ടുവന്ന മോട്ടോര്വാഹന ചട്ട ഭേദഗതിയാണ് കോടതി സ്റ്റേ ചെയ്തത്. കേന്ദ്ര നിയമത്തിന് കടക വിരുദ്ധമാണെന്ന് ചൂണ്ടിക്കാട്ടിയാണ് കോടതിയുടെ നടപടി.
കേന്ദ്ര നിയമ പ്രകാരം സിഖ് വിശ്വാസികള്ക്കും രോഗികള്ക്കുമാണ് ഹെല്മെറ്റ് ഉപയോഗിക്കുന്നതിന് ഇളവ് അനുവദിച്ചിട്ടുള്ളത്. സര്ക്കാര് പുറത്തിറക്കിയ ചട്ട ഭേതഗതി ഇതിന് വിരുദ്ധമാണെന്നും കോടതി പറഞ്ഞു.ഫോര്ട്ട് കൊച്ചി സ്വദേശിയായ ടി.യു രവീന്ദ്രന് സമര്പ്പിച്ച ഹര്ജിയിലാണ് ജസ്റ്റിസ് വി. ചിദംബരേഷ് ഇടക്കാല ഉത്തരവ് ഇറക്കിയിരിക്കുന്നത്. ഗതാഗത നിയമങ്ങള് കര്ശനമാക്കണമെന്നും, ഇരുചക്ര വാഹനങ്ങളുടെ പിന്നിലെ സീറ്റില് യാത്ര ചെയ്യുന്നവര്ക്കും ഹെല്മെറ്റ് നിര്ബന്ധമാക്കണമെന്നും സുപ്രീം കോടതി കഴിഞ്ഞ മാസം ഉത്തരവിട്ടിരുന്നു. ഹൈല്മറ്റുകടകളില് ഇപ്പോള് വില്പ്പന തകര്ക്കുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
