ഗുരുദേവ ദര്‍ശനങ്ങള്‍ സംഘപരിവാറിന്റെ ആശയങ്ങളുമായി കൂട്ടിച്ചേര്‍ക്കുന്നത് അപകടകരമാണെന്ന് അച്യുതാനന്ദന്‍
എസ്എന്‍ഡിപി ജനറല്‍ സെക്രട്ടറി വെള്ളാപ്പള്ളി നടേശനെതിരെ വിമര്‍ശനവുമായി വീണ്ടും പ്രതിപക്ഷ നേതാവ് വി.എസ്. അച്യുതാനന്ദന്‍ രംഗത്ത്. ഗുരുദേവ ദര്‍ശനം സംഘപരിവാറിന്റെ ആശയങ്ങളുമായി കൂട്ടിക്കെട്ടുവാന്‍ വെള്ളാപ്പള്ളി ശ്രമിക്കുന്നത് അപകടകരമാണെന്നു വിഎസ് പറഞ്ഞു. വെള്ളാപ്പള്ളിയുടെ ഈ നീക്കത്തെ ചോദ്യം ചെയ്യുവാനുള്ള അവകാശം ജനാധിപത്യവാദികള്‍ക്കുണ്ട്. കുമാരനാശാന്‍ 14 വര്‍ഷം ഇരുന്ന കസേരയിലിരുന്നു വെള്ളാപ്പള്ളി പറയുന്നത് ചരിത്ര നിഷേധമാണ്. മണ്ഡല്‍ കമ്മിറ്റി റിപ്പോര്‍ട്ടിനെ എതിര്‍ത്തവരാണു ബിജെപിയും ആര്‍എസ്എസും. അന്നു ചില കച്ചവടങ്ങളിലായിരുന്നു നടേശന് താല്‍പര്യം. ഇതിനാല്‍ വെള്ളാപ്പള്ളിക്ക് അതിന്റെ പല ചരിത്രങ്ങളും അറിയില്ല. പിന്നോക്ക വിഭാഗക്കാരുടെ ബുദ്ധി ആര്‍ക്കും തീറെഴുതി കൊടുത്തിട്ടില്ലെന്ന കാര്യം നടേശന് ഓര്‍ക്കണമെന്നും വിഎസ് കൂട്ടിച്ചേര്‍ത്തു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
