ഹയര് സെക്കന്ഡറി മൂല്യനിര്ണയം തുടങ്ങാനിരിക്കെ അധ്യാപക സംഘടനകള് സമരത്തിലേക്ക്.....
ഹയര് സെക്കന്ഡറി മൂല്യനിര്ണയം തുടങ്ങാനിരിക്കെ അധ്യാപക സംഘടനകള് സമരത്തിലേക്ക്..... മൂല്യനിര്ണയം നടത്തേണ്ട ഉത്തരക്കടലാസുകളുടെ എണ്ണം കൂട്ടിയതിനെ തുടര്ന്നാണ് അധ്യാപക സംഘടകള് സമരം പ്രഖ്യാപിച്ചത്.
കൂടാതെ ഉത്തരക്കടലാസുകളുടെ എണ്ണം വര്ധിപ്പിച്ച നടപടി പിന്വലിക്കണമെന്ന് ആവശ്യപ്പെട്ട് ഇടത് അധ്യാപക സംഘടനായ എകെഎസ്ടിയു ഉള്പ്പടെ സര്ക്കാരിന് കത്ത് നല്കി. പ്രതിദിനം പരമാവധി 40 ഉത്തരക്കടലാസുകള് മൂല്യനിര്ണയം നടത്തിയിരുന്ന സ്ഥാനത്ത് ഇനി മുതല് 50 ഉത്തരക്കടലാസുകള് മൂല്യനിര്ണയം നടത്തണമെന്നാണ് പുതിയ നിര്ദ്ദേശം.
ഭാഷാ-മാനവിക വിഷയങ്ങളാണെങ്കില് ഒരു ദിവസം 26 ഉത്തരക്കടലാസുകളും ശാസ്ത്ര വിഷയങ്ങളാണെങ്കില് 40 ഉത്തരക്കടലാസുകളും മൂല്യനിര്ണയം നടത്തണമെന്നായിരുന്നു നേരത്തെയുള്ള വ്യവസ്ഥ. എന്നാല് പുതിയ നിര്ദ്ദേശം അനുസരിച്ച് ഇത് യഥാക്രമം 34ഉം 50 ആക്കി.
ഈ നടപടിയിലൂടെ ഉത്തരങ്ങള് വിശദമായി വായിച്ചുനോക്കാന് പോലും പറ്റില്ലെന്നും, അശാസ്ത്രീയമായ ഇത്തരം മൂല്യനിര്ണയം നിലവാരം തകര്ക്കുമെന്നുമാണ് അധ്യാപകരുടെ പരാതി.
ഈ മാസം 28ആം തീയതിയാണ് ഹയര് സെക്കന്ഡറി മൂല്യനിര്ണയം ആരംഭിക്കാനിരിക്കുന്നത്. ഇതിനിടയിലാണ് ഇപ്പോള് സംസ്ഥാന വ്യാപകമായി അധ്യാപകര് സമരം പ്രഖ്യാപനം നടത്തിയത്.
"
https://www.facebook.com/Malayalivartha
