നമ്മിൽ പലരും ബിഗ്ബോസ് സീസൺ ഫോറിന്റെ പ്രേക്ഷകരാണ്. ഇതിനോടകം തന്നെ പല മത്സരാർത്ഥികളും പ്രേക്ഷക മനസു കീഴടക്കി കഴിഞ്ഞു. കഴിഞ്ഞ ആഴ്ച ശാലിനിയെന്ന മത്സരാർത്ഥിയാണ് പുറത്തുപോയത് ഇപ്പോളിതാ നിരവധി രഹസ്യങ്ങൾ ശാലിനി പുറത്തു പറഞ്ഞിരിക്കുകയാണ്. ഒരുപാട് വ്യക്തികളെക്കുറിച്ച് തന്റെ അനുഭവങ്ങളാണ് ശാലിനി പറഞ്ഞിരിക്കുന്നത്.

'ആ എലിമിനേഷൻ ലിസ്റ്റിൽ ഉണ്ടായിരുന്നവരെ വെച്ച് നോക്കുമ്പോൾ ഒരുപക്ഷേ ഞാൻ പുറത്ത് പോകുമെന്ന് പ്രേക്ഷകർ വിചാരിച്ചിട്ടുണ്ടാകില്ല എന്നാണ് ശാലിനി പറയുന്നത് . ആദ്യത്തെ ആഴ്ചയിലെ പ്രകടനം കണ്ടാണ് പലരും വിലയിരുത്തൽ നടത്തുന്നത്. അവിടെയുള്ള പലരും പിആർ ടീമിനെ വെച്ച് പുറത്ത് പിന്തുണയുണ്ടാക്കുനെന്ന കാര്യം പറഞ്ഞിരുന്നു. എന്നാൽ അത്തരമൊരു പിന്തുണ എനിക്ക് ഉണ്ടായിരുന്നില്ല. ഞാൻ ആയിരുന്നില്ല പുറത്ത് പോകേണ്ടിയിരുന്നത്. ലക്ഷ്മി ചേച്ചിയും അശ്വിനുമെല്ലാം ആ ലിസ്റ്റിൽ ഉണ്ടായിരുന്നുവെന്നും ശാലിനി പറയുന്നു.

ലക്ഷ്മി ചേച്ചി പോകാൻ തയാറായി നിൽക്കുകയായിരുന്നു. ഞാനും അശ്വിനും ഒക്കെയാണെങ്കിൽ ഒരുപാട് പ്രതീക്ഷകളും സ്വപ്നങ്ങളും കൊണ്ടാണ് അവിടെ നിന്നത്. വീട്ടിനുള്ളിൽ നെഗറ്റീവായിട്ടുള്ളവരും പോസിറ്റീവായിട്ടുള്ളവരുമുണ്ട്. അവരുടെ പേര് എടുത്ത് പറയാൻ സാധിക്കില്ല. അവിടെ ചില ഫേക്ക് സ്മൈലുകൾ ഉണ്ട്. ഫേക്കായ ആളുടെ പേര് അവർ ഒരു സ്ത്രീയായത് കൊണ്ട് മാത്രം പറയുന്നില്ല. അവർ അറിയാതെ തന്നെ ഇക്കാര്യം മനസിലാക്കാൻ സാധിച്ചു. ലാലേട്ടനോട് സംസാരിക്കുമ്പോൾ പോലും അവരുടെ ചിരി ഫേക്കാണ്.

ലക്ഷ്മിപ്രിയയേയും ധന്യയേയുമൊക്കെ മനസിലാക്കാതെ പോയത് ഞാനാണ്. അവർ എന്താണ് അണിയറയിൽ ചെയ്തുകൊണ്ടിരുന്നതെന്ന് മനസിലാക്കാൻ പറ്റിയില്ല. ശാലിനിയെ ഇനി വളർത്തരുത് എന്ന് പറഞ്ഞ അതേ ലക്ഷ്മി ചേച്ചിയും ധന്യയും തന്നെ അവസാനം, അവൾ തങ്ങളെ മനസിലാക്കാതെയാണ് പോയത് എന്ന് പറഞ്ഞിരിക്കുകയാണ്.

അവർക്കൊപ്പം സുചിത്രയും ഉണ്ടായിരുന്നു. ദിൽഷയോട് പൂർണമായി മറുപടി പറയാൻ സാധിച്ചില്ല. ലാലേട്ടൻറെ എപ്പിസോഡായതുകൊണ്ട് 'മതി ദിൽഷ' എന്ന് പറഞ്ഞ് വേഗം അവസാനിപ്പിച്ചു.ഒന്നും പൂർത്തിയാക്കാതെയാണ് അവിടെ നിന്ന് ഇറങ്ങിയത്. ഇനി വൈൽഡ് കാർഡ് എൻട്രി വഴി അവസരം ലഭിച്ചാൽ ഉറപ്പായും പോകുമെന്നും ശാലിനി പറഞ്ഞു.

ആളുകൾ നോമിനേഷനിൽ വരുന്നത് ചിലർ അടുക്കളയിലും ബാത്ത് റൂമിൻറെ സൈഡിലും പ്ലാൻ ചെയ്യുന്നത് പോലെയാണ് . അതുമാറി പ്രേക്ഷകർക്ക് നോമിനേറ്റ് ചെയ്യാനുള്ള അധികാരം കിട്ടണം. അവിടെ ഏറ്റവും ഇഷ്ടമുള്ള മത്സരാർത്ഥി അഖിലാണ് . ഗ്രാൻഡ് ഫിനാലെയിൽ എത്താൻ സാധ്യതയുള്ളവർ അഖിലും ജാസ്മിനും ഡോ.റോബിനുമാണ്. ഇവരുടെ പേര് മാത്രമെ ഇപ്പോ പറയാനാകൂ. ബാക്കി അവിടെയുള്ള ആരും പെർഫക്ടാണെന്ന് തോന്നിയിട്ടില്ലെന്നും ശാലിനി പറഞ്ഞു.