തിരുവനന്തപുരം കണിയാപുരത്ത് സില്‍വര്‍ലൈന്‍ വിരുദ്ധ സമരക്കാരെ ബൂട്ടിട്ട് ചവിട്ടുകയും മുഖത്തടിക്കുകയും ചെയ്ത പൊലീസുകാരനെ സ്ഥലംമാറ്റി. മംഗലപുരം സ്റ്റേഷനില്‍നിന്ന് റൂറല്‍ എ.ആര്‍. ക്യാംപിലേക്കാണ് മാറ്റിയത്. സില്‍വര്‍ലൈന്‍ വിരുദ്ധ സമരത്തിനിടെ പൊലീസ് സമരക്കാരുടെ മുഖത്തടിക്കുന്ന ദൃശ്യങ്ങള്‍ ഇന്നാണ് പുറത്തുവന്നത്.

കഴക്കൂട്ടത്ത് പൊലീസുകാരന്‍ സമരക്കാരെ ബൂട്ടിട്ട് ചവിട്ടിയതും ഇതേ പ്രതിഷേധത്തിനിടെയാണ്. സമരക്കാരെ ബൂട്ടിട്ട് ചവിട്ടിയ മംഗലപുരം സ്റ്റേഷനിലെ സിപിഒ ഷബീറിനെ സ്ഥലംമാറ്റി. എആര്‍ ക്യാംപിലേക്കാണ് സ്ഥലംമാറ്റം. ഇദ്ദേഹത്തിനെതിരെ വകുപ്പുതല നടപടിക്ക് ജില്ലാ പൊലീസ് മേധാവി ഉത്തരവിട്ടു.

സര്‍വേയ്‌ക്കെത്തിയ ഉദ്യോഗസ്ഥരെ തടഞ്ഞ പ്രതിഷേധക്കാരെ പൊലീസ് കയ്യേറ്റം ചെയ്യുന്നതിനിടെയാണ് കോണ്‍ഗ്രസ് പ്രവര്‍ത്തകന്‍ ജോയിയെ (45) ഷബീര്‍ ബൂട്ടിട്ട് ചവിട്ടിയത്. എന്നാല്‍ മനപ്പൂര്‍വം ആരെയും ചവിട്ടിയില്ലെന്ന് മംഗലപുരം സിഐ പറഞ്ഞു.