കൊല്ലത്ത് പ്രായപൂര്ത്തിയാകാത്ത പെണ്കുട്ടിക്ക് നേരെ പീഡന ശ്രമം, മുപ്പത്തിരണ്ടുകാരൻ പോലീസ് പിടിയിൽ, ചോദ്യം ചെയ്യലില് പ്രതി കുറ്റം സമ്മതിച്ചു
കൊല്ലത്ത് പ്രായപൂര്ത്തിയാകാത്ത പെണ്കുട്ടിയെ ലൈംഗികമായി പീഡിപ്പിക്കാന് ശ്രമിച്ച പ്രതി അറസ്റ്റിൽ.പത്തനാപുരം മാന്കോട് വാഴപ്പാറ മോഹന വിലാസത്തില് മോഹനന്റെ മകന് വേണുവാണ് (32) അറസ്റ്റിലായത് കൊല്ലം റൂറല് പോലീസാണ് പ്രതിയെ അറസ്റ്റ് ചെയ്തത്.
പെണ്കുട്ടി തന്നെ പീഡിപ്പിക്കാന് ശ്രമിച്ച വിവരം വീട്ടുകാരോട് പറയുകയായിരുന്നു. തുടര്ന്ന് പെണ്കുട്ടിയുടെ വീട്ടുകാര് പൊലീസില് പരാതി നല്കുകയായിരുന്നു. സംഭവത്തില് കേസെടുത്ത് അന്വേഷണം ആരംഭിച്ച പൊലീസ് പ്രതിയെ അറസ്റ്റ് ചെയ്യുകയായിരുന്നു. ചോദ്യം ചെയ്യലില് പ്രതി കുറ്റം സമ്മതിച്ചു. അറസ്റ്റ് ചെയ്ത പ്രതിയെ കോടതിയില് ഹാജരാക്കി റിമാന്ഡ് ചെയ്തു.
അതേസമയം, മലപ്പുറത്ത് മാനസിക വെല്ലുവിളി നേരിടുന്ന പ്ലസ് ടു വിദ്യാര്ത്ഥിനിയെ ഹോട്ടലില് കൊണ്ടുപോയി ബലാല്സംഗം ചെയ്തയാള് അറസ്റ്റില്. തിരൂര് വെട്ടം വാക്കാട് ആയപ്പള്ളി ഹനീഫയെയാണ് തിരൂര് സി ഐ എം ജെ ജിജോ അറസ്റ്റു ചെയ്തത്.
പെണ്കുട്ടിയുടെ മാതാപിതാക്കളുമായി പരിചയമുള്ള പ്രതി പെരുന്നാള് വസ്ത്രം എടുത്ത് കൊടുക്കാമെന്ന വ്യാജേന പരീക്ഷ കഴിഞ്ഞ് സ്ക്കൂളില് നിന്നും കുട്ടിയെവാഹനത്തില് കയറ്റി സ്വകാര്യ ലോഡ്ജില് കൊണ്ടുപോയി ബലാല്സംഗം ചെയ്യുകയുമായിരുന്നു.
പീഡനത്തെ തുടര്ന്ന് അവശയായ പെണ്കുട്ടി വീട്ടിലെത്തി വിവരം പറഞ്ഞതോടെയാണ് വീട്ടുകാര് ഇക്കാര്യം അറിഞ്ഞത്. തുടര്ന്ന് വീട്ടുകാര് സ്ക്കൂളിലെ അധ്യാപകരെ വിവരം അറിയിച്ചു. അധ്യാപകര് വീട്ടിലെത്തി പെണ്കുട്ടിയോട് വിവരങ്ങള് ആരായുകയും കൗണ്സിലിംഗ് നടത്തുകയും ചെയ്തു.
ഇതേ തുടര്ന്നാണ് പീഡന വിവരം പുറത്തുവന്നത്. പിന്നാലെ രക്ഷിതാക്കള് തിരൂര് പോലീസില് പരാതി നല്കി. സംഭവത്തില് കേസെടുത്ത പൊലീസ് ഹനീഫയെ അറസ്റ്റ് ചെയ്യുകയായിരുന്നു. പോക്സോ കോടതിയില് ഹാജരാക്കിയ പ്രതിയെ 14 ദിവസത്തേക്ക് റിമാന്ഡ് ചെയ്തു.
https://www.facebook.com/Malayalivartha
