കെ.എസ്.‍ആർ.ടി.സി എം.ഡി ബിജു പ്രഭാകറിന്റെ നെതർലാൻഡ്സ് യാത്രയുമായി ബന്ധപ്പെട്ട വിവാദങ്ങളിൽ പ്രതികരണവുമായി ഗതാഗത സെക്രട്ടറിയുടെ ഓഫീസ്. നെതർലാൻസിലെ ആംസ്റ്റർഡാമിൽ മേയ് 11, 12 തീയതികളിൽ അഞ്ചാമത് ഇന്റർനാഷണൽ കോൺഫറൻസായ ക്ലീൻ ബസ്സ് ഇൻ യൂറോപ്പിൽ ​ഗതാ​ഗത സെക്രട്ടറിയെന്ന നിലയിലാണ് ബിജു പ്രഭാകർ പങ്കെടുക്കുന്നതെന്നാണ് വിശദീകരിക്കുന്നത്. ഗതാ​ഗത വകുപ്പ് സെക്രട്ടറിക്ക് പുറമെ , ന​ഗരകാര്യ സെക്രട്ടറി, കെ.എസ്.ആർ.ടി.സി സി.എം.ഡി തുടങ്ങി അഞ്ചോളം അധിക ചുമതലകളും നിലവിൽ ബിജു പ്രഭാകർ വഹിക്കുന്നുണ്ട്.

ആംസ്റ്റർ ഡാമിൽ നടക്കുന്ന ഇന്റർനാഷണൽ കോൺഫറൻസിൽ പങ്കെടുക്കുന്നതിന് വേണ്ടി വിവിധ രാജ്യങ്ങളിൽ നിന്നുള്ള ​ഗതാഗത സെക്രട്ടറിമാർ, ​ട്രാൻസ്പോർട്ട് കമ്മീഷണർമാർ, പൊതുമേഖലയിൽ ഉള്ള സ്റ്റേറ്റ് ട്രാൻസ്പോർട്ട് കോർപ്പറേഷനുകളുടെ സി.ഇ.ഒമാർ തുടങ്ങിയവർക്ക് വളരെ നേരത്തെ തന്നെ ക്ഷണം ലഭിച്ചതുമാണ്.

സാധാരണ ഡെലി​ഗേറ്റിന് 1200 യൂറോയാണ് (ഏകദേശം 1,10,000 രൂപ) ഫീസ് എന്നാൽ, പ്രത്യേക ക്ഷണമുള്ള സർക്കാർ പ്രതിനിധികൾക്ക് ഡിസ്കൗണ്ട് ഫീസായ 475 യൂറോ ( ഏകദേശം 45,000) രൂപ നൽകിയാൽ മതി. ഇത് അനുസരിച്ച് ക്ഷണം ലഭിച്ചപ്പോൾ ​ഗതാ​ഗത / ന​ഗരകാര്യ സെക്രട്ടറി എന്ന നിലയിലാണ് സംസ്ഥാന സർക്കാർ കോൺഫറൻസിൽ പങ്കെടുക്കാൻ അനുവാദം നൽകിയത്.

കേരള ​ഗതാ​ഗത സെക്രട്ടറിയെക്കൂടാതെ ഇന്ത്യയിലെ അഞ്ച് സംസ്ഥാനങ്ങളിൽ നിന്നുള്ള ​ഗതാ​ഗത വകുപ്പിലേയും പൊതു മേഖലാ സ്ഥാപനങ്ങളിലേയും ഉദ്യോ​ഗസ്ഥർ പങ്കെടുക്കുമെന്ന് സംഘാടകർ അറിയിച്ചിട്ടുണ്ട്. ഹിമാചൽ‌ ആർ.ടി.സി വൈസ് ചെയർമാൻ ആൻഡ് എം.ഡി സന്ദീപ് കുമാർ , ഉത്തർപ്രദേശ് ആർ.ടി.സി എംഡി രാജേന്ദ്ര പ്രതാപ് സിം​ഗ് , പൂനെ മാഹാന​ഗർ പഹിവഹൻ മഹാമണ്ടൽ ലിമിറ്റഡ് ജോയിന്റ് എം.ഡി ഡോ. ചേതന കേരൂറെ , അസോസിയേഷൻ ഓഫ് സ്റ്റേറ്റ് റോഡ് ട്രാൻസ്പോർട്ട് അണ്ടർടേക്കിൻസ് ഡൽഹി അസി. ഡയറക്ടർ പ്രഭുൽ മഠ്, തെലുങ്കാനാ ഡെപ്യൂട്ടി ചീഫ് മെക്കാനിക്കൽ എ‍ൻജിനിയർ സന്തോഷ് കുമാർ പൊലാമല്ല എന്നിവരാണ് ഇന്ത്യയിൽ നിന്നും ഇതിനകം പങ്കെടുക്കാൻ തീരുമാനിച്ചിരിക്കുന്നത്.

​ഗതാ​ഗത രം​ഗത്ത് ലോകത്തിലെ ഏറ്റവും പുതിയ കണ്ടുപിടുത്തങ്ങളും മാറ്റങ്ങളും എന്താണെന്ന് മനസിലാക്കുന്നതിന് വേണ്ടിയാണ് രാജ്യത്തെ 5 സംസ്ഥാനങ്ങളിൽ നിന്നും ​ഗതാ​ഗത രം​ഗത്തെ പ്രമുഖർ ഇത്തരം കോൺഫറൻസുകളിൽ പങ്കെടുക്കുന്നത്. ന​ഗരകാര്യ സെക്രട്ടറി എന്ന നിലയിൽ അവിടത്തെ ന​ഗര കാര്യങ്ങളെക്കുറിച്ചും ഈ രം​ഗത്തുള്ളവരുമായി ആശയവിനിമയത്തിന് വേണ്ടിയുള്ള സാധ്യതയും ആരായും. ഇതിന് 100 ഡോളർ ( 7500 രൂപ )ഒരു ​ദിവസം നൽകുന്നത് 2017 ലെ , 5 വർഷം പഴക്കമുള്ള ഓർഡർ അനുസരിച്ചാണ്. ജി എ ഡിയിൽ നിന്നുള്ള തുക ഉപയോ​ഗിച്ചാണ് ഈ കോൺഫറൻസിൽ പങ്കെടുക്കുന്നതും. ​ഗതാ​ഗത സെക്രട്ടറിയുടെ ഓഫീസ് അറിയിച്ചു.