ഒരു ഉദ്യോഗസ്ഥന് സ്ഥലം മാറ്റം വന്നതുകൊണ്ട് അന്വേഷണത്തിന് ഒരു കോട്ടവും വരില്ല, തന്റെ സ്ഥലംമാറ്റത്തെച്ചൊല്ലിയുളള വിവാദം അനാവശ്യമെന്ന് എ.ഡി.ജി.പി എസ്. ശ്രീജിത്ത്. നടിയെ ആക്രമിച്ച കേസിലെ അന്വേഷണം ശക്തമായി മുന്നോട്ടുപോകും. അന്വേഷണസംഘം മാറിയിട്ടില്ല, ഒരാള്‍ മാറിയതുകൊണ്ട് ഒന്നും സംഭവിക്കില്ലെന്നും പ്രതികളും ഇക്കാര്യം മനസിലാക്കണമെന്നും എസ്.ശ്രീജിത്ത് ഗതാഗത കമ്മിഷണറായി.

ഒരു ഉദ്യോഗസ്ഥന് സ്ഥലം മാറ്റം വന്നതുകൊണ്ട് അന്വേഷണത്തിന് ഒരു കോട്ടവും വരില്ല. അന്വേഷണം ശക്തമായി തന്നെ മുന്നോട്ടുപോകുന്നുണ്ട്. സര്‍ക്കാര്‍ വളരെ ശക്തമായി തന്നെ അന്വേഷണത്തില്‍ നിലനില്‍ക്കുന്നുണ്ട്. അതുകൊണ്ട് തന്നെ സര്‍ക്കാര്‍ പിന്‍ന്തുണയോടെ അന്വേഷണം വളരെ ശക്തമായി തന്നെ മുന്നോട്ടുപോകും.

തുടരന്വേഷണം പ്രഖ്യാപിച്ചത് സര്‍ക്കാരാണ്. അന്വേഷണ സംഘത്തെ തീരുമാനിച്ചതും സര്‍ക്കാരാണ്. താന്‍ മാറുന്നത് അന്വേഷണത്തെ ബാധിക്കില്ലെന്നും ശ്രീജിത്ത് മാധ്യമങ്ങളോട് പറഞ്ഞു.

പോലീസില്‍ ആരും ഒറ്റയ്ക്ക് പണിയെടുക്കുന്നില്ല. നടിയെ ആക്രമിച്ച കേസില്‍ അന്വേഷണ സംഘത്തിന് ഒരു മാറ്റവുമില്ല. ഇക്കാര്യത്തിലെ അനാവശ്യ വിവാദം അവസാനിപ്പിക്കണം. ഡബ്യുസിസിയുടെ ആശങ്ക പരിഹരിക്കപ്പെടും. തുടരന്വേഷണത്തില്‍ ഡബ്യുസിസിക്ക് ഇക്കാര്യം ബോധ്യപ്പെടുമെന്നും ശ്രീജിത്ത് കൂട്ടിച്ചേര്‍ത്തു.