ജഡ്ജിയെ വിലയ്ക്ക് വാങ്ങാന് ദിലീപ് കൂട്ടിയാല് കൂടില്ല കോടതിയില് വമ്പന് ട്വിസ്റ്റ് ക്രൈംബ്രാഞ്ചിന് തിരിച്ചടി കോടതിയില് കിളി പോയി ക്രൈംബ്രാഞ്ച്
ദിലീപിന്റെ ഫോണില് കോടതി രേഖകള് കണ്ടെത്തിയത് സംബന്ധിച്ച് അന്വേഷണം നടത്താന് പോലീസിന് അധികാരമില്ലെന്ന് വിചാരണക്കോടതി. എന്ത് നിയമത്തിന്റെ അടിസ്ഥാനത്തിലാണ് പോലീസ് ഇക്കാര്യത്തില് അന്വേഷണം നടത്തുന്നതെന്നും ഇത് കോടതിയുടെ അധികാരപരിധിയില് വരുന്ന കാര്യമാണെന്നും കോടതി വ്യക്തമാക്കി. അതേസമയം, ദിലീപ് കോടതി ജീവനക്കാരെ സ്വാധീനിച്ചിട്ടുണ്ടോ എന്നത് അന്വേഷിക്കേണ്ടതല്ലേ എന്നതായിരുന്നു പ്രോസിക്യൂഷന്റെ ചോദ്യം.
നേരത്തെ ദിലീപിന്റെ മൊബൈല് ഫോണുകള് ശാസ്ത്രീയ പരിശോധനയ്ക്ക് വിധേയമാക്കിയപ്പോഴാണ് കോടതി രേഖകളടക്കം ഫോണില്നിന്ന് കണ്ടെത്തിയത്. ഇത് എങ്ങനെ ദിലീപിന്റെ കൈവശമെത്തി എന്നതാണ് ക്രൈംബ്രാഞ്ച് സംഘം അന്വേഷിക്കുന്നത്. ഇതിന്റെ ഭാഗമായി കോടതി ജീവനക്കാരെ അടക്കം ചോദ്യംചെയ്യേണ്ടതുണ്ടെന്നും അന്വേഷണസംഘം വ്യക്തമാക്കിയിരുന്നു. ജീവനക്കാരെ ചോദ്യംചെയ്യാനുള്ള അനുമതിക്കായി അന്വേഷണസംഘം കോടതിയെ സമീപിക്കുകയും ചെയ്തതോടെയാണ് ചോദ്യങ്ങളുമായി കോടതി എത്തിയത്.
കോടതിയിലെ എ ഡയറി രഹസ്യ രേഖയല്ല. ഏത് രഹസ്യ രേഖയാണ് ചോര്ന്നതെന്ന് വ്യക്തമാക്കണമെന്നുമായിരുന്നു പ്രോസിക്യൂഷനോട് കോടതി ആവശ്യപ്പെട്ടത്. ദിലീപിന്റെ ഫോണില് കോടതി രേഖകള് കണ്ടെത്തിയതെങ്ങനെയെന്നും പ്രോസിക്യൂഷന് ചോദിച്ചു.
എന്നാല് ദിലീപിന്റെ ഫോണില് കോടതി രേഖകള് കണ്ടെത്തിയതെങ്ങനെയെന്ന് അന്വേഷിക്കാന് പൊലീസിന് അധികാരമില്ല. എന്ത് നിയമത്തിന്റെ അടിസ്ഥാനത്തിലാണ് പൊലീസ് അന്വേഷിക്കുന്നതെന്ന് വിചാരണ കോടതി ചോദിച്ചു. ഇത് കോടതിയുടെ അധികാര പരിധിയിലുള്ള കാര്യമാണ്. ഇതില് ഇടപെടാന് അന്വേഷണ ഉദ്യോഗസ്ഥര്ക്ക് കഴിയില്ലെന്നും കോടതി ചൂണ്ടിക്കാട്ടി.
ദിലീപ് പല സാക്ഷികളെയും സ്വാധീനിച്ചതായി തുടരന്വേഷണത്തില് വ്യക്തമായതാണെന്ന് പ്രോസിക്യൂഷന് അറിയിച്ചു. അതില് കോടതി ജീവനക്കാരുണ്ടോയെന്ന് അന്വേഷിക്കണ്ടേയെന്നും പ്രോസിക്യൂഷന് ചോദിച്ചു.
അതേസമയം നടി ആക്രമിക്കപ്പെട്ട കേസില് കോടതി രേഖകള് ചോര്ന്നിട്ടുണ്ടെങ്കില് എത്രയും പെട്ടെന്ന് ശക്തമായ നടപടി സ്വീകരിക്കാന് വിചാരണ കോടതി തന്നെ തയ്യാറാകണമെന്ന് അഡ്വ അജകുമാര്. ജഡ്ജി എഴുതിയ രേഖകള് അതേപടി ഫോട്ടോ എടുത്ത് ആരെങ്കിലും പ്രതിക്ക് അയച്ച് കൊടുത്തിട്ടുണ്ടെങ്കില് അത് ഗുരതരമായ കുറ്റമാണ്. അത് കോടതിയുടെ നിഷ്കളങ്കതയേയും പവിത്രതയേയും നശിപ്പിക്കുന്ന കാര്യമാണെന്നും അജകുമാര് പറഞ്ഞു. റിപ്പോര്ട്ടര് ചാനല് ചര്ച്ചയില് സംസാരിക്കുകയായിരുന്നു അദ്ദേഹം. അജകുമാര് ചര്ച്ചയില് പറഞ്ഞത്
'ഏതെങ്കിലും കോപ്പികള് കോടതിയില് നിന്ന് വേണമെങ്കില് കോടതി ഉദ്യോഗസ്ഥന്റെ ഒപ്പും സീലും വെച്ച് രേഖകള് സര്ട്ടിഫൈ ചെയ്ത് തരും. ജഡ്ജി എഴുതിയ രേഖകള് അതേപടി ഫോട്ടോ എടുത്ത് ആരെങ്കിലും പ്രതിക്ക് അയച്ച് കൊടുത്തിട്ടുണ്ടെങ്കില് അത് ഗുരതരമായ കുറ്റമാണ്. അത് കോടതിയുടെ നിഷ്കളങ്കതയേയും പവിത്രതയേയും നശിപ്പിക്കുന്ന കാര്യമാണ്'.
'ഒരു സര്ട്ടിഫൈഡ് കോപ്പിക്ക് അപേക്ഷിച്ച് കഴിഞ്ഞാല് ആ അപേക്ഷ ജഡ്ജിയ്ക്ക് മുന്നില് എത്തും. അതിന് ശേഷം ജഡ്ജി അത് ഓഡര് ചെയ്യും. അതിന് അനുസരിച്ചാണ് സെക്ഷനില് നിന്നും രേഖകള് സര്ട്ടിഫൈ ചെയ്ത് ലഭിക്കുക. ഈ രേഖകള് ഫോട്ടോ എടുത്ത് കൊടുക്കണമെന്ന് പറയാന് കോടതിക്ക് യാതൊരു അവകാശവും ഇല്ല. അത്തരത്തില് അയച്ച് കൊടുക്കണമെന്ന് പറയണമെങ്കില് എന്തെങ്കിലും അവിഹിത ഇടപെടല് നടന്നിട്ടുണ്ടെന്ന് വേണം കരുതാന്'.
'അങ്ങനെ നടന്നിട്ടുണ്ടെങ്കില് അതാരാണ് നടത്തിയതെന്ന് വേണം ആദ്യം കണ്ടുപിടിക്കേണ്ടത്. ആ ബാധ്യത വിചാരണ കോടതിക്കാണ്. ഇക്കാര്യം അന്വേഷിക്കാന് അന്വേഷണ ഉദ്യോഗസ്ഥന് അധികാരവും അവകാശവും എന്താണെന്ന് കോടതി ചോദിക്കുമ്പോള് കോടതിയും സംശയത്തിന്റെ മുനയിലാണ്. ഇനി ഇക്കാര്യത്തില് നടപടി സ്വീകരിക്കേണ്ടത് ഹൈക്കോടതിയാണ്. അതിന് അന്വേഷണ ഉദ്യോഗസ്ഥരോ അതിജീവിതയോ ഹൈക്കോടതിയെ സമീപിക്കുകയും മുന്നിലുള്ള തടസങ്ങള് നീക്കി എത്രയും പെട്ടെന്ന് അന്വേഷണം മുന്നോട്ട് കൊണ്ടുപോകുകയോ ചെയ്യണം'.
'സാക്ഷികളെ അട്ടിമറിക്കാനും അവരെ സ്വാധീനിക്കാനും കൂറുമാറ്റാനും കോടതിയില് നിന്നും സഹായം കിട്ടിയിട്ടുണ്ടോ എന്ന് അന്വേഷിക്കേണ്ടത് അന്വേഷണത്തിന്റെ ഭാഗം തന്നെയാണ്. കോടതി നടപടികള് പൂര്ണമായും നിഷ്പക്ഷമായിരിക്കണം. വാദിക്കോ പ്രതിക്കോ പ്രത്യേക ആനുകൂല്യങ്ങള് ലഭിക്കാനോ പാടില്ല. അതുണ്ടായാല് കോടതിയുടെ സത്യസന്ധതയെ തന്നെ ഹനിക്കുന്ന നടപടിയാകും. നീതി ന്യായ നടത്തിപ്പിന്റെ ഇടയിലേക്കുള്ള കൈകടത്തലായും അതിനെ കണക്കാക്കപ്പെടും. കോടതി തന്നെയാണ് ഇക്കാര്യത്തില് കോടതി തന്നെയാണ് ശക്തമായ നടപടി സ്വീകരിക്കേണ്ടതെന്നും' അദ്ദേഹം പറഞ്ഞു.
https://www.facebook.com/Malayalivartha