കെ വി തോമസിനെതിരെ കടുത്ത നടപടി വേണമെന്ന നേതാക്കളുടെ ആവശ്യം തള്ളി... നടപടി ഔദ്യോഗികമായി അറിയിച്ചശേഷം പ്രതികരിക്കാമെന്ന് കെ.വി.തോമസ്
പാര്ട്ടി നേതൃത്വത്തിന്റെ എതിര്പ്പ് ലംഘിച്ച് സിപിഎം പാര്ട്ടി കോണ്ഗ്രസില് പങ്കെടുത്ത കെ വി തോമസിനെ പാര്ട്ടി പദവികളില് നിന്ന് നീക്കാന് ശുപാര്ശ ചെയ്ത് എഐസിസി അച്ചടക്ക സമിതി. കെ.വി.തോമസിനെ കെപിസിസി രാഷ്ട്രീയകാര്യ സമിതിയില് നിന്ന് നീക്കം ചെയ്യാനാണ് ശുപാര്ശ. കെപിസിസി എക്സിക്യൂട്ടീവില് നിന്ന് നീക്കണമെന്നും അച്ചടക്കസമിതി.
സംഘടനാ തിരഞ്ഞെടുപ്പ് വരുന്നതിനാല് എഐസിസി അംഗത്വം സാങ്കേതികമെന്നും വിശദീകരണം. കെ.പി.സി.സി. വിലക്ക് ലംഘിച്ച് സി.പി.എം പാര്ട്ടി കോണ്ഗ്രസില് പങ്കെടുത്ത കെ.വി.തോമസിനെ പാര്ട്ടി പദവികളില്നിന്ന് നീക്കംചെയ്യാന് അച്ചടക്ക സമിതി ശുപാര്ശ ചെയ്തിരുന്നു. എന്നാല് കടുത്ത നടപടിയെന്ന സംസ്ഥാന നേതൃത്വത്തിന്റെ ആവശ്യം നടപ്പായില്ല.
നടപടി ഔദ്യോഗികമായി അറിയിച്ചശേഷം പ്രതികരിക്കാമെന്ന് കെ.വി.തോമസ് പറഞ്ഞു.പാര്ട്ടിയെ ധിക്കരിച്ച കെ വി തോമസിനോട് വിട്ടു വീഴ്ചയില്ലാത്ത പ്രതികരണമാണ് കെപിസിസി അധ്യക്ഷന് കെ സുധാകരന് നടത്തിയത്. കെ വി തോമസിനെതിരെ കടുത്ത നടപടി വേണമെന്ന നേതാക്കളുടെ ആവര്ത്തിച്ചുള്ള ആവശ്യം പക്ഷെ അച്ചടക്ക സമിതി കേട്ടില്ല.
പദവികളില് നിന്ന് നീക്കം ചെയ്യാനും ഇനി വീഴ്ച ഉണ്ടാകരുതെന്ന് ചൂണ്ടിക്കാട്ടി കെ വി തോമസിനെ താക്കീത് ചെയ്യാനും തീരുമാനമായി. അതേസമയം കോണ്ഗ്രസുകാരനായി തുടരുമെന്ന് ആവര്ത്തിക്കുകയാണ് കെ വി തോമസ്. പ്രാഥമിക അംഗത്വത്തില് നിന്ന് പുറത്താക്കാത്തത് ആശ്വാസവും പാര്ട്ടിവേദികള് നഷ്ടപ്പെടുന്നത് ഒരേസമയം തിരിച്ചടിയുമാണ് കെ വി തോമസിന്.
കണ്ണൂരില് വെച്ചു നടന്ന 23ാം സിപിഎം പാര്ട്ടി കോണ്ഗ്രസിലാണ് കെ വി തോമസ് പങ്കെടുത്തത്. കെ വി തോമസിനു പുറമെ ശശി തരൂരിനും പാര്ട്ടി കോണ്ഗ്രസിന്റെ ഭാഗമായി സംഘടിപ്പിച്ച കേന്ദ്ര സംസ്ഥാന ബന്ധം എന്ന വിഷയത്തിലുള്ള സെമിനാറിലേയ്ക്ക് ക്ഷണമുണ്ടായിരുന്നു.
എന്നാല് സിപിഎം വേദിയിലെത്തുന്നത് കോണ്ഗ്രസ് ഹൈക്കമാന്ഡ് വിലക്കിയതോടെ ശശി തരൂര് പരിപാടിയില് നിന്ന് പിന്മാറി. എന്നാല് നിലപാടില് ഉറച്ചു നിന്ന കെ വി തോമസ് പരിപാടിയില് പങ്കെടുക്കുകയായിരുന്നു. ഇതോടെയാണ് കെപിസിസി അധ്യക്ഷന് കെ സുധാകരന് എഐസിസി അച്ചടക്ക സമിതിയ്ക്ക് കെ വി തോമസിനെതിരെ പരാതി നല്കിയത്.
https://www.facebook.com/Malayalivartha
