തിരുവനന്തപുരത്ത് വന് കഞ്ചാവ് വേട്ട..... 50 കിലോ കഞ്ചാവുമായി രണ്ട് പേര് പിടിയില്, വിഴിഞ്ഞത്ത് കാറില് കഞ്ചാവ് ഒളിപ്പിച്ച് കടത്തുന്നതിനിടെയാണ് പിടിയിലായത്
തിരുവനന്തപുരത്ത് വന് കഞ്ചാവ് വേട്ട..... 50 കിലോ കഞ്ചാവുമായി രണ്ട് പേര് പിടിയില്, വിഴിഞ്ഞത്ത് കാറില് കഞ്ചാവ് ഒളിപ്പിച്ച് കടത്തുന്നതിനിടെയാണ് സംഭവം.
ബീമാപള്ളി സ്വദേശികളായ ഫഗത്, സഹീര് എന്നിവരാണ് പിടിയിലായത്. സിറ്റി നാര്കോട്ടിക് ടീമിന്റെ നേതൃത്വത്തില് നടത്തിയ പരിശോധനയിലാണ് കഞ്ചാവ് കണ്ടെടുക്കുകയും ഇവര് പിടിയിലാവുകയും ചെയ്തത്.
മാത്രവുമല്ല ഇന്നലെയും തലസ്ഥാനത്ത് കഞ്ചാവ് വേട്ട നടന്നിരുന്നു. വാഹന പരിശോധനയ്ക്കിടെ രണ്ടു പേരെ കഞ്ചാവുമായി പോലീസ് പിടികൂടി .കടയ്ക്കാവൂര് ആനത്തലവട്ടം വിളയില് വീട്ടില് ജിത്തുലാല് (21) ആനത്തലവട്ടം വയ്യമ്പള്ളി വീട്ടില് കിരണ് ജോയ് (21) എന്നിവരാണ് പിടിയിലായത്. മോട്ടോര് സൈക്കിളില് കടത്തിയ രണ്ടു കിലോ ഇരുന്നൂറ് ഗ്രാം കഞ്ചാവാണ് പോലീസ് പിടികൂടിയത്.
അതേസമയം ബെംഗളൂരുവില് മലയാളികള് നടത്തിയ മോഷണമാണ് പുറത്താകുന്നത്. നഗരത്തില് സ്വകാര്യ ധനകാര്യ സ്ഥാപനത്തിന്റെ കാര് തടഞ്ഞുനിര്ത്തി ഒരു കോടി രൂപ കവര്ന്ന കേസില് 10 മലയാളികള് അറസ്റ്റിലായി.
തൃശൂര് സ്വദേശി പി.കെ.രാജീവ്, ചാലക്കുടി സ്വദേശികളായ വിഷ്ണുലാല്, ടി.സി.സനല്, എറണാകുളം മരട് സ്വദേശി അഖില്, നിലമ്പൂര് സ്വദേശികളായ ജസിന് ഫാരിസ്, സനഫ്, സമീര്, സൈനുലാബ്ദീന്, എ.പി.ഷെഫീഖ്, റംഷീദ് മുസ്താഫ് എന്നിവരെയാണ് മാദനായകനഹള്ളി പൊലീസ് അറസ്റ്റ് ചെയ്തത്. ഇവരില്നിന്ന് പത്തു ലക്ഷത്തോളം രൂപയും രണ്ടു കാറും ആയുധങ്ങളും പിടിച്ചെടുത്തു.
മാര്ച്ച് 11നു നൈസ് റോഡില് മാദനായകനഹള്ളിയില് വച്ചാണ് സംഭവം. ഹുബ്ബള്ളിയിലെ ബ്രാഞ്ചുകളില് നിന്നുള്ള പണവുമായി നാഗര്കോവിലിലേക്ക് പോവുകയായിരുന്ന സ്വകാര്യ ധനകാര്യ സ്ഥാപനത്തിന്റെ കാര് തടഞ്ഞ് ജീവനക്കാരെ ആക്രമിച്ച് പണം കവരുകയായിരുന്നു.
സംഭവത്തിന്റെ സിസിടിവി ദൃശ്യങ്ങള് പരിശോധിച്ച് നടത്തിയ അന്വേഷണത്തിലാണ് പ്രതികള് പിടിയിലായത്.
https://www.facebook.com/Malayalivartha
