അടിയന്തരമായി  കഴക്കൂട്ടം മുതല്‍ കേശവദാസപുരം വരെ ഉള്ള റോഡ് വികസിപ്പിക്കുന്നതിനു ആവശ്യമായ നടപടികള്‍ സര്‍ക്കാര്‍ തലത്തില്‍ സ്വീകരിക്കണമെന്നു സംസ്ഥാന മനുഷ്യാവകാശ കമ്മിഷന്‍ അധ്യക്ഷന്‍ ജസ്റ്റിസ് ജെ.ബി. കോശി പൊതുമരാമത്തു വകുപ്പിനു നിര്‍ദേശം നല്‍കി.

കഴക്കൂട്ടം മുതല്‍ കേശവദാസപുരം വരെയുള്ള റോഡ് 24 മീറ്റര്‍ വീതിയില്‍ വികസിപ്പിക്കുന്നതിനു നാട്പാക് തയാറാക്കിയ 548 കോടിയുടെ എസ്റ്റിമേറ്റ് സര്‍ക്കാരിനു സമര്‍പ്പിച്ചിട്ടുണ്ടെന്നു ദേശീയപാതാ എക്‌സിക്യൂട്ടീവ് എന്‍ജിനീയര്‍ സംസ്ഥാന മനുഷ്യാവകാശ കമ്മിഷനെ അറിയിച്ചു.
കഴക്കൂട്ടം മുതല്‍ കളിയിക്കാവിള വരെ നിലവിലുള്ള ദേശീയ പാതയ്ക്കു പകരമായി കഴക്കൂട്ടം മുതല്‍ കാരോട് വരെ ദേശീയ പാത ബൈപാസാണു വിഭാവനം ചെയ്തിരിക്കുന്നതെന്നു പൊതുമരാമത്തു വകുപ്പ് കമ്മിഷനില്‍ സമര്‍പ്പിച്ച വിശദീകരണത്തില്‍ പറയുന്നു.

അതിനാല്‍ നിലവിലുള്ള ദേശീയ പാതയായ കഴക്കൂട്ടം -കളിയിക്കാവിള സംസ്ഥാന സര്‍ക്കാര്‍ പദ്ധതിയായി മാത്രമേ നടപ്പിലാക്കാന്‍ കഴിയുകയുള്ളുവെന്നും വിശദീകരണത്തില്‍ പറയുന്നു.

കഴക്കൂട്ടം-കളിയിക്കാവിള ദേശീയ പാതയുടെ ഭാഗമാണു കഴക്കൂട്ടം-കേശവദാസപുരം റോഡ്. കഴക്കൂട്ടം മുതല്‍ ഉള്ളൂര്‍ വരെയുള്ള ഗതാഗതക്കുരുക്കു പരിഹരിക്കണമെന്ന് ആവശ്യപ്പെട്ടു പാങ്ങപ്പാറ ടി. ഉദയകുമാര്‍ സമര്‍പ്പിച്ച പരാതിയിലാണു നടപടി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha