പ്രായപൂർത്തിയാകാത്ത പെൺകുട്ടിയ്ക്ക് നേരെ ലൈം​ഗി​കാ​തി​ക്ര​മ​ത്തി​നു മു​തി​ർ​ന്ന യു​വാവ് അ​റ​സ്റ്റിൽ. വീ​ടി​നു സ​മീ​പ​ത്തെ വ​യ​ലി​ൽ​ നിന്ന് വെ​ള്ള​മെ​ടു​ത്തു തി​രി​കെ​വ​ന്ന പ​തി​ന​ഞ്ചു​കാ​രി​യെ വ​ഴി​യി​ൽ ത​ട​ഞ്ഞു​നി​ർ​ത്തി ലൈം​ഗി​കാ​തി​ക്ര​മ​ത്തി​നു ശ്രമിക്കുകയായിരുന്നു.

സംഭവത്തെ തുടർന്ന് ആ​റ​ന്മു​ള മ​ല്ല​പ്പു​ഴ​ശേ​രി നെ​ല്ലി​ക്കാ​ല ഊ​ട്ടു​പാ​റ പ്ലാ​ക്കൂ​ട്ട​ത്തി​ൽ മു​രു​പ്പേ​ൽ മോ​ഹ​ന​ന്‍റെ മ​ക​ൻ അ​നി​ലാ (അ​നു – 35) ണ് ​ആ​റ​ന്മു​ള പൊ​ലീ​സി​ന്‍റെ പി​ടി​യി​ലാ​യ​ത്. ശ​നി​യാ​ഴ്ച വൈ​കു​ന്നേ​ര​മാ​ണ് കേസിനാസ്പദമായ സം​ഭ​വം നടന്നത്.

സംഭവ ദിവസം പെ​ൺ​കു​ട്ടി വീ​ടി​ന് അ​ടു​ത്തു​ള്ള വ​യ​ലി​ൽ വെ​ള്ളം ശേ​ഖ​രി​ച്ചു തി​രി​ച്ചു​വ​രു​മ്പോ​ൾ പി​ന്തു​ട​ർ​ന്നെ​ത്തി​യ പ്ര​തി ത​ട​യു​ക​യാ​യി​രു​ന്നു. തുടർന്ന് വ​ഴി​യി​ൽ വ​ച്ച് ഇ​ഷ്ട​മാ​ണെ​ന്ന് പ​റ​ഞ്ഞു ​കൊ​ണ്ടു കൈ​കാ​ട്ടി വി​ളി​ക്കു​ക​യും ഉ​പ​ദ്ര​വി​ക്കാ​ൻ ശ്ര​മി​ക്കു​ക​യും​ ചെ​യ്തു. ഇതോടെ ഭ​യ​ന്നു​പോ​യ പെ​ൺ​കു​ട്ടി ബ​ഹ​ളം വെക്കുകയും ആയിരുന്നു. മാത്രമല്ല കു​ള​ത്തി​ൽ കു​ളി​ക്കാ​നെ​ത്തി​യ സ്ത്രീ​ക​ളെ ശ​ല്യം​ ചെ​യ്തെ​ന്നും പ​രാ​തി​യു​ണ്ട്. നാട്ടുകാർ വിവരമറിയിച്ചതിനെ തുടർന്ന് സ്ഥ​ല​ത്തെ​ത്തിയ പൊ​ലീ​സ് പെ​ൺ​കു​ട്ടി​യു​ടെ മൊ​ഴി രേ​ഖ​പ്പെ​ടു​ത്തി.

അതേസമയം പ​ത്ത​നം​തി​ട്ട ഡി​വൈ​എ​സ്പി എ​സ് ന​ന്ദ​കു​മാ​റി​ന്‍റെ നി​ർ​ദ്ദേ​ശാ​നു​സ​ര​ണം ആ​റ​ന്മു​ള പൊ​ലീ​സ് ഇ​ൻ​സ്‌​പെ​ക്ട​ർ സി.​കെ. മ​നോ​ജി​ന്‍റെ നേ​തൃ​ത്വ​ത്തി​ലു​ള്ള സം​ഘം, പ്ര​തി പ​ത്ത​നം​തി​ട്ട​യി​ലു​ണ്ടെ​ന്ന് അ​റി​ഞ്ഞ് ക​ണ്ണ​ങ്ക​ര​യി​ലെ ബാ​റി​നു മു​ന്നി​ൽ​നി​ന്ന് ഇ​ന്ന​ലെ രാ​വി​ലെ ക​സ്റ്റ​ഡി​യി​ൽ എ​ടു​ക്കു​ക​യാ​യി​രു​ന്നു. അ​ന്വേ​ഷ​ണ സം​ഘ​ത്തി​ൽ എ​സ്ഐ അ​നി​രു​ദ്ധ​ൻ, എ​സ്‌​സി​പി​ഒ​മാ​രാ​യ ജി​തി​ൻ, അ​ന​ന്ത കൃ​ഷ്ണ​ൻ, സു​ജ എ​ന്നി​വ​രും ഉ​ണ്ടാ​യി​രു​ന്നു. പ്രതിയെ കോടതിയിൽ ഹാജരാക്കി.