നിര്‍ത്തിയിട്ട ബസില്‍ നേരത്തെ കയറിയതിന് വനിതാ കണ്ടക്ടര്‍ യാത്രക്കാരെ അധിക്ഷേപിച്ച സംഭവത്തിൽ കെഎസ്ആർടിസി പ്രാ​ഥ​മി​ക അ​ന്വേ​ഷ​ണം പൂ​ർ​ത്തി​യാ​ക്കി. കണ്ടക്ടർക്കെതിരെ കെഎസ്ആർടിസി ഇന്ന് നടപടി സ്വീകരിച്ചേക്കും. സം​ഭ​വ​ത്തി​ൽ ചി​റ​യി​ൻ​കീ​ഴ് പൊ​ലീ​സ് ജി.ഡി റി​പ്പോ​ർട്ട് ത​യാ​റാ​ക്കി. കെഎ​സ്ആ​ർടി​സി ആ​സ്ഥാ​ന​ത്തു​നി​ന്ന്​ ആ​വ​ശ്യ​പ്പെ​ട്ട​ത​നു​സ​രി​ച്ച് ഇ​ൻ​സ്പെ​ക്ട​ർ ത​ല​ത്തി​ലു​ള്ള ഉ​ദ്യോ​ഗ​സ്ഥ​രാ​ണ്​ സം​ഭ​വ​ത്തെ​ക്കു​റി​ച്ച്​ അ​ന്വേ​ഷി​ച്ച്​ റി​പ്പോ​ർ​ട്ട്​ ന​ൽ​കി​യ​ത്.

ആറ്റിങ്ങലില്‍ നിന്നും ചിറയിന്‍കീഴ് വഴി മെഡിക്കല്‍ കോളേജിലേക്ക് പോയ കെഎസ്ആര്‍ടിസി ബസിലെ കണ്ടക്ടര്‍ ഷീബയാണ് യാത്രക്കാരോട് മോശമായി പെരുമാറിയത്. ആ​രോ​പ​ണ​വി​ധേ​യ​യാ​യ കണ്ടക്ടറു​ടെ ആ​രോ​ഗ്യ പ്ര​ശ്ന​ങ്ങ​ളും ചി​റ​യി​ൻ​കീ​ഴി​ൽ പ്രാ​ഥ​മി​ക ആ​വ​ശ്യ​ങ്ങ​ൾ​ക്കു​പോ​ലും സൗ​ക​ര്യ​മി​ല്ലാ​ത്ത അ​വ​സ്ഥ​യും യാ​ത്ര​ക്കാ​രി​ൽ ചി​ല​ർ പ്ര​കോ​പ​നം സൃ​ഷ്ടി​ച്ചതും സം​ഭ​വ​ത്തി​ന് കാ​ര​ണ​മാ​യി​ട്ടു​ണ്ടെ​ന്ന് ഇ​ത​ര ജീ​വ​ന​ക്കാ​ർ പറഞ്ഞു.

കഴിഞ്ഞ ശനിയാഴ്ച ഉച്ചയോടെ ചിറയിന്‍കീഴ് ബസ് സ്റ്റാന്‍ഡിലായിരുന്നു സംഭവം. തിരുവനന്തപുരത്തേക്ക് പോകാനുള്ള ബസ് സ്റ്റാന്‍ഡില്‍ എത്തിയതോടെയാണ് തൊഴിലുറപ്പ് തൊഴിലാളികളായ സ്ത്രീകള്‍ അടക്കമുള്ള യാത്രക്കാര്‍ ബസില്‍ കയറിയത്.

എന്നാല്‍ തനിക്ക് ബസിലിരുന്ന് ഭക്ഷണം കഴിക്കണമെന്നും എല്ലാവരും ഇറങ്ങിപ്പോകണമെന്നുമായിരുന്നു വനിതാ കണ്ടക്ടറുടെ ആവശ്യം. പുറത്ത് നല്ല വെയിലാണെന്നും താങ്കള്‍ ഒരു സീറ്റിലിരുന്ന് ഭക്ഷണം കഴിച്ചോളൂവെന്നും യാത്രക്കാര്‍ പറഞ്ഞിട്ടും കണ്ടക്ടര്‍ വഴങ്ങിയില്ല. ഇതിനുപിന്നാലെയാണ് സ്ത്രീകള്‍ അടക്കമുള്ള യാത്രക്കാര്‍ക്ക് നേരേ വനിതാ കണ്ടക്ടര്‍ അസഭ്യവര്‍ഷം നടത്തിയത്. ഇതിന്റെ വീഡിയോ ഉൾപ്പെടെ പുറത്തുവന്നിരുന്നു.