ലക്ഷണങ്ങള് അവഗണിക്കരുത്, ലക്ഷണങ്ങളുള്ളവരോട് ഇടപഴകരുത്....സംസ്ഥാനത്ത് കോവിഡ് കേസുകള് കുറവാണെങ്കിലും പ്രതിരോധ പ്രവര്ത്തനങ്ങള് ഊര്ജിതമാക്കുമെന്ന് മുഖ്യമന്ത്രി
ലക്ഷണങ്ങള് അവഗണിക്കരുത്. ലക്ഷണങ്ങളുള്ളവരോട് ഇടപഴകരുത്....സംസ്ഥാനത്ത് കോവിഡ് കേസുകള് കുറവാണെങ്കിലും പ്രതിരോധ പ്രവര്ത്തനങ്ങള് ഊര്ജിതമാക്കുമെന്ന് മുഖ്യമന്ത്രി
മറ്റുരാജ്യങ്ങളില് കോവിഡ് വര്ധിച്ചുവരുന്നതിനാലാണ് സംസ്ഥാനത്തും പ്രതിരോധ പ്രവര്ത്തനങ്ങള് ഊര്ജിതമാക്കുന്നത്. കോവിഡ് ബാധിക്കാതിരിക്കാനായി പ്രത്യേകം ശ്രദ്ധിക്കണമെന്നും ജാഗ്രത കൈവിടരുതെന്നും മുന്നറിയിപ്പ് നല്കി മുഖ്യമന്ത്രി.
പഠിച്ച പാഠങ്ങള് മറക്കരുത്. ലക്ഷണങ്ങള് അവഗണിക്കരുത്. ലക്ഷണങ്ങളുള്ളവരോട് ഇടപഴകരുതെന്നും മുഖ്യമന്ത്രി പറഞ്ഞു. ആരോഗ്യമന്ത്രി വീണാ ജോര്ജിന്റെ നേതൃത്വത്തില് പ്രത്യേക യോഗം ചേര്ന്നു. കോവിഡ് വ്യാപനത്തില് കൂടുതല് ജാഗ്രത വേണമെന്ന് കേന്ദ്ര ആരോഗ്യമന്ത്രാലയം നിര്ദേശിച്ചതായി ആരോഗ്യമന്ത്രി വീണാ ജോര്ജ് വ്യക്തമാക്കി.സംസ്ഥാനത്ത് നിലവില് കോവിഡ് കേസുകളില് വര്ധനയില്ല. രണ്ടുവര്ഷക്കാലയളവില് ഏറ്റവും കുറവ് ആളുകളാണ് ഇപ്പോള് സംസ്ഥാനത്ത് കോവിഡ് ബാധിച്ച് ആശുപത്രിയില് അഡ്മിറ്റാകുന്നത്.
അതേസമയം കോവിഡ് കേസുകളില് വര്ധനയുണ്ടാകുന്നുണ്ടോ എന്ന് ആരോഗ്യ വകുപ്പ് സസൂക്ഷ്മം നിരീക്ഷിച്ചു വരികയാണെന്നും മന്ത്രി പറഞ്ഞു. മറ്റ് രാജ്യങ്ങളില് കോവിഡ് വര്ധിച്ചു വരുന്ന സാഹചര്യത്തില് എല്ലാ ജില്ലകള്ക്കും ജാഗ്രതാ നിര്ദേശം നല്കിയതായി ആരോഗ്യ വകുപ്പ് മന്ത്രി വീണാ ജോര്ജ്.
സംസ്ഥാനത്ത് കോവിഡ് കേസുകള് വളരെ കുറവാണ്. ഡിസംബര് മാസത്തില് ആകെ 1431 കേസുകള് മാത്രമാണ് ഉണ്ടായിട്ടുള്ളത്. ആശുപത്രികളില് ചികിത്സയിലുള്ള രോഗികളും വളരെ കുറവാണ്. പുതിയ കോവിഡ് വകഭേദത്തിന് വ്യാപന ശേഷി കൂടുതലാണ്. അതിനാല് തന്നെ ജാഗ്രത വേണം. എല്ലാ ജില്ലകളും പ്രതിരോധ പ്രവര്ത്തനങ്ങളും നിരീക്ഷണവും ശക്തമാക്കാനും മന്ത്രി നിര്ദേശം നല്കി. മന്ത്രിയുടെ നേതൃത്വത്തില് നടന്ന സ്റ്റേറ്റ് റാപ്പിഡ് റെസ്പോണ്സ് ടീം യോഗത്തിലാണ് നിര്ദേശം നല്കിയത്.
" f
https://www.facebook.com/Malayalivartha
