പാതയോരങ്ങളില് അനധികൃത ഫ്ളക്സ് ബോര്ഡുകള് സ്ഥാപിച്ചത് സംബന്ധിച്ച ഹര്ജി ഇന്ന് ഹൈക്കോടതി പരിഗണനയില്
പാതയോരങ്ങളില് അനധികൃത ഫ്ളക്സ് ബോര്ഡുകള് സ്ഥാപിച്ചത് സംബന്ധിച്ച ഹര്ജി ഇന്ന് ഹൈക്കോടതി പരിഗണനയില്. പല തവണ നിര്ദേശിച്ചിട്ടും ഫ്ളക്സ് ബോര്ഡുകള് നീക്കം ചെയ്യാത്തതില് ഹൈക്കോടതിയുടെ സിംഗിള് ബെഞ്ച് കടുത്ത് അതൃപ്തി രേഖപ്പെടുത്തിയിരുന്നു. ക്ഷമ ദൗര്ബല്യമായി കാണരുതെന്ന് ഹൈക്കോടതി മുന്നറിയിപ്പും നല്കി.
അനധികൃത ഫ്ലക്സ് ബോര്ഡുകള് നീക്കം ചെയ്യുന്നതിനായി കാര്യക്ഷമമായ നടപടികള് സ്വീകരിക്കാത്തതില് സംസ്ഥാന സര്ക്കാരിനെ ഹൈക്കോടതി രൂക്ഷമായി വിമര്ശിച്ചിട്ടുണ്ടായിരുന്നു. ഫ്ളക്സ് ബോര്ഡുകള് നീക്കം ചെയ്യാന് സര്ക്കാരിന് ഉദ്ദേശമില്ലേ എന്ന് കോടതി ചോദിച്ചു.
നിലവില് അനധികൃത ബോര്ഡുകളുടെ എണ്ണത്തില് വര്ദ്ധനവാണ് പ്രകടമാകുന്നതെന്നും ഹൈക്കോടതി നിരീക്ഷിച്ചിരുന്നു. ജനജീവിതം അപകടത്തില്പ്പെടുത്തുന്ന ഫ്ളക്സ് ബോര്ഡുകള് പാതയോരങ്ങളില് നിന്ന് നീക്കണമെന്ന് നഗരസഭാ സെക്രട്ടറിമാരെ വിളിച്ചുവരുത്തി കോടതി അറിയിച്ചിട്ടുണ്ടായിരുന്നു.
എന്നാല് ഈ വിഷയത്തില് സര്ക്കാര് തുടര്ന്നും അലംഭാവം കാണിച്ചതാണ് കോടതി കര്ശന താക്കീത് നല്കുന്നതിലേയ്ക്ക് നയിച്ചത്. വിഷയത്തില് സത്യവാങ്മൂലം സമര്പ്പിക്കാത്തതിന് വ്യവസായ സെക്രട്ടറിയ്ക്കെതിരെയും കോടതി വിമര്ശനമുന്നയിച്ചു.
എന്നാല് നീക്കം ചെയ്യുന്ന ബോര്ഡുകളുടെ സ്ഥാനത്ത് പുതിയ ബോര്ഡുകള് സ്ഥാപിക്കപ്പെടുന്നതാണ് പ്രശ്നത്തിന് കാരണമെന്ന് തിരുവനന്തപുരം കോര്പ്പറേഷന് സെക്രട്ടറി കോടതിയെ അറിയിച്ചിട്ടുണ്ടായിരുന്നു.
"
https://www.facebook.com/Malayalivartha
