തുര്‍ക്കിയിലെയും സിറിയയിലും ദുരന്തം സമാനതകളില്ലാത്തത്... അപകടത്തില്‍ മരണമടഞ്ഞവര്‍ക്ക് കേരള നിയമസഭയുടെ ആദരാഞ്ജലി അര്‍പ്പിക്കുന്നതായും മുഖ്യമന്ത്രി പിണറായി വിജയന്‍... തുര്‍ക്കിയിലും സിറിയയിലും സര്‍ക്കാര്‍ സഹായമെത്തിക്കുമെന്നും അദ്ദേഹം അറിയിച്ചു.

അതേസമയം, ഇരുരാജ്യങ്ങളിലുമായി ഭൂചലനത്തില്‍ ഇതുവരെ 7,900ലധികം ആളുകള്‍ മരിച്ചെന്നാണ് റിപ്പോര്‍ട്ടുകളുള്ളത്. മരണസംഖ്യ ഇനിയും കുതിച്ചുയരുമെന്ന് ലോകാരോഗ്യ സംഘടന . 20,000 പേര്‍ മരിച്ചിട്ടുണ്ടാകാമെന്നാണ് ലോകാരോഗ്യ സംഘടന കണക്കുകൂട്ടുന്നത്.

തകര്‍ന്നടിഞ്ഞ ആയിരക്കണക്കിനു കെട്ടിടങ്ങളില്‍ നിന്ന് ആളുകളെ രക്ഷപ്പെടുത്താനുള്ള ദൗത്യം പുരോഗമിക്കുന്നു. തുര്‍ക്കിയിലും സിറിയയിലുമായി പത്തുലക്ഷം കുട്ടികളടക്കം 2.3 കോടി ജനങ്ങളാണ് ഭൂകമ്പത്തിന്റെ കെടുതികള്‍ നേരിടുന്നതെന്ന് ലോകാരോഗ്യ സംഘടന .