ഇന്ന് ജീവിച്ചിരിക്കുന്നവയിൽ ഏറ്റവും പ്രായം കൂടിയ നായ മാത്രമല്ല ബോബി, ലോകത്തിൽ ഇതുവരെ ഉണ്ടായിട്ടുള്ളതിൽ വച്ച് ഏറ്റവും പ്രായം കൂടിയ നായ കൂടിയാണ് ബോബി എന്നാണ് ഗിന്നസ് വേൾഡ് റെക്കോർഡ്സ് പറയുന്നത്. റഫീറോ ഡോ അലന്റേജോ ഇനത്തിൽപ്പെട്ട നായയാണിത്. പോർച്ചുഗലിന്റെ പടിഞ്ഞാറൻ തീരത്തിനടുത്തുള്ള ലീറിയയിലെ കോൺക്വീറോസ് ഗ്രാമത്തിലെ കോസ്റ്റ കുടുംബത്തിന്റെ നായയാണ് ബോബി. ജനിച്ചത് മുതൽ ബോബി ഇവർക്കൊപ്പം ആണ് താമസം. മൂന്ന് സഹോദരങ്ങൾക്കൊപ്പം ഒരു ഔട്ട്ബിൽഡിംഗിൽ ആണ് ബോബി ജനിച്ചത് . അന്ന് എട്ട് വയസ്സുണ്ടായിരുന്ന ലയണൽ കോസ്റ്റ പറയുന്നത് അച്ഛനും അമ്മയ്ക്കും ധാരാളം വളർത്തു മൃഗങ്ങൾ ഉണ്ടായിരുന്നതിനാൽ ബോബി ഒഴിച്ചുള്ള മൂന്നു കുട്ടികളെ ആരൊക്കെയോ എടുത്തുകൊണ്ടു പോയി എന്നാണു . എന്നാൽ ബോബിയെ ലയണൽ കോസ്റ്റയും സഹോദരന്മാരും ചേർന്ന് ഒളിപ്പിച്ചു വെച്ചു ..

പിനീട് കുറെ കഴിഞ്ഞാണ് ബോബിയെ വീട്ടുകാർ കണ്ടെത്തിയത് , അപ്പോഴേയ്ക്കും അവൻ കുട്ടികളായിരുന്നു ലയണൽ കോസ്റ്റയോടും സഹോദരന്മാരോടും ഏറെ അടുത്ത് കഴിഞ്ഞിരുന്നു ..പതുക്കെ അവൻ കോസ്റ്റ കുടുംബത്തിലെ അംഗമായി മാറി . ഡോഗ് ഫുഡിനെക്കാൾ വീട്ടുകാർ കഴിക്കുന്ന അതെ ഭക്ഷണമാണ് ബോബിയ്ക്ക് ഏറെ പ്രിയം ,അതുകൊണ്ട് എരിവും ഉപ്പുമൊക്കെ കഴുകി കളഞ്ഞതിനു ശേഷമാണ് ബോബിയ്ക്ക് കൊടുക്കുന്നത് .

2018-ൽ ശ്വാസതടസ്സം മൂലം പെട്ടെന്ന് കുഴഞ്ഞുവീണ് ആശുപത്രിയിൽ പ്രവേശിപ്പിക്കേണ്ടി വന്നതൊഴിച്ചാൽ കാര്യമായ ആരോഗ്യ പ്രശ്നങ്ങളൊന്നും ബോബിയെ അലട്ടിയിട്ടില്ല. ബോബി താരതമ്യേന പ്രശ്‌നരഹിതമായ ജീവിതം ആസ്വദിച്ചുവെന്നും തന്റെ ദീർഘായുസിന്റെ രഹസ്യം അവൻ ജീവിക്കുന്ന "ശാന്തവും സമാധാനപരവുമായ അന്തരീക്ഷമാണ്" എന്നും വിശ്വസിക്കുന്നതായി കോസ്റ്റ പറയുന്നു. ഇപ്പോൾ നടക്കാൻ
കുറച്ചു ബുദ്ധിമുട്ടുണ്ട് .. കാഴ്ചശക്തിയും കുറഞ്ഞു . ബോബിയുടെ 'അമ്മ പതിനെട്ട് വയസ്സുവരെ ജീവിച്ചരുന്നു

ഗിന്നസ് വേൾഡ് റെക്കോർഡ് സ്‌പൈക്ക് ദി ചിഹുവാഹുവ എന്ന 23 വയസ്സുള്ള നായയെ ജീവിച്ചിരിക്കുന്ന ഏറ്റവും പ്രായം കൂടിയ നായയായി ഗിന്നസ് വേൾഡ് റെക്കോർഡിൽ ചേർത്തിരുന്നു ..ഇതിനു രണ്ടാഴ്‌ചയ്‌ക്കുള്ളിലാണ് ബോബിയെ കുറിച്ച് അറിയുന്നതും എക്കാലത്തെയും പ്രായം കൂടിയ നായയായി കിരീടമണിയിച്ചതുംഗിന്നസ് അതിന്റെ റെക്കോർഡുകൾ അപ്‌ഡേറ്റ് ചെയ്ത് ബോബിയെ ഇതുവരെ ജീവിച്ചിരുന്നതിൽ വെച്ചേറ്റവും ഏറ്റവും പഴയ പ്രായം കൂടിയ നായയായി പ്രഖ്യാപിച്ചിരിക്കുകയാണ്

ഇതിനു മുൻപ് ലോകത്തിലെ എക്കാലത്തെയും പ്രായം കൂടിയ നായ എന്ന റെക്കോർഡ് ഓസ്‌ട്രേലിയൻ നായ ബ്ലൂയിയുടെ (1910-1939) പേരിലായിരുന്നു. 29 വയസ്സും 5 മാസവും ആയിരുന്നു ബ്ലൂയിയുടെ പ്രായം. ഫെബ്രുവരി 1-ന്, ബോബിക്ക് 30 വയസ്സും 226 ദിവസവും പ്രായമായി . പ്രായത്തിനനുസരിച്ച് ഉള്ള ചെറിയ പ്രശ്നങ്ങൾ ഒഴിച്ചാൽ ബോബി ഇപ്പോഴും ഉന്മേഷവാനാണ്

റഫീറോ ഡോ അലന്റേജോ ഇനത്തിൽപ്പെട്ട നായകൾക്ക് പൊതുവെ 12 മുതൽ 14 വർഷം വരെയാണ് ശരാശരി ആയുർദൈർഘ്യമുണ്ടാകാറുള്ളത് . നൂറ്റാണ്ട് പഴക്കമുള്ള റെക്കോർഡാണ് ബോബി ഇപ്പോൾ തകർത്തിരിക്കുന്നത്. പോർച്ചുഗീസ് ഗവൺമെന്‍റും വളർത്തുമൃഗങ്ങളുടെ ഡാറ്റാബേസായ എസ്ഐഎസിയും ബോബിയുടെ പ്രായം പരിശോധിച്ച് സ്ഥിരീകരിച്ചിട്ടുണ്ട്.

ലിയോണൽ കോസ്റ്റ എന്ന 38 -കാരനാണ് ഇപ്പോൾ ബോബിയുടെ ഉടമസ്ഥൻ. കഴിഞ്ഞ 30 വർഷമായി അവരുടെ വിശ്വസ്തനായ നായയാണ് ബോബി. ഇപ്പോൾ പ്രായത്തിന്റേതായ ബുദ്ധിമുട്ടുകൾ ബോബിയെ അലട്ടി തുടങ്ങി എന്നാണ് കോസ്റ്റ കുടുംബാംഗങ്ങൾ പറയുന്നത്. കണ്ണുകൾക്ക് കാഴ്ചശക്തി കുറഞ്ഞതായും നടക്കാൻ ബുദ്ധിമുട്ട് അനുഭവപ്പെട്ടു തുടങ്ങിയതായും ലിയോണൽ പറയുന്നു. ഇപ്പോൾ കൂടുതൽ സമയം ബോബി വിശ്രമത്തിനായാണ് മാറ്റിവയ്ക്കുന്നതെന്നും അദ്ദേഹം പറയുന്നു.