കെപിസിസി 138 ചലഞ്ച് " ആരംഭിച്ച് 48 മണിക്കൂര്‍ പൂർത്തിയാകുന്നതിന് മുൻപ് തന്നെ 50 പേരെന്ന നിശ്ചിത ലക്ഷ്യം പൂര്‍ത്തീകരിച്ച കൊല്ലം ജില്ലയിലെ കുന്നത്തൂര്‍ അസംബ്ലിയിലെ ശാസ്താംകോട്ട വെസ്റ്റ് മണ്ഡലത്തിലെ 83-ാം നമ്പർ ബൂത്തുകമ്മിറ്റിയിലുള്ള കോണ്‍ഗ്രസ് പ്രവര്‍ത്തകരുടെ പാര്‍ട്ടിയോടുള്ള ആത്മാര്‍ത്ഥതയ്ക്ക് ഹൃദയം നിറഞ്ഞ കൈയ്യടി. നിർണായകമായ കുറിപ്പ് പങ്കു വച്ച് കെ സുധാകരൻ എം പി . അദ്ദേഹത്തിന്റെ ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;

കെപിസിസി 138 ചലഞ്ച് " ആരംഭിച്ച് 48 മണിക്കൂര്‍ പൂർത്തിയാകുന്നതിന് മുൻപ് തന്നെ 50 പേരെന്ന നിശ്ചിത ലക്ഷ്യം പൂര്‍ത്തീകരിച്ച കൊല്ലം ജില്ലയിലെ കുന്നത്തൂര്‍ അസംബ്ലിയിലെ ശാസ്താംകോട്ട വെസ്റ്റ് മണ്ഡലത്തിലെ 83-ാം നമ്പർ ബൂത്തുകമ്മിറ്റിയിലുള്ള കോണ്‍ഗ്രസ് പ്രവര്‍ത്തകരുടെ പാര്‍ട്ടിയോടുള്ള ആത്മാര്‍ത്ഥതയ്ക്ക് ഹൃദയം നിറഞ്ഞ കൈയ്യടി.

കുറഞ്ഞത് 50 വ്യക്തികളില്‍ നിന്ന് 138 രൂപ ചലഞ്ചിലേക്ക് സംഭാവന സ്വീകരിക്കണമെന്നാണ് ഓരോ ബൂത്തിനും കെപിസിസി നല്‍കിയ നിര്‍ദ്ദേശം. എന്നാല്‍ ആ ലക്ഷ്യം ചുരുങ്ങിയ സമയം കൊണ്ട് നേടിയ ശാസ്താംകോട്ട വെസ്റ്റ് മണ്ഡലത്തിലെ 83-ാം നമ്പർ ബൂത്ത് കേരളമൊട്ടാകെയുള്ള മറ്റു കോണ്‍ഗ്രസ് പ്രവര്‍ത്തകര്‍ക്ക് അനുകരണീയ മാതൃകയാണ്.

നിശ്ചിത ലക്ഷ്യമെന്നതിന് അപ്പുറം ഓരോ ബൂത്തിലും പരമാവധി പൊതുജനങ്ങളെയും കോണ്‍ഗ്രസ് അനുഭാവികളെയും 138 ചലഞ്ചില്‍ പങ്കാളികളാക്കാനും ഫാഷിസ്റ്റ് വിരുദ്ധ പോരാട്ടത്തിലെ കോണ്‍ഗ്രസിന്റെ സന്ദേശം ഓരോ വീടും സന്ദര്‍ശിച്ച് എത്തിക്കാനും കോണ്‍ഗ്രസ് പ്രവര്‍ത്തകര്‍ പ്രത്യേകം താല്‍പ്പര്യമെടുക്കണം.

കോണ്‍ഗ്രസിന്റെ മറ്റുഘടകങ്ങള്‍ക്ക് പ്രചോദനമാകുന്ന അഭിമാനകരമായ നേട്ടത്തിന് നേതൃത്വം നല്‍കിയ ശാസ്താംകോട്ട ബ്ലോക്ക് കോണ്‍ഗ്രസ് കമ്മിറ്റി പ്രസിഡന്റ് ശ്രീ. തുണ്ടില്‍ നൗഷാദിനും സഹപ്രവര്‍ത്തകര്‍ക്കും കെപിസിസിയുടെ അഭിവാദ്യങ്ങള്‍.