കേരളത്തില്‍ സ്വര്‍ണവിലയില്‍ നേരിയ വര്‍ധനവ്.. ഗ്രാമിന് പത്ത് രൂപയുടേയും പവന് 80 രൂപയുടേയും വര്‍ധനവാണ് ഇന്ന് രേഖപ്പെടുത്തിയത്. ഗ്രാമിന്റെ വില 13,130 രൂപയായാണ് വർദ്ധിച്ചത്. പവന്റെ വില 1,05,040 രൂപയായും വര്‍ദ്ധിച്ചു. 18 കാരറ്റ് സ്വര്‍ണത്തിന്റെ വിലയിലും വര്‍ദ്ധനയുണ്ടായിട്ടുണ്ട്. 10 രൂപ തന്നെയാണ് 18 കാരറ്റ് സ്വര്‍ണത്തിനും വര്‍ദ്ധിച്ചത്. 18 കാരറ്റ് സ്വര്‍ണത്തിന് ഗ്രാമിന് 10,795 രൂപയും 86, 360 രൂപയും വർദ്ധിച്ചു.

അതേസമയം രാജ്യാന്തര വിപണിയില്‍ സ്വര്‍ണവിലയിൽ ഇന്നും ഇടിവുണ്ടായി. ഈ ആഴ്ചയിലെ ഏറ്റവും കുറഞ്ഞ നിരക്കിലാണ് സ്വര്‍ണത്തിന്റെ വ്യാപാരം. 0.4 ശതമാനം നഷ്ടത്തോടെ ഔണ്‍സിന് 4,060 ഡോളറിലാണ് സ്വര്‍ണത്തിന്റെ രാജ്യാന്ത വിപണിയിലെ വ്യാപാരം.