വിരമിക്കാറായപ്പോള് ബി സന്ധ്യയും വാ തുറന്നു;അഗ്നിരക്ഷാ സേനയുടെ നിര്ദേശങ്ങള് വിവിധ വകുപ്പുകള് നടപ്പിലാക്കുന്നില്ല,അധികാരത്തിലിരുന്നപ്പോള് ഒന്നും പറയണ്ടായിരുന്നു,ബഹ്റയ്ക്കും വിരമിച്ചപ്പോഴാണ് നാവിന് ബലം കിട്ടിയത്,സന്ധ്യ നടത്തിയ ചില പ്രസ്താവനകള് ചര്ച്ചയാകുന്നു
അഗ്നിരക്ഷാ സേനയുടെ നിര്ദേശങ്ങള് വിവിധ വകുപ്പുകള് നടപ്പിലാക്കുന്നില്ല. രൂക്ഷ വിമര്ശനവുമായ് ഫയര്ഫോഴ്സ് മേധാവി ബി സന്ധ്യ. കൃത്യമായ ഫയര് ഓഡിറ്റുകള് നടത്താറുണ്ടെങ്കിലും നിര്ദേശങ്ങള് നടപ്പാക്കപ്പെടുന്നില്ലെന്നാണ് വിമര്ശനം. ബുധനാഴ്ച സര്വീസില് നിന്ന് വിരമിക്കുന്നതിന് മുന്നോടിയായി അഗ്നിരക്ഷാ സേന നല്കിയ യാത്രയയപ്പ് ചടങ്ങില് സംസാരിക്കുമ്പോഴായിരുന്നു സന്ധ്യയുടെ വെളിപ്പെടുത്തല്. വിരമിക്കാറാകുമ്പോള് മാത്രമേ ഉദ്യോഗസ്ഥര്ക്കൊക്കെ സത്യം വെളിപ്പെടുത്താന് തോന്നാറുള്ളു. ബഹ്റയെ കണ്ടില്ലെ വിരമിച്ചപ്പോഴായിരുന്നു അദ്ദേഹവും കേരളം അപകടത്തിലാണെന്ന വലിയ സത്യം വെളിപ്പെടുത്തിയത്. അധികാര കസേരയില് ഇരുന്നപ്പോള് ഇവര്ക്കൊന്നും ഒന്നും പറയാനുമില്ല നടപടി എടുക്കാനും വയ്യായിരുന്നു.
വീഴ്ചകള് വരുത്തുന്നത് വലിയ ദുരന്തങ്ങള്ക്ക് വഴിവെക്കും. അഗ്നിരക്ഷാ സേനയ്ക്ക് വീഴ്ചകള് ചൂണ്ടിക്കാട്ടി നോട്ടീസ് നല്കാനേ സാധിക്കു. നിര്ദേശങ്ങള് ബന്ധപ്പെട്ടവര്ക്ക് കൈമാറുണ്ട്. എന്നാല് അതനുസരിച്ച് പ്രവര്ത്തിക്കുന്നതില് വലിയ വീഴ്ചയാണ് സംസ്ഥാനത്ത് കണ്ടുവരുന്നതെന്നും സന്ധ്യ പറഞ്ഞു. പുതുതായി സ്ഥാപിക്കുന്നതും പഴയതുമായ കെട്ടിടങ്ങളില് ഫയര്സുരക്ഷാ സംവിധാനങ്ങള് കുറ്റമറ്റതാക്കേണ്ടത് ജനങ്ങളുടെ ആവശ്യമാണ്. ഫഌറ്റുകളില് കൃത്യമായ ഫയര് സിസ്റ്റമുണ്ടായിരിക്കണമെന്നത് നിര്ബന്ധമാണ്. ഇത് പലപ്പോഴും സ്ഥാപിച്ചതിന് ശേഷം എന്.ഒ.സി പുതുക്കാന് ആളുകള് ശ്രദ്ധിക്കാറില്ല. സിസ്റ്റത്തിനുണ്ടാകുന്ന കേടുപാടുകളില് അറ്റകുറ്റപ്പണി നടത്തുന്നതില് ജനങ്ങള് അശ്രദ്ധ കാണിക്കുന്നുണ്ടെന്നും ബി. സന്ധ്യ ചൂണ്ടിക്കാട്ടി. പൗരബോധമുള്ള ഓരോ മലയാളിയും ഇത് മനസ്സിലാക്കി പ്രവര്ത്തിക്കുമെന്ന് കരുതുന്നതായും അവര് കൂട്ടിച്ചേര്ത്തു.
ബി സന്ധ്യ പറയുന്നതിലും കാര്യമുണ്ട്. കാരണം സര്ക്കാര് ഓഫീസുകളില് പോലും തട്ടിക്കൂട്ടാണ്. ചെലവ് കുറയ്ക്കാന് വയറിങ് ഉള്പ്പെട വലിയ നിലവാരം കുറഞ്ഞവയാണ്. ഇത് മാത്രമല്ല ഒരു തീ പിടുത്തം ഉണ്ടായാല് സുരക്ഷ സംവിധാനങ്ങള് പോലും ഇല്ല. ആശുപത്രികളുടെ കാര്യം അതിലേറെ കഷ്ടം. തീ പടര്ന്നുപോയാല് അഗ്നി സുരക്ഷ വിഭാഗം പാഞ്ഞെത്തണം. അപ്പോഴേക്ക് കത്തേണ്ടിടമെല്ലാം കത്തും. അഗ്നിരക്ഷാ സംവിധാനങ്ങള് പോലും ആവശ്യത്തിനില്ല എന്നുള്ളതാണ് വാസ്തവം. ഇത് മാത്രമല്ല പല ബില്ഡിങ്ങുകളും കെട്ടിപ്പൊക്കുമ്പോള് അതില് എന്ത് സുരക്ഷ പാലിക്കപ്പെടുന്നുണ്ട്. കൈമടക്ക് കൊടുത്താല് അഗ്നി സുരക്ഷ സംവിധാനങ്ങള് ഇല്ലെങ്കിലും സര്ട്ടിഫിക്കറ്റ് കിട്ടും. കെട്ടിടങ്ങള്ക്ക് അഗ്നിസുരക്ഷാ സര്ട്ടിഫിക്കറ്റ് അനുവദിക്കുന്നതില് വ്യാപക ക്രമക്കേടുകള് നടക്കുന്നുണ്ട്. പൊതു ഇടങ്ങളില് മാര്ക്കറ്റുകല് തുടങ്ങി പലയിടങ്ങളിലേയും ബില്ഡിങ്ങുകളില് തീ പടരാറുണ്ട്. അടുപ്പിച്ച് അടുപ്പിച്ചാണ് ഇവിടൊക്കെ ബില്ഡിങ് ഉള്ളത്. ഇവിടൊക്കെ എന്ത് സുരക്ഷയാണ് ഉള്ളത്. ഒരിടത്ത് തീ പടര്ന്നാല് മറ്റ് കടകളിലേക്ക് കൂടി തീ ആളിപ്പടരുകയാണ്. തീ അണയ്ക്കാന് സുരക്ഷ സംവിധാനങ്ങളുമില്ല. ഗുരുതര വീഴ്ചയാണ് ഇതൊക്കെ.
അഗ്നിസുരക്ഷാ സംവിധാനങ്ങള് ഇല്ലാത്ത കെട്ടിട നിര്മാണത്തിന് ഉടമകള്ക്കെതിരെ കര്ശന നടപടി സ്വീകരിക്കുമെന്ന് ഇതുപോലെ അപകടം ഉണ്ടാകുമ്പോള് ഉദ്യോഗസ്ഥര് പറയും. പക്ഷെ ഒന്നും നടക്കാന് പോകുന്നില്ല. നിശ്ചിത സമയ പരിധിക്കുള്ളില് അഗ്നിസുരക്ഷാ ഉപകരണങ്ങള് സജ്ജീകരിച്ച് സര്ട്ടിഫിക്കറ്റ് വാങ്ങാത്ത കെട്ടിടങ്ങള് അടച്ചുപൂട്ടുമെന്ന് കാലങ്ങളായ് കേള്ക്കുന്ന പല്ലവിയാണ്. എന്നിട്ട് എത്ര കെട്ടിടങ്ങള് പൂട്ടിപ്പോയി. ഓഡിറ്റോറിയങ്ങള് ഉള്പ്പെടെ സമ്മേളന ഹാളുകളും വ്യാവസായിക കെട്ടിടങ്ങളും വലിപ്പ വ്യത്യാസമില്ലാതെ അഗ്നിസുരക്ഷാ സര്ട്ടിഫിക്കറ്റ് വാങ്ങിയിരിക്കണം. എന്നാല് എത്ര കെട്ടിടങ്ങള്ക്കുണ്ട് അഗ്നി സുരക്ഷ സര്ട്ടിഫിക്കറ്റ്. ഉദ്യോഗസ്ഥര്ക്ക് കൈമടക്ക് കൊടുത്താല് ഇതൊക്കെ കിട്ടും.
https://www.facebook.com/Malayalivartha
