കമ്പത്ത് ജനവാസ മേഖലയില് ഇറങ്ങിയ അരികൊമ്പന്റെ ആക്രമണത്തില് പരുക്കേറ്റയാള് മരിച്ചു
കമ്പത്ത് ജനവാസ മേഖലയില് ഇറങ്ങിയ അരികൊമ്പന്റെ ആക്രമണത്തില് പരുക്കേറ്റയാള് മരിച്ചു. കമ്പം സ്വദേശി പാല്രാജ് (57) ആണ് മരിച്ചത്. ശനിയാഴ്ച കമ്പത്ത് അരികൊമ്പന് ജനവാസ മേഖലയില് ഇറങ്ങി ഓടിയപ്പോഴാണ് പാല്രാജ് ആക്രമണത്തിനിരയായത്.
തേനി മെഡിക്കല് കോളേജ് ആശുപത്രിയില് തീവ്ര പരിചരണ വിഭാഗത്തില് ചികിത്സയില് ആരുന്നു. ഇന്ന് പുലര്ച്ചെ ഒരു മണിക്ക് മരണം സ്ഥിരീകരിക്കുകയായിരുന്നു.
അതേസമയം തമിഴ്നാട് വനംവകുപ്പിന്റെ അരിക്കൊമ്പന് ദൗത്യം ഇന്നും തുടരും. നിലവില് ഷണ്മുഖ നദി ഡാമിന്റെ ജല സംഭരണിക്ക് സമീപം വനത്തില് നിന്ന് മൂന്നു കിലോമീറ്റര് അകലെയാണ് അരിക്കൊമ്പനുള്ളത്.
സൗകര്യപ്രദമായ സ്ഥലത്ത് എത്തിയാല് മയക്കു വെടി വയ്ക്കുമെന്ന് വനം വകുപ്പ് . കഴിഞ്ഞ ദിവസം കാട്ടില് നിന്ന് പുറത്തിറങ്ങാതെ വനാതിര്ത്തിയിലൂടെയായിരുന്നു അരികൊമ്പന്റെ സഞ്ചാരം. ഇത് ദൗത്യത്തിന് വലിയ തിരിച്ചടി ആകുന്നുണ്ട്.ദൗത്യത്തിന് നിയോഗിച്ച സംഘം ഏത് നിമിഷവും മയക്കു വെടി വയ്ക്കാന് സജ്ജമാണ്.
എന്നാല് മേഘമലയിലേക്ക് ആനയെ കയറ്റി വിടാനുള്ള ശ്രമവും നടക്കുന്നുണ്ട്. അതേസമയം അരികൊമ്പന്റെ തുമ്പി കൈയില് ഏറ്റ മുറിവ് വനം വകുപ്പിനെയേറെ ആശങ്കപ്പെടുത്തുന്നുണ്ട്.
https://www.facebook.com/Malayalivartha
