കാലവർഷത്തിന്റെ കാര്യത്തിൽ സംസ്ഥാനത്ത് വലിയ രീതിയിലുള്ള നിരാശയാണ് ഫലം.സാധാരണ ജൂൺ മാസത്തിൽ മഴ കനക്കാറാണ് പതിവ്. എന്നാൽ ഏറ്റവും കുറവ് മഴയാണ് കിട്ടിയത്. കാലവർഷത്തിൽ അറുപത് ശതമാനത്തിന്‍റെ ഇടിവുണ്ടായി.നമ്മൾ ജൂലൈ മാസത്തിലേക്ക് കടന്നിരിക്കുകയാണ്. ഈ മാസമെങ്കിലും കണക്കിന് മഴ കിട്ടുമെന്ന വലിയ പ്രതീക്ഷയാണ് മലയാളികൾക്ക് ഉള്ളത് .

സംസ്ഥാനത്ത് കാലവർഷം ഇനിയും ശക്തി പ്രാപിക്കുകയില്ല എന്ന ആകുലതകൾക്ക് ഈ ആഴ്ച മാറ്റമുണ്ടാകുമെന്നാണ് നിഗമനം . കാലാവസ്ഥ വകുപ്പ് അത്തരത്തിൽ ഉള്ള സൂചനകളാണ് നൽകുന്നത്. നാളെമുതൽ തുടർച്ചയായ ദിവസങ്ങളിൽ കനത്ത മഴയ്ക്ക് സാധ്യത ഉണ്ടെന്നും കാലാവസ്ഥ വകുപ്പ് വ്യക്തമാക്കിയിട്ടുണ്ട്. . അടുത്ത അഞ്ച് ദിവസങ്ങളിലും ശക്തമായ മഴക്ക് സാധ്യതയുണ്ടെന്നും മുന്നറിയിപ്പ് വന്നിരിക്കുകയാണ്. 

ഇതിന്റെ അടിസ്ഥാനത്തിൽ വിവിധ ഇടങ്ങളിൽ വിവിധ ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. അതിശക്ത മഴയ്ക്കുള്ള മുന്നറിയിപ്പാണ് ഓറഞ്ച് അലർട്ട്. നാലാം തിയതി ആറ് ജില്ലകളിലാണ് ഓറഞ്ച് അലർട്ട് . നാലാം തിയതി എറണാകുളം, ഇടുക്കി, മലപ്പുറം, വയനാട്, കണ്ണൂർ, കാസറഗോഡ് ജില്ലകളിലും മൂന്നാം തിയതി കണ്ണൂർ, കാസറഗോഡ് ജില്ലകളിലുമാണ് ഓറഞ്ച് ജാഗ്രത. ഈ ആഴ്ച നാലാം തിയതിവരെ വിവിധ ജില്ലകളിൽ യെല്ലോ അലർട്ട് ആണ് . എന്നാൽ ഇന്ന് ഒരു ജില്ലയിലും ഇതുവരെ യെല്ലോ അലർട്ടോ ഓറഞ്ച് അലർട്ടോ പ്രഖ്യാപിച്ചിട്ടില്ല.