കനത്ത മഴയെ തുടര്ന്ന് സംസ്ഥാനത്ത് ആറ് ജില്ലകളില് പൂര്ണമായും ഒരു ജില്ലയില് ഭാഗികമായും വിദ്യാഭ്യാസ സ്ഥാപനങ്ങള്ക്ക് ഇന്ന് അവധി പ്രഖ്യാപിച്ചു...മഴക്കെടുതിയില് രണ്ട് മരണം... കണ്ണൂരിലും ഇടുക്കിയിലും മലയോര മേഖലകളില് രാത്രി യാത്ര നിരോധിച്ചു
കനത്ത മഴയെ തുടര്ന്ന് സംസ്ഥാനത്ത് ആറ് ജില്ലകളില് പൂര്ണമായും ഒരു ജില്ലയില് ഭാഗികമായും വിദ്യാഭ്യാസ സ്ഥാപനങ്ങള്ക്ക് ഇന്ന് അവധി പ്രഖ്യാപിച്ചു.
കണ്ണൂര്, തൃശ്ശൂര്, എറണാകുളം, ഇടുക്കി, കോട്ടയം എന്നീ ജില്ലകളില് പ്രൊഫഷണല് കോളജുകള് ഉള്പ്പടെയുള്ള വിദ്യാഭ്യാസ സ്ഥാപനങ്ങള്ക്ക് ഇന്ന് അവധിയായിരിക്കും.
കാസര്കോട് ജില്ലയില് പ്രൊഫഷണല് കോളജുകള് ഒഴികെയുള്ള വിദ്യാഭ്യാസ സ്ഥാപനങ്ങള്ക്കാണ് അവധി പ്രഖ്യാപിച്ചിരിക്കുന്നത്. പത്തനംതിട്ട ജില്ലയില് ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാലയങ്ങള്ക്ക് മാത്രമാണ് അവധി. രണ്ട് ജില്ലകളില് റെഡ് അലര്ട്ട്
സംസ്ഥാനത്തെ മഴക്കെടുതിയില് രണ്ട് പേര് മരിച്ചു. പാലക്കാട് വടക്കഞ്ചേരിയില് തെങ്ങ് വീണ് ആദിവാസി സ്ത്രീയും മരിച്ചു. തൃശ്ശൂര് അരിപ്പാലത്ത് തോട്ടില് കാല് വഴുതി വീണ് വിദ്യാര്ത്ഥി മുങ്ങി മരിച്ചു. കോഴിക്കോട് ഇരുവഞ്ഞി പുഴയില് ഒഴുക്കില്പ്പെട്ട് കൊടിയത്തൂര് കാരക്കുറ്റി സ്വദേശി സി കെ ഹുസൈന് കുട്ടി എന്നയാളെ കാണാതായി.
തോട്ടപ്പള്ളിയില് പൊഴി മുറിക്കുന്നതിനിടെ കാണാതായ ഇതര സംസ്ഥാന തൊഴിലാളിക്കായി തിരച്ചില് തുടരുന്നു. കൊച്ചിയിലും പൊന്നാനിയിലും കോഴിക്കോട്ടും കടലാക്രമണം രൂക്ഷമായി. പലയിടത്തും വീടുകളില് വെള്ളം കയറി. പമ്പയിലും മണിമലയാറ്റിലും ജലനിരപ്പ് ഉയര്ന്നതോടെ കോസ് വേകള് മുങ്ങി. കണ്ണൂരിലും ഇടുക്കിയിലും മലയോര മേഖലകളില് രാത്രി യാത്ര നിരോധിച്ചു.
അതേസമയം സംസ്ഥാനത്ത് കനത്ത മഴ തുടരുകയാണ്. രണ്ട് ജില്ലകളില് കാലാവസ്ഥാ വിഭാഗം ഇന്നലെ റെഡ് അലര്ട്ട് പ്രഖ്യാപിച്ചിരുന്നു. കഴിഞ്ഞ മണിക്കൂറുകളില് തെക്കന്, മധ്യകേരളത്തില് വ്യാപകമായും കണ്ണൂര്, കാസര്കോട് ജില്ലകളിലും ശക്തമായ മഴ രേഖപ്പെടുത്തി. അടുത്ത മണിക്കൂറുകളിലും കനത്ത മഴ തുടരും. കണ്ണൂരിലും ഇടുക്കിയിലും മലയോര മേഖലകളില് രാത്രിയാത്രയും നിരോധിച്ചു.
വരുന്ന അഞ്ച് ദിവസം കൂടി സംസ്ഥാനത്ത് മഴ തുടരുമെന്നാണ് മുന്നറിയിപ്പ്. ഇന്ന് തിരുവനന്തപുരം, കൊല്ലം ഒഴികെയുള്ള 10 ജില്ലകളില് ഓറഞ്ച് അലര്ട്ടാണ്. കൊല്ലത്ത് ഇന്ന് യെല്ലോ അലര്ട്ടും പ്രഖ്യാപിച്ചിട്ടുണ്ട്. മലയോരമേഖകളില് ഉള്ളവരും തീരദേശവാസികളും ഈ ദിവസങ്ങളില് അതീവ്ര ജാഗ്രത പാലിക്കണം. മത്സ്യത്തൊഴിലാളികള് കടലില് പോകരുത്. ഇന്നത്തോടെ മഴയുടെ തീവ്രത കുറഞ്ഞേക്കും.
ഓറഞ്ച് അലര്ട്ട്
ഇന്ന് പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസറഗോഡും,നാളെ മലപ്പുറം, കോഴിക്കോട്, കണ്ണൂര്, കാസറഗോഡ് ജില്ലകളിലും കേന്ദ്ര കാലാവസ്ഥ വകുപ്പ് ഓറഞ്ച് അലര്ട്ട് പ്രഖ്യാപിച്ചിരിക്കുന്നു. ഒറ്റപ്പെട്ടയിടങ്ങളില് അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്.
അതേസമയം കണ്ണൂര്, എംജി, എ പി ജെ അബ്ദുള് കലാം സാങ്കേതിക ശാസ്ത്ര സര്വകലാശാലകള് ഇന്ന് നടത്താനിരുന്ന പരീക്ഷകള് മാറ്റിവെച്ചിട്ടുണ്ട്. അതേസമയം, ഇടുക്കിയിലും കോട്ടയത്തും മുന്കൂട്ടി നിശ്ചയിച്ച പൊതുപരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടാകില്ല.
"
https://www.facebook.com/Malayalivartha
