സംസ്ഥാനത്ത് മഴ അലര്ട്ടില് മാറ്റം... പത്തനംതിട്ട മുതല് കാസര്കോട് വരെ ഓറഞ്ച് അലര്ട്ട്, തിരുവനന്തപുരത്തും കൊല്ലത്തും യെല്ലോ അലര്ട്ട്
സംസ്ഥാനത്ത് മഴ അലര്ട്ടില് മാറ്റം... പത്തനംതിട്ട മുതല് കാസര്കോട് വരെ ഓറഞ്ച് അലര്ട്ട്, തിരുവനന്തപുരത്തും കൊല്ലത്തും യെല്ലോ
പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് എന്നീ ജില്ലകളിലാണ് ഓറഞ്ച് അലര്ട്ട് പ്രഖ്യാപിച്ചിരിക്കുന്നത്. തിരുവനന്തപുരത്തും കൊല്ലത്തും യെല്ലോ അലര്ട്ടും പ്രഖ്യാപിച്ചിട്ടുണ്ട്.
സംസ്ഥാനത്ത് രണ്ട് ദിവസം കൂടി കനത്ത് മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പ് . കേരളത്തില് അടുത്ത രണ്ട് ദിവസം വ്യാപകമായ മഴക്കും ഒറ്റപ്പെട്ട സ്ഥലങ്ങളില് അതി ശക്തമായ മഴക്കും സാധ്യത.
മണ്സൂണ് പാത്തിയുടെ പടിഞ്ഞാറന് ഭാഗം നിലവില് സാധാരണ സ്ഥാനത്തും മണ്സൂണ് പാത്തിയുടെ കിഴക്കന് ഭാഗം അസാധാരണ സ്ഥാനത്തത് നിന്നും തെക്കോട്ടു മാറിയുമാണ് സ്ഥിതി ചെയ്യുന്നത്.
ബംഗാള് ഉള്ക്കടലിലെ ചക്രവാതചുഴി നിലവില് മധ്യ -പടിഞ്ഞാറന് ബംഗാള് ഉള്ക്കടലില് വടക്കന് ആന്ധ്രാപ്രാദേശിന് സമീപത്തായാണ് നിലകൊള്ളുന്നത്. കേരളത്തിലെ എല്ലാ ജില്ലകളിലും ഒറ്റപ്പെട്ടയിടങ്ങളില് ഇന്ന് മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു. കനത്ത മഴ തുടരുന്ന സാഹചര്യത്തില് കണ്ണൂര്, തൃശ്ശൂര്, എറണാകുളം, ഇടുക്കി, കോട്ടയം, കാസര്കോട് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. പത്തനംതിട്ടയിലും കുട്ടനാട് താലൂക്കിലും ദുരിതാശ്വാസ ക്യാമ്പായി പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും അവധിയാണ്. എം ജി, കണ്ണൂര്, സാങ്കേതിക സര്വകലാശാലകള് ഇന്ന് നടത്താനിരുന്ന എല്ലാ പരീക്ഷകളും മാറ്റിയിട്ടുണ്ട്.
കല്ലാര്കുട്ടി, പാംബ്ല ഡാമുകളുടെ ഷട്ടര് തുറന്നേക്കും. മുതിരപ്പുഴയാര്, പെരിയാര് തീരങ്ങളില് ജാഗ്രതാ നിര്ദേശം നല്കി.
https://www.facebook.com/Malayalivartha
