മദ്യ ലഹരിയില് റോഡെന്ന് കരുതി റെയില്വേ ട്രാക്കിലൂടെ കാറോടിച്ചു....കാര് ട്രാക്കില് കുടുങ്ങി... ഒടുവില് സംഭവിച്ചത്
21 JULY 2023 11:30 AM IST
മലയാളി വാര്ത്ത
മദ്യ ലഹരിയില് റോഡെന്ന് കരുതി റെയില്വേ ട്രാക്കിലൂടെ കാറോടിച്ച ആളെ കണ്ണൂര് സിറ്റി പോലീസ് അറസ്റ്റ് ചെയ്തു. അഞ്ചരക്കണ്ടി സ്വദേശി ജയപ്രകാശാണ് താഴെചൊവ്വ റെയില്വേ ഗേറ്റിനു സമീപം ട്രാക്കിലൂടെ 15 മീറ്ററോളം കാറോടിച്ചത്. കാര് പാളത്തില് കുടുങ്ങി ഓഫാകുകയും ചെയ്തു.
സംഭവം കണ്ട ഗേറ്റ് കീപ്പര് വിവരം പോലീസില് അറിയിച്ചതിനെ തുടര്ന്ന് പോലീസ് എത്തി കാര് ട്രാക്കില് നിന്ന് മാറ്റി. ജയപ്രകാശിനെതിരെ റെയില്വേ ആക്ട് പ്രകാരവും മദ്യപിച്ച് വാഹനമോടിച്ചതിനും കേസ് എടുത്തു. ജയപ്രകാശിനെ പിന്നീട് ജാമ്യത്തില് വിട്ടയച്ചെങ്കിലും കാര് വിട്ട് നല്കിയിട്ടില്ല. വാഹനം പോലീസ് കോടതിയില് ഹാജരാക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
