കേരള പൊലീസിന് എന്തിനാണ് ഒരു രഹസ്യാന്വേഷണ വിഭാഗം? കേരളത്തിലെ വിവിധ ഇടങ്ങളിൽ ആക്രമണം നടത്തി നിരപരാധികളെ കൊല്ലാൻ അന്താരാഷ്ട്ര ഭീകര സംഘടനകൾ ആസൂത്രണം നടത്തിയിട്ടും നമ്മുടെ പൊലീസ് മാത്രം അറിഞ്ഞില്ല. എൻ.ഐ.എ എത്തി പ്രതികളെ പിടികൂടി വാർത്താക്കുറിപ്പ് ഇറക്കിയപ്പോഴാണ് നമ്മുടെ ചാര പൊലീസ് ഇക്കാര്യം അറിഞ്ഞത് തന്നെ. നിർണായകമായ കുറിപ്പ് പങ്കു വച്ച് സന്ദീപ് വാചസ്പതി.

ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;

കേരള പൊലീസിന് എന്തിനാണ് ഒരു രഹസ്യാന്വേഷണ വിഭാഗം? കേരളത്തിലെ വിവിധ ഇടങ്ങളിൽ ആക്രമണം നടത്തി നിരപരാധികളെ കൊല്ലാൻ അന്താരാഷ്ട്ര ഭീകര സംഘടനകൾ ആസൂത്രണം നടത്തിയിട്ടും നമ്മുടെ പൊലീസ് മാത്രം അറിഞ്ഞില്ല. എൻ.ഐ.എ എത്തി പ്രതികളെ പിടികൂടി വാർത്താക്കുറിപ്പ് ഇറക്കിയപ്പോഴാണ് നമ്മുടെ ചാര പൊലീസ് ഇക്കാര്യം അറിഞ്ഞത് തന്നെ. ഇത് ആദ്യ സംഭവമല്ല.

കഴിഞ്ഞ കുറേ നാളുകളായി ഇതാണ് അവസ്ഥ. എൻ.ഐ.എയും കേന്ദ്ര രഹസ്യ പൊലീസും ഉള്ളത് കൊണ്ട് കേരളത്തിലെ ജനങ്ങൾ സുരക്ഷിതമായി ജീവിക്കുന്നു. സാധാരണക്കാരുടെ ജീവനും സ്വത്തും സംരക്ഷിക്കാൻ സാധിക്കാത്ത സേനയെ എന്തിനാണ് ചെല്ലും ചെലവും കൊടുത്ത് പോറ്റിവളർത്തുന്നത്. കേരളത്തിലെ രഹസ്യാന്വേഷണ വിഭാഗത്തെ എന്തിനാണ് പിണറായി വിജയൻ ഉപയോഗിക്കുന്നത്?

രാഷ്ട്രീയ എതിരാളികളുടെ അന്ത:പ്പുര രഹസ്യം ചോർത്താൻ ഉള്ളതല്ല ഇൻ്റലിജൻസ് വിഭാഗം എന്ന് ആഭ്യന്തര മന്ത്രി തിരിച്ചറിയണം. അതോ ഭീകര വാദികളുടെ വാലാട്ടികളായി പൊലീസിനെ മാറ്റിയോ എന്ന് ആഭ്യന്തര മന്ത്രി വ്യക്തമാക്കണം. എന്തായാലും ഇൻ്റലിജൻസ് വിഭാഗം കേരള പൊലീസിന് മാത്രമല്ല ജനങ്ങൾക്ക് മുഴുവൻ ബാധ്യത ആയിരിക്കുകയാണ്.