കേരള തീരത്ത് വിഴിഞ്ഞം മുതല് കാസര്ഗോഡ് വരെ ഇന്ന് ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം...മത്സ്യത്തൊഴിലാളികള്ക്കും തീരദേശവാസികള്ക്കും ജാഗ്രതാ നിര്ദേശം
കേരള തീരത്ത് വിഴിഞ്ഞം മുതല് കാസര്ഗോഡ് വരെ ഇന്ന് രാത്രി 11.30 വരെ 2.8 മുതല് 3.3 മീറ്റര് വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം . മത്സ്യത്തൊഴിലാളികള്ക്കും തീരദേശവാസികള്ക്കും ജാഗ്രതാ നിര്ദേശം .
കടല്ക്ഷോഭം രൂക്ഷമാകാനായി സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കേണ്ടതാണ്. മത്സ്യബന്ധന യാനങ്ങള് (ബോട്ട്, വള്ളം, മുതലായവ) ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കണം. വള്ളങ്ങള് തമ്മില് സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാവുന്നതാണ്.
മല്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കണമെന്നും ഞായറാഴ്ച രാത്രി നല്കിയ അറിയിപ്പില് അധികൃതര് വ്യക്തമാക്കിയിട്ടുണ്ട്.
അതേസമയം കനത്ത മഴ തുടരുന്ന സാഹചര്യത്തില് 3 ജില്ലകളില് നാളെ അവധി പ്രഖ്യാപിച്ചിട്ടുണ്ട്. കണ്ണൂര്, കോഴിക്കോട്, വയനാട് ജില്ലകളിലാണ് ഇതിനകം അവധി പ്രഖ്യാപിച്ചത്. പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും, അംഗനവാടി, സിബിഎസ്ഇ - ഐസിഎസ്ഇ സ്കൂളുകള്, മദ്രസകള് ഉള്പ്പെടെയുള്ള എല്ലാ സ്ഥാപനങ്ങള്ക്കും അവധി ബാധകമാണെന്ന് ജില്ലാ കളക്ടര്മാര് .
"
https://www.facebook.com/Malayalivartha
