സംസ്ഥാനത്ത് കാലവര്ഷം വീണ്ടും സജീവമായതായി കാലാവസ്ഥാ നിരീക്ഷണകേന്ദ്രം... കനത്ത മഴ തുടരുന്ന സാഹചര്യത്തില് നാല് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് കളക്ടര് ഇന്ന് അവധി പ്രഖ്യാപിച്ചു, ഒന്പത് ജില്ലകളില് യെല്ലോ അലര്ട്ട്
സംസ്ഥാനത്ത് കാലവര്ഷം വീണ്ടും സജീവമായതായി കാലാവസ്ഥാ നിരീക്ഷണകേന്ദ്രം... കനത്ത മഴ തുടരുന്ന സാഹചര്യത്തില് നാല് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് കളക്ടര് ഇന്ന് അവധി പ്രഖ്യാപിച്ചു, ഒന്പത് ജില്ലകളില് യെല്ലോ അലര്ട്ട്
കോഴിക്കോട്, വയനാട്, കണ്ണൂര്, മലപ്പുറം ജില്ലകളിലെ പ്രൊഫഷണല് കോളേജ് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കാണ് അവധി പ്രഖ്യാപിച്ചിരിക്കുന്നത്. അതേസമയം, കാസര്കോഡ് ജില്ലയിലെ വെള്ളരിക്കുണ്ട്, ഹോസ്ദുര്ഗ് താലൂക്കുകളിലെ സ്റ്റേറ്റ്, സിബിഎസ്ഇ, ഐസിഎസ്സി സ്കൂളുകള്, കേന്ദ്രീയ വിദ്യാലയങ്ങള്, അങ്കണവാടികള്, മദ്രസകള് തുടങ്ങിയ വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര് അവധി പ്രഖ്യാപിച്ചു. മുന്കൂട്ടി നിശ്ചയിച്ച പരീക്ഷകള്ക്കും പിഎസ്സി പരീക്ഷകള്ക്കും അവധി ബാധകമാകില്ല.
അതേസമയം സംസ്ഥാനത്ത് ഒരിടത്തും ഇന്ന് ഓറഞ്ച് അലര്ട്ട് പ്രഖ്യാപിച്ചിട്ടില്ല. എന്നാല് ഒന്പത് ജില്ലകളില് ദേശീയ കാലാവസ്ഥാ നിരീക്ഷണ വകുപ്പ് യെല്ലോ അലര്ട്ട് നല്കി.
ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് എന്നിവിടങ്ങളിലാണ് നിലവില് യെല്ലോ അലര്ട്ടുള്ളത്. നാളെയും മറ്റന്നാളും മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് യെല്ലോ അലര്ട്ടുണ്ട്. നിലവില് വലിയ മഴ മുന്നറിയിപ്പുകളില്ലെങ്കിലും തെക്കന് കേരളത്തിലെ പല പ്രദേശങ്ങളിലും രാത്രിയിലും മഴ ലഭ്യമായി.
മദ്ധ്യ പടിഞ്ഞാറന് ബംഗാള് ഉള്കടലിനും, വടക്ക് - പടിഞ്ഞാറന് ബംഗാള് ഉള്കടലിനും മുകളിലായി ചക്രവാതചുഴി രൂപപ്പെട്ടുവെന്നും 24 മണിക്കൂറിനുള്ളില് ഇത് ന്യൂനമര്ദ്ദമായി ശക്തി പ്രാപിക്കാനായി സാധ്യതയുണ്ടെന്നും ദേശീയ കാലാവസ്ഥാ വകുപ്പ് . ജൂലൈ 26 ഓടെ ഇത് വീണ്ടും തീവ്രന്യുനമര്ദ്ദമായി ശക്തി പ്രാപിച്ചു പടിഞ്ഞാറു - വടക്ക് പടിഞ്ഞാറു ദിശയില് സഞ്ചരിച്ച് വടക്കന് ആന്ധ്രാപ്രദേശ് - തെക്കന് ഒഡിഷ തീരത്തേക്ക് നീങ്ങാനാണ് സാധ്യതയുള്ളത്.
"
https://www.facebook.com/Malayalivartha
