ഇല്ലെങ്കില് കാണാമായിരുന്നു... ഉമ്മന് ചാണ്ടി അനുസ്മരണ യോഗത്തില്, മുഖ്യമന്ത്രി പിണറായി വിജയന് പ്രസംഗിക്കാന് എഴുന്നേറ്റപ്പോള് മുദ്രാവാക്യം വിളിച്ച് പാര്ട്ടി പ്രവര്ത്തകര്; മുദ്രാവാക്യം വിളിയില് വിമര്ശനം ശക്തമാകുന്നു
ഉമ്മന് ചാണ്ടി അനുസ്മരണത്തില് മുഖ്യമന്ത്രിയെ എന്തിന് വിളിച്ചു എന്ന ചോദ്യം ഉയരുമ്പോഴും ബിജെപി നേതാക്കളെ എന്തിന് വിളിച്ചു എന്ന ചോദ്യം ആരും ചോദിച്ചില്ല. എന്തായാലും മുഖ്യമന്ത്രി വന്നു നന്നായി സംസാരിച്ചു. അതേസമയം അയ്യന്കാളി ഹാളില് കെപിസിസി സംഘടിപ്പിച്ച ഉമ്മന് ചാണ്ടി അനുസ്മരണ യോഗത്തില്, മുഖ്യമന്ത്രി പിണറായി വിജയന് പ്രസംഗിക്കാന് എഴുന്നേറ്റപ്പോള് ഉമ്മന് ചാണ്ടിക്ക് മുദ്രാവാക്യം വിളിച്ച സംഭവം വിവാദമായി.
മുഖ്യമന്ത്രി സംസാരിക്കാനായി എഴുന്നേറ്റതിനു തൊട്ടുപിന്നാലെ ആരോ വിളിച്ചുകൊടുത്ത മുദ്രാവാക്യം മറ്റുള്ളവര് ഏറ്റു വിളിക്കുകയായിരുന്നു. മുഖ്യമന്ത്രി മൈക്കിനു മുന്നില് ചെന്നുനിന്നിട്ടും മുദ്രാവാക്യം വിളി തുടര്ന്നതോടെ സമീപത്തുനിന്ന നേതാക്കളില് ചിലര് പ്രവര്ത്തകരോടു നിശബ്ദരാകാന് ആവശ്യപ്പെട്ടു.
തുടര്ന്ന് രംഗമാകെ മാറി. മുദ്രാവാക്യം വിളി തുടര്ന്നതോടെ പ്രതിപക്ഷ നേതാവ് വി.ഡി.സതീശന്, മുന് പ്രതിപക്ഷ നേതാവ് രമേശ് ചെന്നിത്തല, യുഡിഎഫ് കണ്വീനര് എം.എം. ഹസന് ഉള്പ്പെടെ ഇടപെട്ടാണ് പ്രവര്ത്തകരെ നിശബ്ദരാക്കിയത്. വി.ടി.ബല്റാം ഉള്പ്പെടെയുള്ള യുവ നേതാക്കളും വേദിയില് എഴുന്നേറ്റുനിന്നു പ്രവര്ത്തകരോട് നിശബ്ദരാകാന് ആവശ്യപ്പെട്ടു.
കെപിസിസി പ്രസിഡന്റ് കെ. സുധാകരന്റെ അനുസ്മരണ പ്രഭാഷണം പൂര്ത്തിയായതിനു പിന്നാലെ, അടുത്തതായി മുഖ്യമന്ത്രി പിണറായി വിജയന് സംസാരിക്കുന്നുവെന്ന് അനൗണ്സ് ചെയ്തതിനു തൊട്ടുപിന്നാലെയാണ് മുദ്രാവാക്യം വിളി ആരംഭിച്ചത്. ''ഉമ്മന് ചാണ്ടി സിന്ദാബാദ്, കണ്ണേ കരളേ കുഞ്ഞൂഞ്ഞേ, ആരു പറഞ്ഞു മരിച്ചെന്ന്...' തുടങ്ങിയ മുദ്രാവാക്യങ്ങളുമായി പ്രവര്ത്തകര് ബഹളം വച്ചതോടെയാണ്, മുഖ്യമന്ത്രിക്കു സമീപം നിന്നിരുന്ന നേതാക്കളില് ചിലര് ഇടപെട്ടത്. മുദ്രാവാക്യം വിളി നിര്ത്താന് ഇവര് ആവശ്യപ്പെട്ടെങ്കിലും പ്രവര്ത്തകര് ആവേശത്തോടെ ഏറ്റുവിളിച്ചു. തുടര്ന്ന് വേദിയിലിരുന്ന യുഡിഎഫ് കണ്വീനര് എം.എം.ഹസന് ഉള്പ്പെടെ എഴുന്നേറ്റ് വിലക്കിയതോടെയാണ് പ്രവര്ത്തകര് നിശബ്ദരായത്. തുടര്ന്ന് മുഖ്യമന്ത്രി പ്രസംഗം ആരംഭിക്കുകയും ചെയ്തു.
രോഗാവസ്ഥയിലും കോണ്ഗ്രസ് പാര്ട്ടിയെ ശക്തിപ്പെടുത്താനാണ് ഉമ്മന് ചാണ്ടി ശ്രമിച്ചതെന്ന് മുഖ്യമന്ത്രി ചൂണ്ടിക്കാട്ടി. ഒന്നിച്ചാണ് നിയമസഭയിലെത്തിയതെങ്കിലും തനിക്കു തുടര്ച്ചയായി സഭയിലെ അംഗമായി പ്രവര്ത്തിക്കാന് കഴിഞ്ഞില്ലെന്ന് മുഖ്യമന്ത്രി പറഞ്ഞു. ഉമ്മന് ചാണ്ടി തുടര്ച്ചയായി ആ ചുമതല ഭംഗിയായി നിറവേറ്റി. വിവിധ വകുപ്പുകള് കൈകാര്യം ചെയ്ത് ശോഭിക്കുന്ന ഭരണാധികാരിയെന്നു കേരളത്തിനു മുന്നില് തെളിയിച്ചു. രണ്ടു തവണ മുഖ്യമന്ത്രിയായപ്പോഴും ഈ ഭരണപരിചയം അദ്ദേഹത്തിനു ശക്തി പകര്ന്നുവെന്നും മുഖ്യമന്ത്രി പറഞ്ഞു.
അതേസമയം ഉമ്മന് ചാണ്ടി അനുസ്മരണ യോഗത്തില് മുഖ്യമന്ത്രി പിണറായി വിജയന് പ്രസംഗിക്കാന് എഴുന്നേറ്റപ്പോള് ഉണ്ടായ മുദ്രാവാക്യം വിളിയില് പരോക്ഷ വിമര്ശനവുമായി മന്ത്രി വി.എന്. വാസവന് രംഗത്തെത്തി. ആതിഥേയ സംസ്കാരം നന്മയുടെ ലക്ഷണമാണെന്നും, നസ്രത്തില്നിന്ന് നന്മ പ്രതീക്ഷിച്ചിട്ട് കാര്യമില്ലല്ലോ എന്നും വാസവന് ഫെയ്സ്ബുക്കില് കുറിച്ചു. മുദ്രാവാക്യം വിളിയുടെ ചിത്രം സഹിതമാണ് മന്ത്രിയുടെ വിമര്ശനം.
കെപിസിസി പ്രസിഡന്റ് കെ.സുധാകരന്റെ അനുസ്മരണ പ്രഭാഷണം പൂര്ത്തിയായതിനു പിന്നാലെ, അടുത്തതായി മുഖ്യമന്ത്രി പിണറായി വിജയന് സംസാരിക്കുന്നുവെന്ന് അനൗണ്സ് ചെയ്തതോടെയാണ് മുദ്രാവാക്യം വിളി ആരംഭിച്ചത്. ഇത് പരിപാടിയുടെ ശോഭ കെടുത്തുമെന്ന് ഉറപ്പായിരുന്നു. ഇത് മനസിലാക്കി മുദ്രാവാക്യങ്ങളുമായി പ്രവര്ത്തകര് ബഹളം വച്ചതോടെയാണ്, മുഖ്യമന്ത്രിക്കു സമീപം നിന്നിരുന്ന നേതാക്കളില് ചിലര് ഇടപെട്ടത്. മുദ്രാവാക്യം വിളി നിര്ത്താന് ഇവര് ആവശ്യപ്പെട്ടെങ്കിലും പ്രവര്ത്തകര് ആവേശത്തോടെ ഏറ്റുവിളിച്ചു.
https://www.facebook.com/Malayalivartha
