പണിവെച്ച് പിണറായി മുങ്ങി ധനമന്ത്രിയെ ചെറുപ്പക്കാര് വളയും;സംസ്ഥാനത്ത് വീണ്ടും പെന്ഷന് പ്രായം ഉയര്ത്തുന്നത് ചര്ച്ചകളിലേക്ക്, മുഖ്യന് ഉപദേശിച്ച ഐഡിയ പരീക്ഷിച്ചാലും ഇല്ലെങ്കിലും പണി,എന്താണ് പരിഹാരമെന്ന് തലപുകഞ്ഞ് കെഎന് ബാലഗോപാല്
ധനമന്ത്രി കെഎന് ബാലഗോപാലിനെ പ്രതിസന്ധിയില് കുടുക്കിയാണ് പിണറായി വിജയന് വിദേശത്ത് ഉല്ലാസ യാത്രയ്ക്ക് പോയിരിക്കുന്നത്. തിരികെ വരുമ്പോള് ധനമന്ത്രി ജീവനോടെ കാണുമോ എന്തോ. ജനങ്ങള് ഏതുനിമിഷവും കൈവെക്കും അതാണ് അവസ്ഥ. കൊട്ടിഘോഷിച്ച് കേരള യാത്ര നടത്തിയപ്പോള് തന്നെ ധനമന്ത്രിയെ കൈയ്യില് കിട്ടിയപ്പോള് പെണ്ണുങ്ങള് ഉള്പ്പെടെ എടുത്തിട്ട് അലക്കി. ചരിത്രത്തില് ആദ്യമായ് ശമ്പളം മുടങ്ങിയപ്പോഴും മുഖ്യമന്ത്രിയെ അല്ല ധനമന്ത്രിയെ ആണ് സര്ക്കാര് ജീവനക്കാര് വളഞ്ഞത്. അതുപോലെ ഒരു പ്രതിസന്ധി വീണ്ടും ഉയര്ന്നിരിക്കുന്നു ധനമന്ത്രി കരഞ്ഞ് നിലവിളിക്കും. എന്താണ് പരിഹാരമെന്ന് തലപുകയുമ്പോള് ഒരു ഐഡിയ പിണറായി തന്നെ പറഞ്ഞിട്ടാണ് പോയിരിക്കുന്നത്. അത് പരീക്ഷിച്ചാലും ഇല്ലെങ്കിലും കുടുങ്ങുന്നത് ധനമന്ത്രി തന്നെ.
സംസ്ഥാനത്ത് വീണ്ടും പെന്ഷന് പ്രായം ഉയര്ത്തുന്നത് ചര്ച്ചകളിലേക്ക് വന്നിരിക്കുകയാണ്. സര്ക്കാര് ഖജനാവിലെ പ്രതിസന്ധിയാണ് ഇതിന് കാരണം. പെന്ഷന് പ്രായം കൂട്ടിയില്ലെങ്കില് ഈ സാമ്പത്തിക വര്ഷം എന്തു ചെയ്യുമെന്ന ആശങ്ക സര്ക്കാരിനുണ്ട്. 202405 സാമ്പത്തിക വര്ഷത്തില് 25000ത്തോളം പേരാണ് സര്ക്കാര് ജോലിയില് നിന്നും വിരമിക്കുക. ഇതില് 20000പേര് വിരമിക്കുന്നത് മെയ് മാസത്തിലാണ്. ശരാശരി ഒരാള്ക്ക് വിരമിക്കുമ്പോള് 40 ലക്ഷത്തോളം രൂപ സര്ക്കാര് നല്കേണ്ടതുണ്ട്. 20000 പേര്ക്ക് ഇത്രയും തുക നല്കാന് കുറഞ്ഞത് 8000 കോടി വേണം. ഈ സാഹചര്യത്തിലാണ് പെന്ഷന് പ്രായം ഉയര്ത്തുന്നതില് സര്ക്കാര് ആലോചന തുടങ്ങുന്നത്. മുഖ്യന്റെ തലയില് ഉദിച്ച ബുദ്ധിയാണ് പക്ഷെ പാളിയാല് പണിമേടിച്ച് കൂട്ടുന്നത് ധനമന്ത്രി ആയിരിക്കും.
പെന്ഷന് പ്രായം അറുപതാക്കിയാല് കേരളത്തിന്റെ സാമ്പത്തിക നില കൂടുതല് സുസ്ഥിരമാകുമെന്ന് കരുതുന്നവരുമുണ്ട്. എന്നാല് യുവാക്കളുടെ പ്രതിഷേധം അതിരുവിടും. അതു മനസ്സിലാക്കി പെന്ഷന് പ്രായം 58 ആക്കാനാണ് ആലോചന. സര്ക്കാര് ജീവനക്കാരും പെന്ഷന് പ്രായം ഉയര്ത്തുമെന്ന പ്രതീക്ഷയിലാണ് ഇപ്പോള്. ലോക്സഭാ തിരഞ്ഞെടുപ്പ് കഴിഞ്ഞു. നിയമസഭാ തിരഞ്ഞെടുപ്പിന് ഇനിയും കാലമുണ്ട്. അതുകൊണ്ട് തന്നെ യുവാക്കളുടെ പ്രതിഷേധത്തിന് പരിഹാരമൊരുക്കാന് സമയമുണ്ടെന്നാണ് വിലയിരുത്തല്. നയപരമായ തീരുമാനമായതിനാല് ഇടതു മുന്നണിയും ഇത് അംഗീകരിക്കേണ്ടതുണ്ട്. പക്ഷെ യുവാക്കള് സര്ക്കാരിന്റെ ചക്കര വര്ത്താനത്തില് വീഴാനും വഴിയില്ല. സെക്രട്ടേറിയറ്റില് മുട്ടിലിഴഞ്ഞത് ഇപ്പോഴും കേരളത്തിലെ ചെറുപ്പക്കാരെ രോഷം കൊള്ളിക്കുന്നുണ്ട്. പിണറായി സര്ക്കാരിന്റേത് പൊള്ളയായ വാഗ്ദാനങ്ങള് ആണെന്ന് അവര് പറയുന്നുണ്ട്.
പ്രായപരിധി ഉയര്ത്തുന്നതില് നിര്ണ്ണായക നടപടികള് ഇതുമായി ബന്ധപ്പെട്ട് ധനകാര്യ വകുപ്പ് ആലോചിക്കുന്നുണ്ട്. ഇപ്പോഴും തിരഞ്ഞെടുപ്പ് പെരുമാറ്റ ചട്ടം നിലവിലുണ്ട്. ജൂണ് നാലിന് വോട്ടെടുപ്പ് കഴിയും വരെ അതു തുടരും. മെയ് മാസത്തില് പെന്ഷന് പ്രായം ഉയര്ത്തണമെങ്കില് ഉടന് തീരുമാനം എടുക്കണം. ഇതിന് തിരഞ്ഞെടുപ്പ് കമ്മീഷന്റെ അനുമതി അനിവാര്യമാണ്. ഇതിനുള്ള ചര്ച്ചകളും മറ്റും സെക്രട്ടറിയേറ്റില് നടക്കുന്നുണ്ട്. കമ്മീഷന് അനുമതി തേടി കത്ത് നല്കിയെന്നും അനൗദ്യോഗിക സൂചനകളുണ്ട്. എന്നാല് ഇക്കാര്യം ആരും സ്ഥിരീകരിക്കുന്നില്ല. പക്ഷേ പെന്ഷന്പ്രായം ഉയര്ത്താനുള്ള ചര്ച്ച അണിയറയില് വീണ്ടും സജീവമാണ്. പെന്ഷന് പ്രായം ഉയര്ത്തിയില്ലെങ്കില് വലിയ പ്രതിസന്ധിയായി മാറുമെന്നാണ് ധനകാര്യ വകുപ്പിലേയും പ്രമുഖരുടെ നിലപാട്. എന്ജിഒ യൂണിയന്റെ മുന്നിര നേതാക്കളും മെയ് മാസത്തില് പെന്ഷനാകാനുണ്ട്. ഇവരും പെന്ഷന് പ്രായം ഉയര്ത്തുന്നതിന് അനുകൂലമാണ്. ഇങ്ങനെ വിരമിക്കേണ്ടവര് ഒന്നും വിരമിക്കലുമായി ബന്ധപ്പെട്ട ഫയല് നീക്കങ്ങളൊന്നും തുടങ്ങിയിട്ടില്ലെന്നതാണ് വസ്തുത.
പെന്ഷന് പ്രായം ഉയര്ത്തുകയോ അടുത്ത സാമ്പത്തിക വര്ഷം എല്ലാവരും വിരമിക്കുന്ന രീതിയില് ഏകീകരണമോ ആണ് ആലോചനയില്. നിലവില് കടമെടുത്താണ് കേരളം മുമ്പോട്ട് പോകുന്നത്. ഏകദേശം 38000 കോടിയാകും കടമെടുക്കാനുള്ള കേന്ദ്ര സര്ക്കാര് ഈ വര്ഷം അനുവദിക്കാന് പോകുന്ന പരിധി. ഇതില് പതിനായിരം കോടിയില് അധികം പെന്ഷന് ആനുകൂല്യം നല്കേണ്ടി വരുന്നത് കേരളത്തിന്റെ സാമ്പത്തിക സ്ഥിതിയെ തകര്ക്കും. കിഫ്ബിയുടേയും മറ്റു ഫണ്ടുകളുടേയും കടമെടുക്കല് കണക്കും സംസ്ഥാന സര്ക്കാരിന്റെ പരിധിയില് കൊണ്ടു വ്ന്നാല് കേരളത്തിന് അനുദനീയമായ ഈ സാമ്പത്തിക വര്ഷത്തെ കടമെടുപ്പ് പരിധി 25000 കോടിയായി ചുരുങ്ങാനും സാധ്യത ഏറെ.
അങ്ങനെ 25000 കോടി മാത്രം കടമെടുക്കാന് ആകുന്ന സാഹചര്യമുണ്ടാകുമ്പോള് പെന്ഷന് വേണ്ടി അതില് പകുതിയോളം കൊടുക്കുന്നതിലെ പ്രതിസന്ധി ചിന്തിക്കാനുന്നതിനും അപ്പുറമാണ്. അതുകൊണ്ട് കൂടിയാണ് പെന്ഷന് പ്രായം ഉയര്ത്തി ഈ തുക വികസന ആവശ്യത്തിലേക്ക് മാറ്റാനുള്ള ആലോചന. സാമൂഹിക ക്ഷേമ പെന്ഷനും മറ്റും മുടങ്ങുന്ന സാഹചര്യം സംസ്ഥാന സര്ക്കാരിന്റെ പ്രതിച്ഛായയേയും ബാധിക്കും. യുവാക്കള്ക്ക് ജോലി നഷ്ടം ഉണ്ടാകില്ലെന്ന സന്ദേശം നല്കി പെന്ഷന് പ്രായം ഉയര്ത്തേണ്ട സാഹചര്യമുണ്ടെന്നാണ് വിലയിരുത്തല്. കൂടാതെ പിണറായീടെ തലയില് ഉദിച്ച കുരുട്ട് ബുദ്ധിക്ക് കാരണങ്ങള് വേറെയുമുണ്ട്. ഒരു 3.0 സ്വപ്നം കാണുന്നുണ്ട് അതിന് എന്തെങ്കിലുമൊക്കെ ഗിമ്മിക് കാണിച്ചേ മതിയാകൂ. കൂടാതെ താല്ക്കാലിക സാമ്പത്തിക ഞെരുക്കത്തില് നിന്ന് കരകയറണം. എന്നാല് വലിയ മണ്ടത്തരമാണ് പിണറായി കാണിക്കാന് പോകുന്നതെന്ന് വിദഗ്ദര് പറയുന്നു.
https://www.facebook.com/Malayalivartha